Johanni 1:14 - O Debleskro Lab 2024 (Sinte-Manouche)

¹⁴ Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

O Debleskro Drom 2021 (Sinte)

¹⁴ Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Johanni 1:14 Iomraidhean Croise

Debleskri gili 2:7

Kava baro ray penell: “Moukenn man t'menge kova te penell, hoy o baro Devel kamell te krell. Yob penas ap mande: Miro čavo hal tou. Kava dives vom tiro dad.

Debleskri gili 45:2

Miro dji hi pherdo shoukar laba i gilyake, hoy kamau te givap miro baro rayeske. Miri čip hi har i činepaskro yekestar, kay hayvell mishto laba te činell.

Debleskri gili 85:9

Kamoms te shounap, har o baro Devel penell, te vell an leskro them oun leskre menshenge kek kourepen, yaake te djas mer gar ap dinele dromma.

Jesaja 40:5

O baro Debleskro raylepen vell diklo. Oun i tsele menshe dikenn les. Kova penas o baro Devel.”

Jesaja 53:2

Yob vas baro glan o baro Debleste har i sano terno rouk, har i drab hoy dran i trouk phoub vell. Les his kek shoukapen oun kek barepen. Oun har mer les dikam, hatsam či, hoy an mare yaka shoukar vals.

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

Ezekiel 37:27

Oun me djivau mank lende. Oun me hom lengro Devel, oun yon hi mire menshe.

Mateo 1:16

Koleskro čavo his o Yosef. Koleskri romni his i Maria. Lakro čavo hi o Yezous. Kova kharella Kristo.

Louka 2:11

Kava dives vas t'menge an o foro Betlehem kova boldo, kay lell t'men dran o čilačepen vin. Yob hi ko baro ray, kolestar o Devel penas, te vell yob.

Louka 2:7

Oun lat vas i čavo. Oun yoy čivas pherne troul leste, oun čivas les kote dren, kay o rhapen i firhenge dren čiddo vella. An i kerčima his lenge kek čiben.

Louka 9:32

O Petro oun kol douy vavar his yaake khino, te sovan le. Har yon pre djangran, dikan le o Yezouses, har yob an peskro bolepaskro raylepen koy tardo his, oun kol douy morshen, o Moses oun o Eliyas, pash leste.

Johanni 1:1

Har o bolepen oun i phoub gar koy his, his o Lab koy. Kova, kay hi o Lab, his pash o Debleste. Oun yob his o Devel.

Johanni 11:40

Penas o Yezous ap late: “Penom me touke gar: Te patseh tou, dikeh tou o Debleskri bari zoor?”

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 14:9

“Yaake rah hom pash t'mende oun tou prindjreh man gar, Filipo?” penas o Yezous. “Koon man dikella, kova dikell o dades. Har nay peneh tou: Sike mende o dades?

Johanni 17:22

Me dom len ko raylepen oun koy zoor, hoy tou man dal, te venn yon yek, yaake har mer yek ham.

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Johanni 18:37

Poučas o Pilato lestar: “Hal tou čačepah i baro ray?” Penas o Yezous: “Ava, hi yaake har tou penal. Me hom i baro ray. Me vom boldo ap kay phoub, te penap o čačepen. Koon an o čačepen tardo hi, kova shounell ap mande.”

Johanni 2:11

Kova his o ersto kopo, kay kras o Yezous i baro koova an o Debleskri zoor. Kova kras lo an o gab Kana an o them Galilea. Kote sikras yob peskro raylepen oun peskri zoor. Oun leskre mala patsan ap leste.

Johanni 3:16

O Devel kamas i menshen yaake boud, te das lo lenge peskro yek čaves. Les his kek vavar. Hakeno, koon patsell ap leste, djal gar nashedo. Yob lell ko djipen, hoy gar pre-herella.

Johanni 3:18

Koon ap leste patsella, pral koleste vell kek phagi vi-rakedo. Koon gar ap leste patsella, pral koleste hi i phagi vi-rakedo doleske, kay patsas lo gar ap o Debleskro čaveste.

