Joel 2:26 - O Debleskro Lab 2024 (Sinte-Manouche)

²⁶ T'men vell doha rhapaske, oun t'mer sharenn o baro Debles, kay t'maro Devel hi, oun kras boud zorelo koova mank t'mende. Oun t'mer, mire menshe, venn bouder gar praasedo.

O Debleskro Drom 2021 (Sinte)

²⁶ Tumen well doha chapaske, un tumer sharenn o baro Debles, kai tumaro Dewel hi, un kras bud sorelo koowa mank tumende. Un tumer, mire menshe, wenn buder gar praassedo.

Joel 2:26 Iomraidhean Croise

1. Mose 33:11

Le kova, hoy touke bičrom. O Devel das man halauter. Oun man hi doha.” Oun yob moukas gar tele te mangell lo les, bis te las o Esau kova.

Nehemia 9:25

Yon lan zorele forya dren, oun i lačo them, khera, hoy pherdo lačo koova his, pani, hoy dran vi-dine bare barra vas, drakengre rouka, djeteskre rouka, oun boud vavar rouka, hoy lačo rhapen hidjran. Oun yon rhan oun van čalo oun thoullo. Oun yon moukan les penge lačes te djal. Yaake baro his tiro lačepen ap lende.

Debleskri gili 103:5

kova, kay man čales krella peskro lačepah, oun man pale terno krella, oun zorelo har i adlari.

Debleskri gili 116:7

Me penau ap miro dji: “Ma dare bouder! O baro Devel his lačo ap toute.”

Debleskri gili 13:6

Me dikau ap tiro lačepen, miro dji bashrell koy pral, kay tou man vin leh dran i čilače vasta. Me kamau te givap o baro Debleske, kay mange yaake lačes hi.

Debleskri gili 22:26

Tout kamau me te sharell, kote, kay boud khetne venna. Glan kolende, kay tout an-mangenna, kamau me touke te dell, hoy sovel dom.

Debleskri gili 37:19

An i čilačo tsiro moukell lo len gar, oun an i boklo tsiro dell yob len doha te rhal.

Debleskri gili 67:5

Mou stenn oun givenn le i barhtyatar: Te rakreh tou o čačepen vin pral lende, djah tou pal o čačepen. Pral hake themma ap i phoub hal tou o ray.

Debleskri gili 72:18

Sharas o baro Debles, ko Debles pral o Israel. Yob kokres krell baro oun zorelo koova!

Gosewe laba 13:25

Koles, kay an o čačepen tardo hi, hi doha rhapaske. O per i čilačestar bokella.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Jesaja 25:1

Baro Devel, tou hal miro Devel. Tout sharau, oun touke givau. Tou kral baro koova, hoy kek vavar nay krella. Hoy tou penal i glan rah tsiro, ap kova rikral tout oun kral kova.

Jesaja 29:22

O baro Devel, kay o Abrahames vin las dran peskro phouro djipen, kova penell pral o Yakobeskro kheer: Kanna hounte ladjell pes o Yakob bouder gar, oun leskro mouy hounte vell gar bouder parno.

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jesaja 49:23

Oun bare raya venn touke koy oun lengre romya denn yak ap tire tikne čavende. Oun bare raya vitsrenn pen glan toute ap i phoub, oun čoumrenn i čik tire pirendar. Kote hayveh tou palle, te hom me o baro Devel. Oun kolla, kay dikenn ap mande, te vap ap lengri rig, dikenn gar čičeske ap mande.

Jesaja 54:4

Ma dare! Tou veh gar vi-ladjedo koy tardo! Moukau kekes, te sal lo pral toute. Doleske ma ladj tout! Tou bistreh koy ladj, hoy ap toute his, har terno hals. Oun ko tsiro, har tiro rom meras, vell touke bouder gar an o shero.

Jesaja 55:2

Hoske denn love koleske, hoy kek maro hi? Hoske denn t'mer kova, hoy t'mer t'mari phari boudjake lan, čomoneske vin, hoy gar čalo krell? Shounenn ap mande, palle vell t'men lačo koova te rhal, oun nay rhan t'men čalo ap i feteder rhapen.

