Johanni 1:34 - O Debleskro Lab 2024 (Sinte-Manouche)

³⁴ Me dikom kova halauter. Doleske nay penau me ninna: Kava morsh hi o Debleskro čavo.”

O Debleskro Drom 2021 (Sinte)

³⁴ Me dikom kowa halauter. Doleske nai penau me ninna: Kau mursh hi o Debleskro tchawo.”

Johanni 1:34 Iomraidhean Croise

Debleskri gili 2:7

Kava baro ray penell: “Moukenn man t'menge kova te penell, hoy o baro Devel kamell te krell. Yob penas ap mande: Miro čavo hal tou. Kava dives vom tiro dad.

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

Mateo 16:16

Penas o Simon Petro: “Tou hal o baro ray, kolestar o Devel penas te vell yob. Tou hal o čavo o djido Deblestar.”

Mateo 17:5

Oun har yob yaake rakras, vas i parni folka pral lende tele. Oun dran koy folka vas o rakepen, hoy penas: “Kava hi miro čavo! Koles kamau o djiyestar. Yob krell man barhtelo. Shounenn ap leste!”

Mateo 26:63

O Yezous penas či. Pale penas o baro rashay ap leste: “Glan o djido Devel, pen menge: Hal tou ko baro ray, kolestar o Devel penas, te vell yob? Hal tou o Debleskro čavo?”

Mateo 27:40

Oun yon penan ap o Yezouseste: “Tou kamal o Debleskro baro kheer tele te phagell, oun an triin divessa pale pre te čivell. Tou te hal o Debleskro čavo, kre touke, hoy kral i vavarenge oun ab kava troushelestar tele!”

Mateo 27:43

Yob patsas o Debles, oun penas: Me hom o Debleskro čavo. Te kamell o Devel les o djiyestar, mou vell lo, oun lell les kanna kava troushelestar tele!”

Mateo 27:54

Ko pralstouno lourdo oun kol vavar, kay khetne leha ap o Yezouseste yak dan, kolla dikan, te vas i phoub trisslemen, oun hoy lauter koy djas. Koy tapras len i bari daar. Oun yon penan: “Kava morsh his čačepah o Debleskro čavo.”

Mateo 3:17

Oun i rakepen dran o bolepen penas: “Kava hi miro čavo, koles me kamau. Pral leste hom me barhtelo.”

Mateo 4:3

Koy vas o beng pash leste, oun penas: “Te hal tou o Debleskro čavo, rake ap kol barra, te vell lendar maro!”

Mateo 4:6

oun penas ap leste: “Te hal tou o Debleskro čavo, mouk tout tele te perell! An o Debleskro lab hi činlo: O Devel penas ap peskre bolepangre, te hidjrenn le tout lengre vastentsa, te doukreh tou tire pire gar ap i barra.”

Mateo 8:29

Oun yon dan gole: “Hoy kameh tou mendar, Debleskro čavo? Val tou pash mende, te doukress men tou glan o tsiro, kay rakrell o Devel i phagi pral mende vin?”

Markus 1:1

Kova hi o lačo lab o Yezous Kristestar. Yob hi o Debleskro čavo.

Markus 1:11

Oun i rakepen dran o bolepen penas: “Tou hal miro čavo, koles me kamau. Pral toute hom barhtelo.”

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

Louka 3:22

Oun o Debleskro Dourho vas har i parno čirklo ap leste tele. Oun i rakepen dran o bolepen penas: “Tou hal miro čavo, koles me kamau. Pral toute hom barhtelo.”

Johanni 1:18

Kek mensho dikas o Debles. O Debleskro čavo kokres sikras men, koon o Devel hi. Yob hi yek o Debleha.

Johanni 1:49

“Sikepaskro,” penas o Natanael, “tou hal o Debleskro čavo. Tou hal o baro ray pral Israel.”

Johanni 10:30

Me oun o dad ham yek.”

Johanni 10:36

Man hi o dadeskro vast. Oun miro dad bičras man ap kay phoub. Me te penau, kay hom o Debleskro čavo, har nay penenna t'mer ap mande: Tou kreh, har te vess o Devel?

Johanni 11:27

“Ava, ray,” penas li, “me patsau, kay tou hal o Kristo, o Debleskro čavo, kay vas ap kay phoub.”

Johanni 19:7

“Pal maro biboldengro čačepen hounte vell lo moulo dino,” penan i bibolde ap o Pilato. “Yob penas, kay hi lo o Debleskro čavo.”

Johanni 20:28

Koy penas o Thomas ap leste: “Miro ray oun miro Devel!”

Johanni 20:31

Kava vas činlo, te patsenn t'mer, kay o Yezous ko baro ray hi, kolestar o Devel penas, te vell yob. Yob hi o Debleskro čavo. Oun te patsenn ap leste, lenn t'mer o čačo djipen lestar.

Johanni 6:69

Mer patsah oun djinah, tou veh o Deblestar. O Devel bičras tout.”

2. Korintarja 1:19

O Debleskro čavo, o Yezous Kristo, kolestar o Silvano, o Timoteo oun me t'menge penam, yob rikras ninna peskre laba. Lauter hi čačo, hoy yob penas.

Hebrearja 7:3

An o Debleskro lab hi či činlo pral leskro dadeste oun leskri date. Či hi koy činlo pral leskre phourende, vitar gar pral ko dives, kay yob boldo vas, oun kay yob meras. Yaake ačell lo o baro rashay hako tsireske, har o Debleskro čavo.

1. Johanni 2:23

Hakeno, kay o Debleskro čaves bourhoste della, prindjrell vitar gar o Debles, kay leskro dad hi. Koon ap o Yezouseste patsella, oun i menshenge penella, te hi o Yezous o Debleskro čavo, kova prindjrella ninna o Debles, leskro dades.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

1. Johanni 4:9

O Devel sikras men peskro kamlepen, har bičras lo peskro čaves ap kay phoub, te las mer lestar o čačo djipen.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

2. Johanni 1:9

Hakeno, koon ačell gar pash kol laba, hoy o Yezous Kristo menge penas, oun penell vavar koova, kova ačell gar o Debleha. Kova, kay ačell pash kol laba, hoy o Yezous Kristo menge penas, kova ačell o Debleha, maro dadeha, oun peskro Čaveha.

Debleskro tsiro 2:18

“Čin kava liil ap o Debleskro boudepaskro, kay dell yak ap i patslende an o foro Tiatira: Kava penell o Debleskro čavo, koles hi yaka har i yag, oun herya har sonakay.