Johanni 1:3 - O Debleskro Lab 2024 (Sinte-Manouche)

³ Khetne leha kras o Devel o bolepen oun i phoub. Či hi koy, hoy gar leha kerdo vas.

O Debleskro Drom 2021 (Sinte)

³ Khetne leha kras o Dewel o bolepen un i phub. Tchi hi koi, hoi gar leha kerdo was.

Johanni 1:3 Iomraidhean Croise

1. Mose 1:1

Glan i rah rah tsiro kras o Devel o bolepen oun i phoub.

1. Mose 1:26

Oun o Devel penas: “Kanna krah menshen. Yon venn yaake har mer. Yon hi ray pral i mačende an o baro pani oun pral i čirklende an o bolepen, pral i divye firhende oun pral kolende, kay gar divye hi, ninna pral i tikne firhende, hoy djan pral i phoub.”

Debleskri gili 102:25

Me penom: Mo Devel, le man gar krik ap o paash drom miro djipastar! Tiro djipen herell gar pre, an kek tsiro.

Debleskri gili 33:6

Dran o lab o baro Deblestar vas o bolepen kerdo. Dran o dourho, hoy dran leskro mouy djas, van i tsele bolepangre momlia kerdo.

Gosewe laba 8:30

kote homs leskro čavo an leskri gali. Oun yob his barhtelo pral mande hako dives. Oun me khelom mange glan leste hako tsireske.

Jesaja 45:12

Me hom kova, kay kras i phoub, oun ko menshes, kay ap late hi, ninna. Mire vastentsa krom o bolepen bourhles, oun kol tsele momlia ap leste penom me, kay le venn.

Jesaja 45:18

O baro Devel hi o Devel, kay o bolepen kras. Yob hi o Devel, kay i phoub kras oun zoreles pre čivas. Yob kras lat gar yaake, te nay djivell či koy pre. Na-a, yob kras lat yaake, te vell djipen ap late. Yob penell: Me hom o baro Devel, oun dell kek vavar Devel har man!

Johanni 1:10

Kova, kay hi o Lab, his ap i phoub, oun i phoub vas leha kerdo. Oun i menshe ap i phoub prindjran les gar.

Johanni 1:2

Yob his pash o Debleste, har o bolepen oun i phoub gar koy his.

1. Korintarja 8:6

hi men yek Devel. Kova hi maro dad an o bolepen, oun dran leste vell halauter. Oun mer ham leske koy. Oun men hi yek ray, kova hi o Yezous Kristo. Lestar vas halauter. Oun lestar lam mer o nevo djipen.

Efesarja 3:9

oun te sikrap lauterende, har kras o Devel kova, hoy his les an o dji. Kova djinan i menshe i rah tsiro gar. O Devel kokres, kay kras o bolepen oun i phoub, djinas les.

Hebrearja 11:3

Dran maro patsepen hayvah, te vas o bolepen oun i phoub kerdo dran o Debleskro rakepen. Lauter, hoy kanna dikah, kova kras o Devel dran kova, hoy nay dikah gar.

1. Johanni 5:1

Kolla, kay patsenna, kay o Yezous o baro ray hi, kolestar o Devel penas, te vell yob, kolla hi o Debleskre čave. Oun hakeno, kay kamell o dades, kova kamell ninna leskre čaven.

Debleskro tsiro 3:14

“Čin kava liil ap o Debleskro boudepaskro, kay dell yak ap i patslende an o foro Laodicea: Kava penell kova, kay kharell Amen, oun penell hako tsiro o čačepen, oun sikrell i menshende o čačo drom pash o Debleste. Yob his koy pashel, har o Devel lauter kras.

Debleskro tsiro 4:11

“Tou, o Devel, maro ray, tou hal moldo, te less o raylepen, oun o sharepen, oun i zoor. Tou kral o bolepen oun i phoub. Yaake, har tou kamal, yaake kral tou kova, oun vas kova.”