Joel 2:17 - O Debleskro Lab 2024 (Sinte-Manouche)

¹⁷ Penenn i rashayenge, kay boudrenn o baro Debleske, te rovenn le ap i platsa mank o Debleskro kheer oun leskri rhačepaskri, oun penenn: Baro Devel, kre tiro dji pre tire menshenge! Ma mouk i menshen dran vavar themma men te praasell oun sanell pral mende. Hoske te penenn le: Kay hi lengro Devel?

O Debleskro Drom 2021 (Sinte)

¹⁷ Penenn i rashajenge, kai budrenn o baro Debleske, te rowenn le ap i platsa mank o Debleskro kheer un leskri chatchepaskri, un penenn: Baro Dewel, kre tiro dji pre tire menshenge! Ma muk i menshen dran wawar themma men te praassell un sanell pral mende. Hoske te penenn le: ‘Kai hi lengro Dewel?’

Joel 2:17 Iomraidhean Croise

1. Rajengro liil 6:3

Oun yob moukas i glanstouni halla glan o kheer te krell: Koya his yaake bourhlo har ko kheer, deesh metarya, oun panč metarya lengsto.

1. Rajengro liil 9:7

palle tradau me i Israelitaryen vin dran lengro them, hoy me len dom. Oun ko kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral o Israel.

2. Familjakro liil 7:20

palle tradau me i Israelitaryen vin dran lengro them, hoy me len dom. Oun kava kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral leste.

2. Familjakro liil 8:12

Kava tsireha anas o Salomo firhen o baro Debleske, kay van rhačedo ap koy rhačepaskri, hoy kran leskre boudepangre glan o baro Debleskro kheer.

Nehemia 9:36

Dik, men hi kava dives raya pral mende; an ko them, hoy tou mare phouren dal, te rhan le ko tselo lačo koova, an kava them hi men vavar raya pral mende.

Debleskri gili 115:2

Hoske penenn i vavar menshe: “Kay hi lengro Devel?”

Debleskri gili 42:10

Me penau ap miro Debleste, kay hi mange har i zorelo kheer, kay nay khatrau man: Hoske bistral tou man? Hoske hounte rovap me? Kolla djan ap mande, kay mange o djipen phares krenna.

Debleskri gili 42:11

Yon sanenn pral mande oun poučenn mandar hako dives: “Kay hi tiro Devel? Kay ačell lo?” Lengro praasepen hi mange har i merepaskro doukepen an mire kokale.

Debleskri gili 42:3

Ava, man hi troush pal o Debleste, pal ko djido Debleste. Kaana nay vau glan toute an tiro kheer, te dikap tout?

Debleskri gili 42:4

I vavar penenn ap mande hako dives: “Kay hi tiro Devel?” Doleske rovau o tselo dives oun haki rati; mire sva van miro pipen.

Debleskri gili 74:10

Miro Devel, har rah moukeh tou len pal toute te sal? Moukeh tou len hako tsiro tiro lab te praasell?

Debleskri gili 79:10

Hoske nay penenn i vavar menshe: Kay hi t'maro Devel? Mouk men te dikell, har tou len khetne stakreh koleske, kay maran le tire boudepangre!

Debleskri gili 79:4

Mer ham praasedo kolenge, kay troul mende djivenn, ham lenge sapaske, oun yon rikrenn men dineleske.

Debleskri gili 89:41

Leskro foro kral tou paash, oun kol bare zorele khera dal an kotya paash.

Debleskri gili 89:51

Ma biste koy ladj, hoy hi ap mande, tiro boudepaskro! Dik, har hidjrau ko tselo praasepen kolendar, kay tout gar prindjrenna.

2. Mose 34:9

“Miro ray, te dikeh tou lačes ap mande, palle dja mentsa, ninna te djan kal menshe pal pengro shero. Biste mari doosh oun ko čilačo koova, hoy kram, oun mouk men pale tire menshe te vell.”

