Johanni 14:2 - O Debleskro Lab 2024 (Sinte-Manouche)

² An miro dadeskro kheer hi boud iseme. Te vals kova gar yaake, penoms me kova gar. Me djau koy oun dikau, te venn kol iseme t'menge kerdo.

O Debleskro Drom 2021 (Sinte)

² An miro dadeskro kheer hi bud iseme. Te wals kowa gar jaake, penoms me kowa gar. Me djau koi un dikau, te wenn kol iseme tumenge kerdo.

Johanni 14:2 Iomraidhean Croise

Louka 14:22

Oun pal i tsiro vas o boudepaskro pale oun penas: Me krom, hoy tou penal. O kheer hi gar pherdo.

Johanni 13:33

Čovale, me hom gar bouder rah pash t'mende. T'mer rodenn man, oun kova, hoy me kol biboldenge penom, penau me kanna ninna t'menge: Kay me djau, nay djan t'mer gar.

Johanni 13:36

“Ray, kay djah tou?” poučas o Simon Petro lestar. Penas o Yezous ap leste: “Kote, kay me kanna djaua, nay djah tou gar peha. Pal i tsiro veh tou ninna koy.”

Johanni 14:28

T'mer shounan, hoy me penom: Me djau mange oun vau pale pash t'mende. Te kamans man o djiyestar, vans t'mer barhtelo, kay me pash o dadeste djau. Miro dad hi bareder har me.

Johanni 16:4

Te vell ko tsiro, hounte djinenn t'mer, kay kova yaake vella, har me les t'menge penom. Me penom t'menge kova gar, har homs pash t'mende. Kanna penau t'menge kova.

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Bičepangre 9:16

Me kamau leste te sikrell, kay hounte lell yob boud douka mange ap peste.”

2. Korintarja 5:1

Mer djinah, maro djipen ap kay phoub ačell gar. Pal maro merepen lah i nevo troupo. Ko nevo troupo hi har i kheer, hoy kras o Devel oun kek mensho. Ko kheer ačell hako tsiro an o bolepen.

1. Tessalonikarja 5:9

O Devel kamell gar, te vell leskri rholi pral mende. Na-a, yob kamell, te dell men maro ray, o Yezous Kristo, o Debleskro djipen.

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.

Hebrearja 11:10

O Abraham dikas ap ko tsiro, kay nay djivell lo an ko foro, hoy o Devel krella, oun hoy hako tsiro ačella.

Hebrearja 13:14

Ap kay phoub hi men kek foro, kay nay ačenna. Na-a. Mer dikah ap ko tsiro, kay djivah an o Debleskro foro, hoy vella.

Hebrearja 9:8

Yaake sikrell men o Debleskro Dourho, kay kek nay djal an koy palstouni kouč isema, yaake rah, har hi koy glanstouni isema koy.

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.

Debleskro tsiro 21:2

Oun me dikom o Debleskro foro, o nevo Yerusalem, har vas ko foro tele o Deblestar dran o bolepen. O foro his shoukar kerdo har i terni čay, kay romedinerell oun shoukar kerdo vas peskro romeske.

Debleskro tsiro 3:12

Kova, kay zoreles an o patsepen ačas, oun gar pre das, dran koleste krau me yekes, kay hi har i baro bar, hoy rikrell miro Debleskro kheer. Oun kova ačell koy tardo hako tsireske. Oun me činau o lab miro Deblestar ap leste, oun o lab o Debleskro forestar. Kova hi o nevo Yerusalem, hoy dran o bolepen tele vella. Oun miro nevo lab činau ninna ap leste.

Debleskro tsiro 3:21

Kova, kay zoreles an o patsepen ačas, oun gar pre das, kova nay beshell pes mantsa ap miro rayeskro beshepaskro, yaake har me ninna zoreles tardo homs, oun me beshom man miro dadeha ap leskro rayeskro beshepaskro.