Joel 2:8 - O Debleskro Lab 2024 (Sinte-Manouche)

⁸ Kek vell o vavareske an o drom; hakeno ačell ap peskro drom, Kek rharo nay rikrell len pre. Doureder oun doureder djan le.

O Debleskro Drom 2021 (Sinte)

⁸ Kek well o wawareske an o drom; hakeno atchell ap peskro drom, Kek charo nai rikrell len pre. Dureder un dureder djan le.

Joel 2:8 Iomraidhean Croise

2. Familjakro liil 23:10

Oun i morsha his tardo glan o Debleskro kheer i čači rigyatar bis ap i servi rig. Yaake his le tardo glan o sasterni rhačepaskri, oun troul o rayeste trouyel. Oun hakenes his peskro vitsepaskro čouri an o vast.

2. Familjakro liil 32:5

Oun o Hiskiya rikras pes mishto oun moukas kol massurya troul o foro, kote kay le tele phagedo his, neves te krell. Oun kol turme kras lo bareder, oun moukas vin i douyti massouri pre te čivell. Ninna moukas lo o Millo zorleder te krell an o Davideskro foro, oun moukas boud vitsepaskre čourya oun shilte te krell.

Nehemia 4:17

Oun kek mendar rivas peskre koola rati vin, me oun mire phrala gar, oun vitar gar kolla, kay tel mande boudran oun kolla, kay yak dan. Oun hakenes his peskro vitsepaskro čouri čiddo ap peskri čači rig.

Hiob 33:18

Yaake rikrell lo o menshes pale, te nashrell lo gar peskro djipen, oun merell.

Hiob 36:12

Te shounenn le gar ap leste, nashrenn le pengro djipen, oun hayvenn gar, hoske kova lenge yaake djal.

Gosewe laba 30:27

I stepangre: Len hi kek ray oun djan vin har kourepangre, kolenge penlo vas, har le hounte djan.

Kamlepaskri gili 4:13

Har i baar hal tou pherde rouka goudle phabyentsa, oun roukengre, hoy mishto soungenna, oun o rhapen lačes krenna: Henna oun Narda, Safrano, goudlo soungepaskro khass oun cinnamome, encens, myrrhe oun aloe, halauter lače kashta oun patria.

Jesaja 5:27

Pash lende hi kek khino, oun kek, kay djal banges, kek, koleske i yaka pandlo djan oun kek, kay sovella. Oun kekeske lendar djal o pereskro pandepen pre, oun lengre dorya ap lengre kirrha hi zoreles oun djan gar paash.

Joel 2:7

Yon nashenn har zorele morsha, oun stenn pral i massurya har kourepangre; kek lendar moukell peskro drom, oun djal gar čačes vitar gar serves o dromestar tele.

Joel 2:9

Yon vitsrenn pen ap o foro, djan pre ap i massurya, oun dren an i khera. Yaake har i čorepaskro venn le an i vorhya dren.