Johanni 10:6 - O Debleskro Lab 2024 (Sinte-Manouche)

⁶ Kal laba penas o Yezous lenge. Yon hayvan gar, hoy yob kamas lenge te penell.

O Debleskro Drom 2021 (Sinte)

⁶ Kal laba penas o Jesus lenge. Jon haiwan gar, hoi job kamas lenge te penell.

Johanni 10:6 Iomraidhean Croise

Debleskri gili 106:7

Mare phoure hayvan gar ko baro zorelo koova, hoy tou an o them Egiptia kral, oun bistran har boud lenge lačes hals, oun hadan pen pral toute pash o Baro Lolo Pani.

Debleskri gili 82:5

T'mer moukenn t'menge či te penell. Dinele han t'mer, oun djan t'maro drom, har te vals kali rat, kay dikenn či. Doleske dell kek čačepen bouder ap kay phoub.

Gosewe laba 28:5

Čilače menshe hayvenn gar, hoy o čačepen hi. Kolla, kay o baro Debles rodenn, kolla hayvenn lauter mishto.

Jesaja 56:11

Boud rhapen kamenn le, oun lenn gar doha. Yaake hi kolla, kay ap mire menshende yak denn. Yon hayvenn či, hakeno dikell ap peste kokres, oun rodell, har nay anell lo peskre love khetne.

Daniel 12:10

I djia boud menshendar venn djoudjo kerdo oun venn thodo, har sonakay an i yag thodo vell. Oun i čilače krenn doureder o čilačepen. oun hayvenn kava koova gar. Kokres kolla, kay o Debleskro drom prindjrenna, hayvenn ninna kava koova.

Mateo 13:34

Kova lauter rakras o Yezous ap lende save labentsa, kay i khatedo čačepen dren hi. Vavarčandes rakras lo gar ap lende.

Mateo 13:51

Hayvan t'mer kava lauter? Oun yon penan ap leste: “Ava.”

Markus 4:34

Hako kopo, kay yob lenge o Debleskro lab penas, rakras lo save labentsa, kay i khatedo čačepen dren hi. Yob te his pengre malentsa kokres, palle penas lo lenge, hoy kol laba kamenn te sikrell.

Johanni 16:25

Kova penom me t'menge gar an o mouy. O dives vella, kay me rikrau bouder či pale. Palle rakrau t'mentsa miro dadestar yaake, kay hayvenna halauter.

Johanni 16:29

Koy penan leskre mala ap leste: “Kanna rakreh tou yaake, kay hayvah kova. Tou rikreh bouder či pale.

Johanni 6:52

Kanna čingran pen kol bibolde, oun penan: “Har nay dell men ko morsh peskro mass te rhal?”

Johanni 6:60

Har kolla, kay leha djan, kova shounan, penan boud lendar: “Kova hi kek shoukar koova, hoy yob koy penella. Koon shounell kova nay?”

Johanni 7:36

Har hayvas mer leskro rakepen: T'mer rodenn man, oun hatsenn man gar oun kote, kay me palle hom, koy nay venn t'mer gar?”

Johanni 8:27

Yon hayvan gar, kay o Yezous o Deblestar, peskro dadestar, rakras.

Johanni 8:43

Hoske hayvenn t'mer miro rakepen gar? T'maro dji hi pandlo. T'mer shounenn nay miro lab gar.

1. Korintarja 2:14

I mensho, koles o Debleskro Dourho gar hi, hayvell gar, hoy o Debleskro Dourho penella. O Debleskro koova hi leske dinlepen. Ko mensho nay dikell gar, har o Devel kova dikella.

2. Petro 2:22

Kol menshenge djal yaake, har penlo vell: “Ko djouklo rhal pale kova, hoy yob vin čadas. Oun ko balo vitsrell pes pal o thopen pale an i čik.”

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.