Johanni 6:51

Me hom ko maro, hoy dell o djipen, oun hoy vas dran o bolepen. Hakeno, koon rhala kava maro, lell o djipen, hoy gar pre-herella. Oun ko maro hi miro mass. Me dau les i menshenge, te lenn le ko djipen.”

Johanni 8:32

Oun t'mer prindjrenna o čačepen. Oun o čačepen krella, te han bouder gar pandlo.”

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.

Remarja 9:5

Lengre phoure hi o Abraham, o Isaak oun o Yakob. Ninna o Yezous Kristo vas i Israelitari, har vas lo boldo. Sharas o Debles pral kova lauter hako tsireske. Amen!

1. Korintarja 15:47

O ersto mensho vas i phoubyatar oun dran čik kerdo. O douyto mensho, o Yezous Kristo, vas dran o bolepen.

2. Korintarja 12:9

Oun yob penas ap mande: “Mouk touke miro lačepen doha te vell! Miri zoor hi bari an kolende, kay gar zorelo hi.” Oun me, o Paulo, penau t'menge: Doleske kamau man me te sharell, kay hi man kek zoor. Yaake nay dikell hakeno, o Yezous Kristo peskri zoryah hi pash mande.

Galatarja 4:4

Har ko čačo tsiro vas, bičras o Devel peskro čaves. Kova vas i mensho, oun pandlo ap o Moseskre laba.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Kolossarja 1:19

O Debles his an peskro dji, te djivell lo an peskro čaveste, te vell o čavo yaake har o dad.

Kolossarja 2:3

Yob kokres nay dell t'men o tselo gosvepen, te hayvenn o Debleskro lab mishto.

Kolossarja 2:9

O Yezous Kristo hi o ray pral i tsele rayende oun lauterende, kay hi len penepaske mashkral o bolepen oun i phoub. Les hi o tselo Debleskro djipen an peste. Oun ko djipen dell lo kolende, kay leskro hi.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

Hebrearja 1:5

An o Debleskro lab hi činlo, kay penell o Devel ap peskro čaveste: Tou hal miro čavo. Kava dives vom tiro dad. Save laba penas lo ap kekeste peskre bolepangre. Vitar gar penas lo ap kekeste lendar: Me vau tiro dad. Oun tou veh miro čavo.

Hebrearja 10:5

Doleske penas o Yezous Kristo, har yob ap i phoub vas, ap o Debleste: Mo Devel, marede firhen oun vavar koova kamal gar. Na-a. Man moukal i mensho te vell.

Hebrearja 2:11

O Yezous kras i patslen čačo oun erligo, oun anas len pash peskro dadeste. Kanna hi leskro dad ninna lengro dad. Doleske ladjell lo gar, te dell lo len “phrala” gole.

Hebrearja 5:5

Ninna o Yezous Kristo kras pes gar bares oun penas: Me vau baro rashay. Na-a, o Devel rodas les vin, har penas lo ap leste: Tou hal miro čavo. Kava dives vom tiro dad.

1. Johanni 4:14

Mer dikam, kay o Devel, maro dad, peskro čaves bičras. Doleske penah mer i menshenge, kay yob kova hi, kay lell len vin dran o čilačepen oun o merepen.

1. Johanni 4:9

O Devel sikras men peskro kamlepen, har bičras lo peskro čaves ap kay phoub, te las mer lestar o čačo djipen.

2. Johanni 1:7

Boud rhorhene sikepangre nashenn ap i phoub trouyel, kay kamenn i patslen o čačo dromestar tele te anell. Yon penenna, kay vas o Yezous Kristo gar i mensho dran mass oun rat. Kol sikepangre venna gar o Deblestar. Yaake har yon rakrenna, yaake rakrell ninna ko rhorheno, kay hadell pes pral o Yezous Kristeste.

Debleskro tsiro 19:13

Oun leskro ripen hi an o rat dren čiddo. Yob kharell: O Debleskro lab.

Debleskro tsiro 21:3

Oun me shounom i zorelo rakepen. Kova vas kotar, kay o Debleskro beshepaskro tardo hi, oun kova penas: “Dikenn, o Debleskro kheer hi pash i menshende! Yob djivell pash lende. Oun yon hi leskre menshe. Oun o Devel hi lengro Devel kokres, oun hi pash lende.”