Johanni 13:7 - O Debleskro Lab 2024 (Sinte-Manouche)

⁷ Penas o Yezous ap leste: “Hoy me kraua, hayveh tou kanna gar. Pal i tsiro hayveh tou kova.”

O Debleskro Drom 2021 (Sinte)

⁷ Penas o Jesus ap leste: “Hoi me kraua, haiweh tu kanna gar. Pal i tsiro haiweh tu kowa.”

Johanni 13:7 Iomraidhean Croise

Jeremia 32:43

T'mer penenn kava themestar: “Kova hi i moulo them, kay kek menshe dren djivenna, oun kek firhe koy hi; oun i Babilonarya hi i raya an leste.” Shounenn, o dives vell, kay venn pale harhetikre themma ginlo an kava them.

Daniel 12:12

Barhtelo hi kova, kay vin rikrell bis te 1.335 (yek-sero-triin-sheel-te-triyanda-te-panč) divessa trouyel hi.

Daniel 12:8

Oun me shounom kova oun hayvom les gar. Oun me penom: “Miro ray, har djal lauter vin?”

Johanni 12:16

Ap ko tsiro djinan o Yezouseskre mala gar, kay kova lestar glan i rah tsiro penlo vas. Har o Yezous an o Debleskro raylepen djas, hayvan le, kay i menshe kran leha yaake, har pral leste činlo his.

Johanni 13:36

“Ray, kay djah tou?” poučas o Simon Petro lestar. Penas o Yezous ap leste: “Kote, kay me kanna djaua, nay djah tou gar peha. Pal i tsiro veh tou ninna koy.”

Johanni 13:6

Har yob pash o Simon Petreste vas, penas kova ap leste: “Ray, thoveh tou mire pire?”

Johanni 14:26

Me te hom bouder gar pash t'mende, bičrell o dad t'menge o rakepaskres, kay vell ap t'mari rig. Kova hi o Debleskro Dourho. Oun yob penell t'menge halauter yaake, te nay hayvenn kova mishto. Oun yob moukell t'menge halauter an o shero te vell, hoy me t'menge penom.