Joel 2:24 - O Debleskro Lab 2024 (Sinte-Manouche)

²⁴ te venn i djobengre khera pherdo djob, oun boudeder har doha mool oun djet koy hi.

O Debleskro Drom 2021 (Sinte)

²⁴ te wenn i djobengre khera pherdo djob, un budeder har doha mool un djet koi hi.

Joel 2:24 Iomraidhean Croise

Ezekiel 36:8

T'mer berge Israel, ap t'mende venn pale rouka baro oun zenelo, oun hidjrenn roukengre mire menshenge Israel. Sik vell ko tsiro, kay venn le pale khere.

3. Mose 25:19

Oun o them anell t'menge yaake boud vin, te hi t'men doha rhapaske. Oun t'mer nay djivenn an kava them, oun t'men hounte vell kek daar.

3. Mose 26:10

T'mer anenn yaake boud djob dren, te hi t'men gomme phouro djob te rhal, te vell o nevo djob dren anlo. Oun t'mer hounte vitsrenn ko phouro djob krik, te vell platsa, kay čivenn o nevo djob koy.

Amos 9:13

Shounenn, penell o baro Devel, o tsiro vella, kay vell o djob yaake sik bares, te venn i činepangre khetne kolentsa, kay i phoub trouyel vitsrenn. Oun yaake boud drake hi koy, te hi gomme gar i mool kerdo i tsele drakendar, har ko tsiro vell, kay nevo djob vin vitsedo vell. Dell yaake boud drake, te nashell o mool i bare oun tikne berge tele.

Maleachi 3:10

Anenn o deshto kotar halauterestar, hoy dren lan, an miro kheer, te vell doha rhapen an miro kheer. Oun dikenn, hoy me palle t'menge krau: Me krau miri vorhni an o bolepen pre, oun dau t'men boud lačo koova, boudeder har t'men hounte vell. Ko penell o baro Devel, ko ray pral o bolepen oun i phoub.