Johanni 15:10 - O Debleskro Lab 2024 (Sinte-Manouche)

¹⁰ Te krenn t'mer kova, hoy me t'menge penom, ačenn t'mer an miro kamlepen yaake, har me kova krau, hoy miro dad mange penas. Oun me ačau an leskro kamlepen.

O Debleskro Drom 2021 (Sinte)

¹⁰ Te krenn tumer kowa, hoi me tumenge penom, atchenn tumer an miro kamlepen jaake, har me kowa krau, hoi miro dad mange penas. Un me atchau an leskro kamlepen.

Johanni 15:10 Iomraidhean Croise

2. Samuel 22:22

Me rikrom man ap i dromma o baro Deblestar, oun moukom gar miro Debles.

2. Rajengro liil 18:6

Yob rikras pes ap o baro Debleste oun moukas lestar gar tele, oun rikras pes ap leskre tsele laba, kay o baro Devel o Moseske penas.

2. Mose 7:6

Oun o Mose oun o Aron kran yaake, har o baro Devel lenge penas.

Jesaja 50:5

O baro Devel, miro ray, kras mange o kand pre, oun me čivom gar leskro lab ap i rig, oun me djom leske gar dran o drom.

Johanni 10:18

Kek lell miro djipen mandar. Dran mande vell kova, kay dau miro djipen. Kova hi an miro vast, te dap miro djipen. Oun kova hi an miro vast, te lap les pale. Yaake krau, hoy miro dad mange penas.”

Johanni 12:49

Kova, hoy me penom, vell gar mandar. O dad, kay bičras man, penas mange, hoy me penap oun rakrap.

Johanni 14:15

“Te kamenn t'mer man o djiyestar, krenn t'mer, hoy me t'menge penom.

Johanni 14:21

Koon mire laba shounella oun krell, hoy me penau, kova kamell man čačepah o djiyestar. Oun koon man kamella, koles kamell miro dad. Oun me kamau les ninna o djiyestar oun me sikrau leste, koon me hom.”

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

Johanni 14:31

Me krau, hoy miro dad mange penas, te dikenn i menshe ap kay phoub, kay kamau les o djiyestar. Stenn pre, te djas menge!”

Johanni 17:4

Me sikrom kol menshen tiro raylepen oun tiri zoor ap i phoub. Oun me krom halauter, hoy tou mange penal.

Johanni 4:34

Penas o Yezous lenge: “Me djivau kolestar, te krap, hoy o Devel mandar kamella. Oun leskri boudi krau yaake rah, har yob kamella. Doleske bičras man lo ap i phoub.

Johanni 8:29

Oun kova, kay bičras man, hi pash mande. Yob moukas man gar kokres. Me krau hako tsiro, hoy yob kamella.”

Johanni 8:55

T'mer prindjrenn les gar. Me prindjrau les. Te penaus me, kay prindjrau les gar, voms i rhorheno har t'mer. Me prindjrau les oun krau, hoy yob penella.

1. Korintarja 7:19

Kolla hi gar boudeder moldo, kay ap o mass činlo hi, har kolla, kay gar činlo hi ap o mass. Glan o Debleste molella, te rikress tout ap leskro lab.

1. Tessalonikarja 4:1

Mire phrala, mer sikram t'mende, har te djivenn t'maro djipen yaake, te vell o Devel barhtelo pral t'mende. Oun kova krenn t'mer. Kanna mangah t'men yaake har maro ray, o Yezous, mangals t'mendar: Krenn kova gomme boudeder oun feteder!

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

2. Petro 2:21

Yon prindjran o čačo drom, oun moukan les. Yon kamenn bouder či te shounell o Debleskro lab, hoy lenge penlo vas. Lenge vals feteder, te djinans yon o Debleskro drom gar.

1. Johanni 2:3

Mer te krah kova, hoy o Devel menge penas, te kras, djinah mer, te prindjrah les.

1. Johanni 2:5

Koon krella, hoy o Devel penella, an koleste hi čačepah o Debleskro tselo kamlepen. Oun ap kova dikah mer, te ačah o Debleha.

1. Johanni 2:6

Koon penella, te ačell lo o Debleha khetne, kova hounte djivella yaake, har o Yezous Kristo djivas.

1. Johanni 5:3

Maro kamlepen o Debleske sikrell pes, te krah mer kova, hoy yob menge penella. Oun kova, hoy yob menge penella te kras, kova hi gar pharo.

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.