Joel 2:20 - O Debleskro Lab 2024 (Sinte-Manouche)

²⁰ Oun me tradau kol boud lourden krik t'mendar, kay venn koy rigyatar, kay norden hi. Kolla lendar, kay djan glanstounes, tradau an o Moulo Baro Pani, oun kolla, kay venn palstounes, tradau an o Mashkralstouno Baro Pani; oun i tsele vavar lourden tradau an i divyo tato them. Kote merenn le. Oun lengri khand djal pre. Yaake lenn le pengri phagi ko boud čilačepaske, hoy le kran.

O Debleskro Drom 2021 (Sinte)

²⁰ Un me tradau kol bud lurden krik tumendar, kai wenn koi rigjatar, kai norden hi. Kolla lendar, kai djan glanstunes, tradau an o Mulo Baro Pani, un kolla, kai wenn palstunes, tradau an o Mashkralstuno Baro Pani; un i tsele wawar lurden tradau an i diwjo tato them. Kote merenn le. Un lengri khand djal pre. Jaake lenn le pengri phagi ko bud tchilatchepaske, hoi le kran.

Joel 2:20 Iomraidhean Croise

2. Rajengro liil 8:13

O Hasael penas: “Me hom i čorvelo djouklo. Har nay krau me savo koova?” Koy penas o Elisa: “O baro Devel sikras mande, kay veh tou baro ray pral Syria.”

Debleskri gili 126:3

Ava, o baro Devel kras baro koova ap mende, oun maro dji givas i barhtyatar.

2. Mose 10:19

Oun o baro Devel kras, te phourdas ko baro dourho kanna zoreles katar, kay o kham tele djal. Oun ko dourho hadas i stepangre pre oun vitsras len an o baro pani, hoy kharella Baro Lolo Pani. An o tselo them Egiptia ačas kek stepaskro pral.

2. Mose 8:14

I dourkepangre kaman kova ninna pengri zoryah te krell. Oun yon hayvan les gar. Oun i matsille his ap i menshende oun ap i firhende.

Jesaja 34:3

Oun kolla, kay temerl dino van, ačenn čiddo oun venn gar paskedo. Oun o khand lendar djal pre, oun ko rat lendar nashell i berge tele har pani.

Ezekiel 47:18

Oun koy rig o themestar Israel djal foun kotar, kay o kham pre djal, mashkral o foro Hauran oun o foro Damaskus doureder langs o lengsto pani Yordan bis tele pash o Londo Baro Pani. O Yordan nashell mank o them Israel oun o them Gilead. Pash o Londo Baro Pani djal o them Israel bis pash o foro Tamar. Yaake dour djal o them Israel ap koy rig, kay o kham pre djal.

Amos 4:10

Me bičrom savo pharo nasslepen ap t'mende, har bičrom ap o them Egiptia. Me marom t'mare terne morshen an o kourepen, oun moukom t'mare grayen pandles krik te anell. O khand kol moule lourdendar ap lengri platsa moukom an t'mare naka te djal. Ninna palle van t'mer gar pale pash mande, penell o baro Devel.

Zakarie 14:8

An ko tsiro nashenn djide panya dran o foro Yerusalem vin. Ko yek paash nashell an o baro pani, hoy kote hi, kay o kham pre djal. Ko vavar paash nashell an o baro pani, hoy kote hi, kay o kham tele djal. Ko pani nashell an i niyal har an o vend.

Maleachi 3:11

Oun me rikrau i stepangren dour krik t'mari phoubyatar, te rhan le gar kova pre, hoy kote baro vas. Oun t'mare drakengre rouka venn pherde drake. Ko penell o baro Devel, ko ray pral o bolepen oun i phoub.

5. Mose 11:24

Hako kotar phoub ap koleste t'mare pire stakrenn, hi t'menge, o tselo them mank o moulo tato them oun i berge Libanon, oun mank o lengsto pani Eufrat oun o Mashkralstouno Baro Pani.