Johanni 1:12 - O Debleskro Lab 2024 (Sinte-Manouche)

¹² Halauter kolla, kay lan les pre oun ap leste patsan, kolen das yob i zoor, te venn yon o Debleskre čave.

O Debleskro Drom 2021 (Sinte)

¹² Halauter kolla, kai lan les pre un ap leste patsan, kolen das job i soor, te wenn jon o Debleskre tchawe.

Johanni 1:12 Iomraidhean Croise

2. Samuel 7:24

Tou rodal touke kol menshen Israel vin, te venn yon tire menshe hako tsiro, oun tou, baro Devel, val lengro Devel.

Jesaja 56:5

palle dau tout i bar an miro kheer, kay tiro lab dren činlo hi. Kova hi feteder har čave oun ča. Kava lab, hoy tout dau, vell an kek tsiro bistedo.

Jeremia 3:19

Me, o baro Devel penom, har nay rikrau me tout, har te vess tou miro čavo? Kamoms te dap tout ko lačo them, ko shoukester kotar them i tsele themendar. Oun patsom, tou peness palle ap mande kamlo tata, oun djals bouder gar mandar krik.

Mateo 10:40

Koon t'men an peskro kheer lella, lell man an peskro kheer. Oun kova, kay man an peskro kheer lella, kova lell koles an peskro kheer, kay man bičras.

Mateo 12:21

Oun i tsele menshe ap i phoub dikenn ap leste.

Mateo 18:5

Oun kova, kay lell savo čavo pash peste pre, kova lell man pash peste pre.

Johanni 1:11

Yob vas an peskro them, oun leskre menshe lan les gar pre.

Johanni 1:7

Yob vas, te penell lo hakeneske, koon koy bari momeli hi, te patsenn halauter ap koy momeli.

Johanni 11:52

oun gar i biboldenge kokres. Yob hounte merella ninna, te anell lo i tsele Debleskre čaven khetne.

Johanni 2:23

An kol bare divessa, kay kharenna Passa, patsan boud menshe an o foro Yerusalem ap o Yezouseste, har dikan le ko baro koova, hoy kras lo an o Debleskri zoor.

Johanni 20:31

Kava vas činlo, te patsenn t'mer, kay o Yezous ko baro ray hi, kolestar o Devel penas, te vell yob. Yob hi o Debleskro čavo. Oun te patsenn ap leste, lenn t'mer o čačo djipen lestar.

Johanni 3:18

Koon ap leste patsella, pral koleste vell kek phagi vi-rakedo. Koon gar ap leste patsella, pral koleste hi i phagi vi-rakedo doleske, kay patsas lo gar ap o Debleskro čaveste.

Bičepangre 3:16

Mer patsah ap leste. Doleske vas kava morsh sasto. T'mer prindjrenn les lauter oun djinenn, kay yob nashas nay gar. Yob patsas ap o Yezous Kristeste, oun kova kras les sasto.

Remarja 8:14

Kolla, kay shounenn ap o Debleskro Dourho, kolla hi o Debleskre čave.

Remarja 8:16

Oun o Debleskro Dourho penell menge an o dji, te ham mer o Debleskre čave.

Remarja 8:19

Halauter, hoy o Devel kras, dikell peskro tselo djiyeha ap ko tsiro, kay o Devel halauteren sikrella, koon leskre čave hi.

Galatarja 3:26

Dran t'maro patsepen ap o Yezous Kristeste han lauter Debleskre čave.

Galatarja 4:6

Kanna ham leskre čave. Doleske das o Devel peskro čaveskro Dourho an mare djia. Kova dell gole: Tata, miro dad!

Kolossarja 2:6

T'mer lan o rayes, o Yezous Kristes, an t'mare djia. Djivenn kanna yaake leha khetne,

2. Petro 1:4

Glan i rah tsiro penas o Devel i menshenge, te bičrell lo lenge yekes, kay lell len dran o merepen vin, oun dell len o Debleskro djipen. Ko baro oun kouč koova kras lo kanna menge. Mer lam o Debleskro djipen oun hounte kras bouder gar ko djoungelo koova, hoy i menshe ap kay phoub yaake kamenna, oun hoy anell lenge o merepen.

1. Johanni 3:1

Dikenn, har baro o Debleskro kamlepen menge hi. O Devel, maro dad, penell ap mende: “Mire čave.” Oun čačepah, kolla ham mer. Dran kova hayvenn men kol menshe gar, kay o Debles gar prindjrenna. Yon hayvenn gar, koon yob hi.

1. Johanni 3:10

Hakeno, kay gar kova krella, hoy hi čačo glan o Debleskre yaka, kova hi gar o Deblestar. Vitar gar hi kova o Deblestar, kay peskro phrales gar o djiyestar kamella. Ap kova dikell hakeno, koon o Debleskre čave hi, oun koon o bengeskre čave hi.

1. Johanni 3:2

Lače phrala oun phenya, kanna ham Debleskre čave. Oun hoy mer vah an ko tsiro, hoy vella, djinah gomme gar. Yek djinah: Ap ko tsiro, kay vell o Yezous Kristo pale, dikah les har yob hi, oun mer vah yaake, har yob hi.

1. Johanni 3:23

Oun kava kamell o Devel mendar: te patsas mer ap leskro čaveste, o Yezous Kristeste, oun te kamas men, yek o vavares o djiyestar, yaake har o Yezous Kristo les menge penas.