Johanni 1:6 - O Debleskro Lab 2024 (Sinte-Manouche)

⁶ Koy vas i morsh, ko vas o Deblestar bičedo. Leskro lab his Yohanni.

O Debleskro Drom 2021 (Sinte)

⁶ Koi was i mursh, ko was o Deblestar bitchedo. Leskro lab his Johanni.

Johanni 1:6 Iomraidhean Croise

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

Mateo 11:10

Lestar hi činlo an o Debleskro lab: O Devel penas ap peskro čaveste: Me bičrau i morshes glan toute ap o drom, te krell lo touke i drom, te nay vess pash i menshende.

Mateo 21:25

Kanna poučau me t'mendar: Bičras o Devel o Yohannes, te taufrell lo i menshen? Bičran i menshe o Yohannes?” Oun yon rakran mashkral pende, oun penan: “Te penah mer leske: O Devel bičras o Yohannes, palle penell lo menge: Hoske patsan t'mer les gar?

Louka 1:13

Koy penas o bolepaskro ap leste: “Ma traash, Zakari! O Devel shounas tout, har tou mangal lestar, te vell t'men i ternepen. Tiri romni Elisabet lella i morsh čaves. Oun koles dess tou ko lab Yohanni.

Louka 1:76

Oun tou miro čavo, tou veh ninna i Debleskro rakepaskro. Oun tou djah glan o Debleste, oun kreh leske i drom pre, te vell lo nay pash i menshende.

Johanni 1:33

Oun me prindjrom les gar. Kova, kay bičras man, te taufrap i menshen an o pani, kova penas ap mande: Tou dikeh, har vell o Debleskro Dourho ap i morsheste oun ačell ap leste. Kova hi ko morsh, kay dell i menshen o Debleskro Dourho.

Johanni 3:28

T'mer halauter shounan, kay penom, kay hom me gar ko baro ray, kolestar o Devel penas, te vell yob. O Devel bičras man glan koleste.

Bičepangre 13:24

Glan ko tsiro, kay o Yezous ap i menshende rakras, penas o Yohanni i tsele menshenge an o them Israel, te moukenn le pengro čilačo drom, oun djan ap o Debleskro drom, oun te moukenn le pen te taufrell.