Joel 2:2 - O Debleskro Lab 2024 (Sinte-Manouche)

² Kova hi i kalo dives, i tamlo dives, pherde volke. Yaake sik har o kham pre djal pral i berge, venn boud boud lourde pral o them, kolla hi yaake zorelo oun yaake boud, har gomme gar koy his, oun vitar bouder gar vella an kek tsiro.

O Debleskro Drom 2021 (Sinte)

² Kowa hi i kalo diwes, i tamlo diwes, pherde wolke. Jaake sik har o kham pre djal pral i berge, wenn bud bud lurde pral o them, kolla hi jaake sorelo un jaake bud, har gomme gar koi his, un witar buder gar wella an kek tsiro.

Joel 2:2 Iomraidhean Croise

Debleskri gili 10:6

Yob penell peske an peskro dji: Či nay vitsrell man trouyel. Kek bibarht vell ap mande.

Debleskri gili 97:2

Kale volke hi troul leste trouyel. Yob hi i baro ray, kay djal pal o čačepen, oun rakrell o čačepen vin pral i menshende.

2. Mose 10:14

Oun yaake van i stepangre pral o tselo them Egiptia. Yon his yaake boud, har gomme gar koy his oun gar bouder venna,

2. Mose 10:6

Oun tiro kheer oun i khera, kay tire pralstoune oun i vavar Egiptarya djivenn, venn pherdo stepangre. Savo koova vas gar diklo an o them Egiptia, yaake rah har tire phoure an kava them djivan.” Pal kova rissras pes o Mose oun djas peske dran o Faraeskro kheer vin.

2. Mose 20:21

Oun i menshe ačan i kotar doureder tardo. Oun o Mose djas pash koy kali folka, an koya o Devel his.

Jesaja 5:30

Oun an ko tsiro vell pral lende i bari gole, savi gole har o baro pani krell. Oun te dikell yek palle tele ap i phoub, dikell lo kalepen oun bare douka. Oun pesse volke krenn, te vell o dives tamlo.

Jesaja 8:22

oun tel pende ap i phoub, oun hatsenn či har daar oun tamlepen, ava bari daar oun kali rat, kay hi le dren tradedo.

Jeremia 13:16

Hadenn t'maro baro Debles, yaake rah har o dives hi, oun t'men t'mare pire gar an o tamlepen ap i berge doukrenna. Ninna te lourenn t'mer ap koy momeli, anell o baro Devel tamlepen oun kali rat pral t'mende.

Jeremia 13:6

Pal i rah tsiro penas o baro Devel ap mande: Dja pash o Eufrat oun le ko pereskro pandepen pale, hoy moukom tout kote khatrell.

Ropaskre gilja 1:12

T'menge halauterenge, kay nashenn kate ap o drom, penau: Hadenn t'mare yaka oun dikenn! Hi yek doukepen har miro doukepen, hoy pral mande vas? O baro Devel anas les pral mande ap ko dives, kay leskri zoreli rholi pral mande vas.

Ezekiel 32:7

Ap ko dives kay tiro djipen vi-phourdedo vell, čakrau o bolepen tele, oun i bolepangre momlia venn kalo. Oun glan o kham djan volke, oun o čon vell bouder gar diklo.

Ezekiel 34:12

Yaake har i bakrengro, kay pash peskre bakre hi, kolen rodell, kay nashran pen, yaake rodau me mire bakren, oun lau len pale dran haki platsa, kay le tradedo van ap ko djoungelo kalo dives.

Ezekiel 38:9

Oun tou djah pre an o them, oun veh pral lende har i zorelo phourdepen, oun har i folka, hoy o tselo them tele čakrell, tou oun tire tsele lourde oun kol boud lourde dran vavar themma, kay touha djan.

Daniel 12:1

Oun an ko tsiro stell o bolepaskro Mikael pre, kova, kay ap i rig tire menshendar hi. Ko tsiro hi yaake pharo, har das kek vavar glan kova, yaake rah har menshe koy hi. Oun an ko tsiro venn tire menshe vi-lino dran i bari bibarht, lauter kolla, kay an o Debleskro liil dren činlo hi.

Daniel 9:12

Oun tou rikral tiro lab oun anal kova, hoy penal, pral mende oun pral mare čačepangre morshende, hoy menge o čačepen vin krenn. Koy bibarht, hoy moukal pral mende te vell, his yaake baro, te vas tel o tselo bolepen sau koova gar diklo har kova, hoy an o foro Yerusalem djas.

Joel 1:6

Boud boud stepangre peran an maro them dren. Len hi danda har leven hi.

Joel 2:25

Oun me dau t'men kol bersha pale, hoy nashran, har i boud stepangre lauter rhan. Me homs, kay kolen lauteren mank t'mende bičrom.

Joel 2:5

Te stenn le pral i berge, hi koy gole har i gole, hoy i vourdya krenn, oun har i yag an o phouss, ava, har zorele kourepangre, kay o marepaske rido hi.

Joel 3:4

Glan te vell o dives o baro Deblestar, ko baro dives, hoy daar oun traash anell, vell o kham kalo, oun o čon lolo har rat.

Amos 4:13

O Devel hi kova, kay kras i berge, oun moukell o phourdepen pral i phoub te djal. Yob sikrell i menshende, hoy kamell lo te krell. Yob moukell o kham pre oun tele te djal. Yob hi o ray pral i tseli phoub. Leskro lab hi: Baro Devel, ray pral o bolepen oun i phoub.

Zefanja 1:7

Ma rakrenn či, te venn glan o baro Debleste, maro rayeste! Ko dives vell sik, kay vell o baro Debleskri rholi pral i menshende. Kava dives hi har i marepaskro dives, kay firhen maredo venn o Debleske oun i rhapen kerdo vell. O baro Devel kras ko rhapen oun das menshen khetne gole, te venn le pash o rhapen.

Zakarie 14:6

Ap ko dives dell bouder kek shilapen oun kek djayepen.

Mateo 24:21

Ko tsiro vella djoungleder har halauter, hoy ap i menshende vas, yaake rah, har i phoub tardo hi. Oun ko tsiro, hoy vell pal kova, vell vitar gar yaake čilačo.

Markus 13:19

Kova, hoy an kol divessa pral i menshende vella, hi djoungleder har ko tselo čilačo koova, hoy ap i menshende vas yaake rah, har o Devel i phoub kras. Oun ko tsiro, hoy vell pal kova, vell vitar gar yaake čilačo.

5. Mose 32:7

Moukenn t'menge kol phoure tsirya an o shero te djal, har t'mare phoure djivan! Poučenn t'mare dada, har kova his! Poučenn t'mare phoureden, oun yon penenn les t'menge,

Hebrearja 12:18

Shounenn, mire phrala! T'maro tsillo, kay venn khetne o Debleha, hi gar ko emligo har pash i Israelitarya. Yon djan pash i berga Sinay, oun pash i yag, hoy dikan le nay. Troul lende his kali rat oun i zorelo dourho phourdas.

Judas 1:13

Yon hi har divye panya, hoy vitsrenn pengro čik, hoy an lende hi, vin ap i phoub glan lende. Yon hi har bolepangre momlia, hoy dran pengro drom vin djan, oun hounte djan kanna hako tsireske an i kali rat.

Debleskro tsiro 9:2

Koy vas i yagakri khand dran o telstunepen vin, har i yagakri khand dran i baro bob vin vella. Oun koy yagakri khand hadas pes pre, oun čakras o kham oun o bolepen, yaake te vas rat.