Johanni 1:44 - O Debleskro Lab 2024 (Sinte-Manouche)

⁴⁴ O Filipo his dran o foro Betsayda. Ninna o Andreas oun o Petro his dran ko foro.

O Debleskro Drom 2021 (Sinte)

⁴⁴ O Filipo his dran o foro Betsaida. Ninna o Andreas un o Petro his dran ko foro.

Johanni 1:44 Iomraidhean Croise

Mateo 10:3

o Filipo, oun o Bartolomeo, o Thomas oun o Mateo, kay i biboldendar love i Remaryenge dren las, oun o Yakobo, – koleskro dad his o Alfeo, oun o Tadeo,

Mateo 11:21

Oun yob penas: Bibarhtelo venna t'mer menshe an o foro Korazin! Bibarhtelo venna t'mer menshe an o foro Betsayda! Te krals yek an i forya Tirus oun Sidon savo baro koova an o Debleskri zoor, har me pash t'mende krom, rivans i menshe kote i gono troul pende, oun čivans yagakri čik ap pengre shere, te sikrenn le, kay lengro čilačepen khaytell len. Oun yon moukans pengro čilačo drom, oun djans ap o Debleskro drom.

Markus 3:18

Mank kol deesh-te-douyende his ninna o Andreas, oun o Filipo, oun o Bartolomeo, oun o Mateo, oun o Thomas, oun o Yakobo, koleskro dad hi o Alfeo, oun o Tadeo, oun o Simon, kay his kol menshendar, kay kharenna Zelotarya,

Markus 6:45

Oun sik pral kova tradas o Yezous peskre malen, te djan le an o bero, te oulerenn le glan leste vergel ap i vavar rig pash o foro Betsayda. Yob ačas pash i menshende, te bičrell lo len khere.

Markus 8:22

O Yezous oun peskre mala van an o gab Betsayda. Koy anan le i morshes pash leste, kay dikas nay gar. Oun yon mangan o Yezousestar, te čivell lo peskro vast ap leste.

Louka 10:13

“Bibarhtelo venna t'mer menshe an o foro Betsayda! Bibarhtelo venna t'mer menshe an o foro Korazin! Te krals yek an i forya Tirus oun Sidon savo baro koova an o Debleskri zoor, har me pash t'mende krom, rivans i menshe kote i gono troul pende, oun beshans pen an i yagakri čik, te sikrenn le, kay lengro čilačepen khaytell len. Oun yon moukans pengro čilačo drom, oun djans ap o Debleskro drom.

Louka 6:14

Oun kolla his: O Simon, – koleste das yob ninna o lab Petro, oun leskro phraal Andreas, o Yakobo, oun o Yohanni, o Filipo, o Bartolomeo,

Louka 9:10

Oun kol deesh-te-douy bičepangre van pale, oun penan o Yezouseske, hoy yon lauter kran. Oun o Yezous las len peha, te vell lo lentsa kokres, oun djas lentsa pash ko foro Betsayda.

Johanni 1:43

O vavar dives kamas o Yezous an o them Galilea te djal. Ap o drom tapras lo o Filipo, oun penas ap leste: “Dja mantsa!”

Johanni 1:45

O Filipo hatsas o Natanael oun penas ap leste: “Mer hatsam koles, pral koleste o Mose an peskre lila činas. Ninna o Debleskre rakepangre činan pral leste. Yob kharella Yezous oun hi dran o foro Nazaret. Leskro dad hi o Yosef.”

Johanni 1:46

Oun o Natanael penas ap leste: “Dran Nazaret nay vell či, hoy mishto hi.” “Am oun dik!” penas o Filipo.

Johanni 1:48

“Har nay djineh tou, koon me hom?” poučas o Natanael lestar. Penas o Yezous: “Har tou tel o faygetikro rouk hals, dikom me tout, glan ko tsiro, kay o Filipo das tout gole.”

Johanni 12:21

Kolla van pash o Filipo, kay dran o gab Betsayda an o them Galilea his. Oun penan ap leste: “Ray, mer kamah o Yezouses te dikell.”

Johanni 12:22

Koy djas o Filipo pash o Andreas oun penas leske kova. Oun o Andreas oun o Filipo djan pash o Yezouseste oun penan les leske.

Johanni 6:5

Har o Yezous dikas, kay boud boud menshe leske palla djan, poučas lo o Filipestar: “Kay nay ginah mer yaake boud mare, te vell i tsele menshen rhapaske?”

Johanni 6:7

O Filipo penas: “Ninna te vals men douy-sheel roupene beme, vals kova gar doha, te lell hakeno i tikno kotar maro.”

Bičepangre 1:13

An o foro Yerusalem djan le an ko kheer, an koy pralstouni isema, kay yon khetne ačan: O Petro, o Yohanni, o Yakobo, o Andreas, o Filipo, oun o Thomas, o Bartolomeo, oun o Mateo, oun o Yakobo, koleskro dad o Alfeo hi, oun o Simon, kay hi kol menshendar, kay kharenna Zelotarya, oun o Youdas, o Yakobeskro čavo.