Johanni 10:1 - O Debleskro Lab 2024 (Sinte-Manouche)

¹ “Čačepah, me penau t'menge: Koon gar an o voudar dren djala, te vell lo pash i bakrende, oun vell vavarčandes dren, kova hi i čorepaskro oun i dre-phagepaskro.

O Debleskro Drom 2021 (Sinte)

¹ “Tchatchepah, me penau tumenge: Koon gar an o wudar dren djala, te well lo pash i bakrende, un well wawartchandes dren, kowa hi i tchorepaskro un i dre-phagepaskro.

Johanni 10:1 Iomraidhean Croise

Jeremia 14:15

Kova hi, hoy me, o baro Devel, krau ap kol rakepangre, kay penenn, te rakrenn le an miro lab, ninna te bičrom len gar. Yon penenn ninna, te vell kek kourepen oun kek bok an kava them. Save rakepangre hounte merenn an o kourepen oun i bokatar.

Jeremia 23:21

[O baro Devel penell:] Ninna te bičrom me kal rakepangren gar, nashenn le pash t'mende. Ninna te rakrom gar lentsa, penenn le laba glan-vi.

Jeremia 23:32

Me kourau man kolentsa, kay rhorhene sounya rakrenna, oun anenn mire menshen o čačo dromestar tele lengro rhorhepah oun dinelo rakepah. Me bičrom len gar, oun dom len kek lab, te penenn le kova doureder. Yon molenn či mire menshenge, penell o baro Devel.

Joel 2:9

Yon vitsrenn pen ap o foro, djan pre ap i massurya, oun dren an i khera. Yaake har i čorepaskro venn le an i vorhya dren.

Mateo 7:15

Denn yak, te patsenn gar kol rhorhene rakepangren, kay penenn, te vans le o Deblestar bičedo! Yon krenn, har te vans le t'mare phrala. An lengro dji hi le divye djoukle, kay marenna.

Johanni 10:7

Doleske penas o Yezous pale ap lende: “Čačepah, me penau t'menge: Me hom o voudar i bakrenge.

Johanni 3:3

Penas o Yezous ap leste: “Čačepah, me penau touke: Kova, kay vell gar o Deblestar neves boldo, nay djivell gar leha khetne.”

Remarja 10:15

Te vell kek bičedo pash lende, nay penell lenge kek o Yezous Kristestar. O Debleskro lab penella: Har barhtelo ham pral kolende, kay venn pash mende oun penenn menge o lačo lab!

Remarja 16:18

Save menshe boudrenn gar maro rayeske, o Yezous Kristeske. Na-a, yon krenn, hoy lenge kokres mishto hi. Shoukar labentsa oun baro rakepen anenn le kolen o Debleskro dromestar tele, kay denn gar yak.

Tito 1:11

Tou pandess lengro mouy! Yon sikrenn i menshende i drom, hoy gar čačo hi. Kova krenn le, te vell len boudeder love. Yaake djinenn tsele familye bouder gar, hoy te patsenna.

Hebrearja 5:4

Kek morsh nay penella: Me vau baro rashay. Na-a, o Devel rodell les vin, yaake har yob glan i rah tsiro ninna o Arones vin rodas, te vell lo i baro rashay.

1. Petro 1:10

Kol Debleskre rakepangre rakran glan i rah tsiro pral ko lačepen, hoy o Devel t'men della. Yon kaman te djinell, har nay lenn i menshe o Debleskro djipen an o bolepen.

2. Petro 2:1

Glan i rah tsiro his rhorhene rakepangre an o them Israel, kay kran, har te bičras len o Devel. Yaake venna ninna mashkral t'mende rhorhene sikepangre, kay sikrenn t'men i rhorheno drom, kay anell t'men krik o Deblestar. Kol sikepangre denn o Yezouses, maro rayes, bourhoste, kay playsras peskro rateha lenge, te lell lo len dran o čilačepen vin. Yon nashenn an pengri bibarht.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

1. Johanni 4:1

Lače phrala oun phenya, ma patsenn hakenes, koon penella, te hi les o Debleskro Dourho! Dikenn ap leskro rakepen, te djinenn t'mer, te vell kova čačepah o Deblestar! Boud rhorhene rakepangre nashenn ap i phoub trouyel. Kolla penenna i menshenge, te vell lengro rakepen o Deblestar. Kova hi gar čačo.