3. Mose 25:19

Oun o them anell t'menge yaake boud vin, te hi t'men doha rhapaske. Oun t'mer nay djivenn an kava them, oun t'men hounte vell kek daar.

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

3. Mose 26:5

Ko tsiro kay t'mer o djob vin denn, djal bis te vell ko tsiro, kay činenn i drake tele. Oun ko tsiro, kay činenn i drake tele, djal bis te vell ko tsiro, kay vitsrenn o djob pale vin an i phoub. Oun t'men vell boudeder har doha rhapen. Kek krell t'menge čilačepen.

Micha 6:14

Te rhan t'mer čomone, venn gar čalo. Oun kova, hoy t'mer t'menge ap i rig čivenn, nay rikrenn gar. Kova, hoy t'menge ačas, krau paash an o kourepen.

Zefanja 3:11

An ko tsiro hounte ladjenn t'mer Israelitarya t'men bouder gar doleske kay t'men pral mande hadan, oun yaake boud čilačepen kran. Me lau kol pre-phourden, kay rikran yaake boud pendar, mashkral dran t'mende krik. Ap miri berga, kay me djivau, dell bouder kekes, kay krell pes bares.

Zakarie 9:15

O baro Devel, ko ray pral o bolepen oun i phoub, rikrell peskre vasta pral peskre menshende. Yon venn i zorleder oun stakrenn i barra tele, hoy ap lende vitsedo van. Yon piyenn oun denn gole har te vans le mato i molyatar. Yon venn yaake pherdo rat, har i čaro pherdo firhengro rat hi, hoy vell vin čoredo o Debleske ap leskri rhačepaskri, oun hoy nashell pral i rigya tele.

Zakarie 9:17

Ava, har raylo oun shoukar vell kova! I čave venn zorele terne morsha oun djouvya, yaake boud djob oun mool hi koy.

Remarja 10:11

An o Debleskro lab hi činlo: Kova, kay ap leste patsella, kova hounte ladjell pes gar glan mande.

Remarja 5:5

Oun kava patsepen moukell yekes gar nashedo te djal. O Devel kamell men o tselo djiyeha. Kova sikras men o Debleskro Dourho, hoy o Devel an mende das.

Remarja 9:33

An o Debleskro lab hi činlo: Dikenn, me čivau i baro bar an o foro Sion. Pral koleste perenn le, oun ap koleste rhoyrenn le pen. Oun kova, kay ap leste patsella, kova hounte ladjell pes gar glan mande.

5. Mose 11:15

Oun me moukau o zenlepen ap tiri phoub pre te djal tire firhenge. T'men hi hako tsiro doha te rhal.

5. Mose 12:12

Kote glan t'maro baro Debleste avenn barhteles, t'mer oun t'mare čave oun ča oun t'mare boudepangre, morsha oun djouvya, ninna i Levitarya, kay djivenn an t'mare forya, kolen kek them mank t'mende hi.

5. Mose 12:18

Kova vell anlo glan t'maro baro Debleste ap koy platsa, hoy yob peske vin rodell. Kote rhan t'mer les, t'mer oun t'mare čave oun ča, oun t'mare boudepangre, morsha har djouvya, oun i Levitarya, kay pash t'mende djivenn. Avenn barhtelo glan t'maro Debleste pral halauter, hoy t'mare vastentsa khetne lan.

5. Mose 12:7

Oun t'mer oun t'mare familye rhan i rhapen kote glan t'maro baro Debleste, oun avenn barhtelo pral halauter, hoy t'menge khetne anan, ap koleste t'maro baro Devel peskri barht čivas.

5. Mose 8:10

Oun te rhan oun van čales, palle sharenn t'maro baro Debles ko lačo themeske, hoy lo t'men das.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

1. Johanni 2:28

Oun kanna, mire čave, ačenn pash leste, te vell men kek traash, te vell yob pale. Yaake hounte ladjas men gar glan leste.