Johanni 11:53 - O Debleskro Lab 2024 (Sinte-Manouche)

⁵³ Kova his ko dives, kay van le o ersto kopo khetne, te rodenn le i drom, har nay marenn yon les.

O Debleskro Drom 2021 (Sinte)

⁵³ Kowa his ko diwes, kai wan le o ersto kopo khetne, te rodenn le i drom, har nai marenn jon les.

Johanni 11:53 Iomraidhean Croise

1. Mose 37:18

Har i phrala dikan, kay o Yosef vella, lan yon penge glan, te denn le les moulo.

Nehemia 13:21

Oun me dom len trad oun penom ap lende: “Hoske ačenn t'mer pral i rat vin glan i massouri? Te krenn kova gomme yek kopo, moukau t'men an o stilepen te vitsrell.” Foun ko tsiro van le gar bouder ap o Debleskro dives.

Nehemia 4:16

An ko tsiro penom me ap i pralstunende: “Hakeno te ačell peskre morshentsa rati an o foro Yerusalem, yaake te hi men doha morsha, kay denn yak an i rat oun boudrenn ap o dives.”

Debleskri gili 113:2

Mou vell o baro Debles sharedo kanna oun hako tsireske!

Debleskri gili 2:2

I bare raya ap kay phoub stakrenna pre, oun i pralstoune beshenn khetne, oun krenn vin, har nay hadenn le pen pral o baro Debleste oun pral koleste, kones yob vin rodas.

Debleskri gili 31:13

Boud bistran man, har te voms moulo oun paskedo. Lenge hom har i phagedo čaro, hoy krik vitsedo vas.

Debleskri gili 71:10

Kolla, kay mange čilačepen kamenn, rakrenn pal mande. Kolla, hoy kamenn mange o djipen te lell, rakrenn khetne,

Jeremia 38:15

Kote penas o Yeremia ap o Sedekya: Me te penau touke čomone, palle mareh tou man. Te penau touke, hoy te kress, palle shouneh gar ap mande.

Jeremia 38:4

Kote rakran kol pralstoune o baro rayeha oun penan: Mouk kava morshes, o Yeremia te marell; yaake har yob rakrella, lell lo i zoor kol lourdendar krik, kay kate pash mende pral ačan an kava foro. Oun yaake djal ninna i tsele menshenge an kava foro. Kava morsh rodell gar, hoy i menshenge mishto hi. Na-a, yob anell len an i bibarht.

Mateo 12:14

Koy djan i Farisarya vin, oun rakran khetne, har yon les nay marenna.

Mateo 16:21

Oun ap ko tsiro penas o Yezous peskre malenge, te hounte djal lo an o foro Yerusalem. Oun yob penas lenge: “Me hounte lap boud douka ap mande. I bare rashaya, oun i biboldengre phoureder oun čačepangre, kolla marenn man. Oun pal triin divessa krell man o Devel djido.”

Mateo 22:46

Oun kek lendar nashte penas o Yezouseske yek lab koy pre. Oun pal ko dives trashan le, te poučenn le lestar boudeder.

Mateo 26:4

Oun yon rodan i drom, har nay taprans le o Yezouses čorrhanes, te marenn le les.

Mateo 26:59

Oun i bare rashaya oun i tsele pralstoune bibolde rodan morshen, kay anenn rhorheno koova ap o Yezouseste, te nay marenn le les.

Markus 14:1

His douy divessa glan kol bare divessa, kay kharenna Passa oun glan kol divessa, kay rhan i bibolde kek shoutlo maro. Oun kol bare rashaya oun kol biboldengre čačepangre rodan i lačo tsiro, te taprenn le o Yezouses čorrhanes, te marenn le les.

Markus 3:6

Oun kol Farisarya djan vin, oun djan pash kolende, kay shounenn ap o Herodeste, oun rakran lentsa, har yon nay marenn les.

Johanni 11:47

Doleske van kol bare rashaya oun kol Farisarya i pralstoune biboldentsa khetne, oun penan: “Hoy kras mer? Yob krell boud baro oun zorelo koova, hoy kek vavar nay krell.

Johanni 12:10

Yaake djan boud bibolde pash o Lazareste, oun patsan ap o Yezouseste. Doleske rodan kol bare rashaya i drom, har nay marenn yon ninna o Lazares.

Johanni 7:1

Pal kova djas o Yezous an o them Galilea trouyel. Yob kamas gar an o them Youdea te djal. I pralstoune bibolde kote kaman les te marell.

Bičepangre 5:33

Har yon kova shounan, van yon rhoyemen ap lende, oun kaman len te marell.

Bičepangre 9:23

Pal boudeder divessa van kol bibolde khetne, rakran pral ko koova, oun penan: “Mer marah les.”