Johanni 1:17 - O Debleskro Lab 2024 (Sinte-Manouche)

¹⁷ O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

O Debleskro Drom 2021 (Sinte)

¹⁷ O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

Johanni 1:17 Iomraidhean Croise

1. Mose 22:18

Tou kral, hoy me touke penom. Doleske djal koy barht, hoy dau tire menshende, doureder ap i tsele natsyone, kay ap i phoub hi.”

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

Debleskri gili 85:10

Čačepah, yob hi ap kolengri rig, kay leha djivenna oun ap leste shounenna. Oun leskro raylepen ačell an maro them.

Debleskri gili 98:3

Yob bistras gar peskro lačepen o khereske Israel, oun rikrell peskro lab, hoy das lo lende. I tseli phoub dikas, har las lo len vin dran o čilačepen.

Micha 7:20

Tou rikreh tiro lab, oun moukeh o Yakobeskre čaven gar. Kolenge, kay venn pal o Abrahameste, hal tou lačo, yaake har penal kova mare phourenge an o phouro tsiro, oun dal tout sovel koy pre.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 18:37

Poučas o Pilato lestar: “Hal tou čačepah i baro ray?” Penas o Yezous: “Ava, hi yaake har tou penal. Me hom i baro ray. Me vom boldo ap kay phoub, te penap o čačepen. Koon an o čačepen tardo hi, kova shounell ap mande.”

Johanni 5:45

Ma patsenn, kay me phoukrau ap t'mende pash miro dadeste. Koy hi i vavar, kay phoukrell ap t'mende: O Mose, kolestar patsenn t'mer, kay hi lo ap t'mari rig.

Johanni 7:19

O Mose das t'men i lila, kay činlo hi, har t'mer hounte djivenna. Kek t'mendar djivell yaake. Hoske kamenn t'mer man te marell?”

Johanni 8:32

Oun t'mer prindjrenna o čačepen. Oun o čačepen krella, te han bouder gar pandlo.”

Johanni 9:29

Mer djinah, kay o Devel o Moseha rakras. Konestar kava vella, djinah mer gar.”

Bičepangre 28:23

Oun i bibolde oun o Paulo kran penge i dives vin, kay venn le pale khetne an koy kerčima. Har ko dives vas, van boud pash leste. Oun o Paulo penas lenge, te vas ko tsiro, kay o Devel i menshen pash peste gole della, te lell lo len dran o čilačepen vin. Oun yob sikras lende, hoy o Mose oun o Debleskre rakepangre pral o Yezouseste činan. Oun pral kova rakras o Paulo lentsa o tselo dives.

Bičepangre 7:38

Oun har kol Israelitarya an ko moulo them pash koy berga Sinay glan o Debleste khetne van, his o Mose ap i berga Sinay tardo mashkral o bolepaskro oun mare phourende. Oun o bolepaskro das les kol Debleskre laba, hoy denn o djipen, te anell o Mose len pash mende.

Remarja 6:14

T'mer hounte rikrenn t'men bouder gar ap o Moseskre laba. O Devel kras t'men čačo glan leste dran peskro lačepen. Doleske nay vell o čilačepen bouder gar o ray pral t'mende.

2. Korintarja 1:20

Lauter, hoy moukas o Devel glan i rah tsiro menge te penell, kova kras o Yezous Kristo menge. Dran kova penah mer Amen, te vell o Devel sharedo.

Galatarja 3:17

Me kamau t'menge kava te penell: O Devel das o Abrahameste peskro lab, oun čivas peskro vast koy pre, te vell kova čačo, hoy yob penas. O Moseskre laba van star-sheel-te-triyanda (430) bersha palla oun nay lenn ko lab gar krik, hoy o Devel o Abrahameste das.

5. Mose 33:4

O Mose sikras mende o Debleskro drom. Kal čačepaskre laba hi o Israeleskro bravlepen.

5. Mose 4:44

O Mose sikras i Israelenge o Debleskro drom.

5. Mose 5:1

Oun o Mose das i tsele menshen Israel khetne gole, oun penas ap lende: Shoun Israel kova, hoy o baro Devel kamell t'mendar, leskre tsele čačepaskre laba, hoy kava dives glan t'mare kanna penom. Rikrenn len an o shero, oun denn yak ap lende, oun djivenn pal lende!

Hebrearja 9:22

Hi gar boud koova, hoy vell gar o rateha djoudjo oun erligo kerdo. Yaake hi an o Moseskre lila činlo. Oun te vell kek rat vin čoredo, nay vell kek doosh krik lino.