Joel 2:19 - O Debleskro Lab 2024 (Sinte-Manouche)

¹⁹ Yob penell lenge: Čačepah, me bičrau t'men djob, mool oun djet yaake boud, te nay rhan t'men čalo. Oun i menshe dran vavar themma nay praasenn t'men bouder gar.

O Debleskro Drom 2021 (Sinte)

¹⁹ Job penell lenge: Tchatchepah, me bitchrau tumen djob, mool un djet jaake bud, te nai chan tumen tchalo. Un i menshe dran wawar themma nai praassenn tumen buder gar.

Joel 2:19 Iomraidhean Croise

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Ezekiel 34:29

Me krau lengro them, te vell lo i shoukar baar, hoy hi prindjedo ko lačepaske, hoy kote baro vell. Kek lendar hounte bokell bouder gar. Oun i menshenge an vavar themma hi le bouder gar sapaske.

Ezekiel 36:15

Me krau, te shouness bouder gar o praasepen kolendar dran vavar themma, oun hounte ladjess tout bouder gar glan lende. Tou kreh bouder gar, te hi t'mare menshen bouder kek čave. Kava penell o baro Devel, maro ray.

Ezekiel 36:29

Oun me lau t'men vin dran ko tselo koova, hoy kras t'men pale-čiddo. Oun o djob moukau pale bares oun boud te vell, oun moukau bouder kek bok pral t'mende te vell.

Ezekiel 36:30

Me krau, te anenn i rouka boud roukengre. Oun kova hoy ap i phoub pre djal, vell boud oun boudeder. I menshe dran vavar themma nay san bouder gar pral t'mende, doleske, kay hi t'men či te rhal.

Ezekiel 39:29

Me čorau miro dourho vin ap o kheer Israel, oun moukau len bouder gar. Kava penell o baro Devel, maro ray.

Hosea 2:15

Me dau lat i phagi hako diveske, kay nashas li peskre pirnenge palla, kol rhorhene deblenge, oun rhačras soungepaskro koova lenge, oun čivas kanengre oun verklia ap peste; te krell li pes shoukar lenge. Oun man bistras li! Kova penell o baro Devel.

Hosea 2:21

Israel, tou veh miri romni hako tsireske. Me djau touha trouyel, har mishto oun čačo hi. Me hom lačes ap toute, oun krau miro dji pre touke.

Hosea 2:22

Me ačau hako tsiro pash toute. Oun tou prindjreh man, o baro Debles.

Joel 1:10

O harhetikri phoub hi pherde barra, oun či vell bouder baro koy pre. O djob hi paash, i molengre drake oun i djetengre drake meran tele.

Joel 2:24

te venn i djobengre khera pherdo djob, oun boudeder har doha mool oun djet koy hi.

3. Mose 26:5

Ko tsiro kay t'mer o djob vin denn, djal bis te vell ko tsiro, kay činenn i drake tele. Oun ko tsiro, kay činenn i drake tele, djal bis te vell ko tsiro, kay vitsrenn o djob pale vin an i phoub. Oun t'men vell boudeder har doha rhapen. Kek krell t'menge čilačepen.

Zakarie 8:12

Na-a, kanna nay vitsrenn le djob an i phoub kek daryah. I drakengre rouka hidjrenn drake, i phoub anell zenlepen vin, oun o bolepen dell brishin. Oun kolenge, kay pral ačan kal menshendar, dau kova lauter, te ačell kova lenge.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

5. Mose 11:14

Palle dell yob o brishin ap t'maro them an peskro tsiro, an o niyal oun an o vend, te nay anenn t'maro djob dren, ninna t'mari mool oun djet.

Ruth 1:6

Oun yoy shounas, te kras o baro Devel peskro dji pre peskre menshenge an o them Youda, oun das len maro. Koy las li peskro koova khetne, te djal li peskre čavengre romyentsa dran o them Moab pale pale.