Johanni 13:5 - O Debleskro Lab 2024 (Sinte-Manouche)

⁵ Pal kova čoras yob o pani an i piri, oun thovas peskre malenge i pire. Oun yob las koy damdira, hoy yob troul peste pandas, oun khossas lengre pire.

O Debleskro Drom 2021 (Sinte)

⁵ Pal kowa tchoras job o pani an i piri, un thowas peskre malenge i pire. Un job las koi damdira, hoi job trul peste pandas, un khossas lengre pire.

Johanni 13:5 Iomraidhean Croise

1. Mose 18:4

T'menge vell pani anlo, te thovenn t'mare herya. Oun beshenn t'men tel ko rouk!

1. Mose 19:2

Oun penas: “Mire raya, avenn an miro kheer! Me mangau t'men, ačenn i rati pash mande! Thovenn t'mare herya! Oun djan taysarlakro t'maro drom!” “Na-a”, penan le, “mer kamah i tseli rati vin te ačell.”

1. Mose 43:24

Oun ko rom anas len an o Yosefeskro kheer oun das len pani, te thovenn le pengre herya, oun das lengre bouriken te rhal.

2. Rajengro liil 3:11

O Yosafat penas: “Hi kek baro Debleskro rakepaskro kay, te poučell kova menge o baro Deblestar?” Koy penas yek kol morshendar ko baro rayestar pral Israel oun penas: “Kate hi o Elisa, koleskro dad o Shafat hi. Yob boudras o Eliyeske, čoras leske o pani ap i vasta.”

Debleskri gili 51:2

har o Debleskro rakepaskro Natan pash leste vas, pal kova o David i vavareskri romyat, i Batsheba, las.

2. Mose 29:4

An o Arones oun leskre čaven pash o voudar glan o Debleskro plarhteno kheer, oun le pani oun thob len!

Jesaja 1:16

Thovenn t'men, krenn t'men djoudjo! Anenn t'maro čilačo koova, hoy kran, dran mire yaka krik. Moukenn o čilačepen!

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

3. Mose 14:8

Kova, kay sasto vas, thovell peskre koola oun činell peskre tsele balla tele, oun thovell pes. Palle hi lo erligo, oun nay vell pale ap i platsa, kay i menshe djivenn. Efta divessa ačell lo vin glan peskro plarhteno kheer.

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

Louka 7:38

Oun yoy his tardo pal o Yezouseste oun rovas. Oun lakre sva kran leskre pire sapenes. Oun yoy khossas len peskre ballentsa. Oun yoy čoumras leskre pire, oun makas len o kouč djeteha dren.

Louka 7:44

Oun o Yezous rissras pes trouyel, dikas ap koy djouvyate, oun penas ap o Simoneste: “Dik ap koy djouvyate, oun ap kova, hoy yoy mange kras! Me vom an tiro kheer. Oun tou dal man kek pani, te nay thovom mire pire. Lakre sva kran mire pire sapenes, oun yoy khossas len peskre ballentsa.

Johanni 13:10

Penas o Yezous ap leste: “Koon tseles thodo hi, hounte vell bouder gar thodo. Yob hi djoudjo. Leskre pire kokres hounte thovell lo. T'mer han djoudjo. Yek kokres hi gar djoudjo.”

Johanni 13:6

Har yob pash o Simon Petreste vas, penas kova ap leste: “Ray, thoveh tou mire pire?”

Johanni 13:8

Penas o Petro ap leste: “An kek tsiro kamau me, te thovess mire pire!” “Te thovau tout gar,” penas o Yezous, “hal tou gar miro.”

Johanni 19:34

Yek kol lourdendar das les peskro rhareha an i rig čourye. Koy vas pani oun rat vin.

Bičepangre 22:16

Oun kanna ste pre! De leskro lab an-gole! Oun mouk tout te taufrell, oun tiri doosh tele te thovell!”

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

Efesarja 5:26

te venn le erligo oun djoudjo glan leste. Yob thovas lengri doosh lendar tele, har patsan le leskro lab, oun van leske an o pani thodo.

1. Timoteo 5:10

Vavar menshe hounte dikenn ap late, te kras li lačo koova, oun te tserdas li peskre čaven mishto pre. Yon hounte dikan, te las li menshen pash peste pre, oun te thovas li i patslenge i herya. Yon hounte dikan, te his li kolenge koy, kolen i pharo djipen hi, oun te kras li hako lačo koova.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

1. Johanni 1:7

Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.

1. Johanni 5:6

O Yezous Kristo vas pash mende. Yob vas taufedo an o pani oun meras ap o troushel. Har meras lo, ratas lo peskro rat. Hi gar kokres leskro thopen an o pani, na-a, ninna leskro rat sikrell mende, kay yob o Debleskro čavo hi. Oun o Debleskro Dourho penell menge kova ninna. Oun o Debleskro Dourho penell o čačepen.

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”

Čačepangre 19:21

Oun yaake las lo les peha an peskro kheer, oun das leskre eslenge rhapen. Oun yon thovan pengre herya, oun rhan oun piyan.

1. Samuel 25:41

Kote stas li pre, oun vitsras pes tele ap peskro mouy ap i phoub oun penas: “Me hom leskri boudepaskretsa oun kamau te thovap i herya i boudepangrendar miro rayestar.”