Jesaja 22:12

Oun ap ko dives das o baro Devel, ko ray pral o bolepen oun i phoub gole: “Rovenn oun denn gole, činenn t'menge i balla tele, oun rivenn t'men an ripya dran gone, te sikrenn, kay khaytell t'men t'mari doosh!”

Jesaja 37:20

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”

Ezekiel 20:9

Palle krom kova gar, te nay rakrenn kol vavar menshe gar djoungeles pral mande, mank kolende yon his, oun glan kolende me penom, te hom o Israeleskro Devel, oun te anap len vin dran o them Egiptia.

Ezekiel 8:16

Oun yob anas man dren ap koy tikni platsa glan o baro Debleskro kheer. Oun glan o voudar o kherestar mashkral i glanstouni halla oun i sasterni rhačepaskri his 25 (biish-te-panč) morsha tardo. Kolla rissran pengre dume khatar o baro Debleskro kheer, oun dikan ap koy rig, kay o kham pre djal. Oun yon moukan pen ap i phoub te perell, oun mangan o kham an.

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

Joel 1:13

T'mer rashaya, kay han tardo pash o Debleskri rhačepaskri, rivenn t'men an gone, oun denn gole i bibarhtyatar! Ninna ratsyake rivenn ko gono gar vin, t'mer, kay boudrenn miro Debleske! Hi kek djob koy oun kek mool, hoy nay anans t'maro Debleske an leskro kheer.

Joel 1:9

Djob oun mool hi bouder gar koy, hoy nay vals dino o baro Debleste an leskro kheer. I rashayenge hi ropaske. Len hi bouder či, te anenn le o baro Debleske.

Amos 7:2

An miro dikepen dikom, har kaman i stepangre o tselo zenlepen te rhal an o them. Koy penom: “Baro Devel, maro ray, ma dik ap mari doosh! Har nay vell o Yakobeskro kheer pale ap i herya, kay yaake tikno hi.”

Amos 7:5

Koy penom: “Baro Devel, maro ray, mouk tele! Har nay vell o Yakobeskro kheer pale ap i herya, kay yaake tikno hi.”

Micha 7:10

Kolla, kay rikrenn man tele oun poučenn mandar kay hi tiro baro Devel, yon hounte dikenn kova, oun hounte ladjenn. Oun mire yaka dikenn, har le khetne stakedo venna, har čik ap i drom.

Maleachi 1:9

Kanna nay mangenn lestar, t'mer rashaya, – yaake boud har kamenn, te vell lo menge lačes! Hoy djal an t'maro shero glan? Sau koova kran, oun t'mer patsenn, te vell lo t'menge lačes! Na-a, penell o baro Devel, ko ray pral o bolepen oun i phoub.

4. Mose 25:6

Oun i tsele Israelitarya his čiddo o ropah glan o Debleskro plarhteno kheer. Koy anas i morsh dran Israel i Midianetsa an o plarhteno kheer peskri familyatar. Oun o Mose oun i tsele israelitarya dikan kova.

Mateo 23:35

T'mer han čilačo har t'mare phoure. Yon maran i lače menshen yaake rah har i phoub tardo hi: O lačo morsh Abel vas maredo glan i tsele vavar menshende. Pal leste maran le vavar lače menshen bis ap ko tsiro, kay o Zakari maredo vas, koleskro dad his o Baraki. O Zakares maran t'mer mashkral o Debleskro kheer oun i sasterni rhačepaskri, kay i firhe o Debleske rhačedo venna. Doleske vell i phagi ap t'mende, kay kanna djivenna.

Mateo 27:43

Yob patsas o Debles, oun penas: Me hom o Debleskro čavo. Te kamell o Devel les o djiyestar, mou vell lo, oun lell les kanna kava troushelestar tele!”

5. Mose 28:37

Te dikenn i menshe an i themma, hoy troul t'mende hi, har t'menge djal, ačell lenge o rakepen krik i trashatar pral kova. Oun yon rakrenn oun sanenn pral t'mende.

Josua 7:9

I Kanaanitarya oun halauter, kay an kava them djivenn, kolenge penenn le kova. Oun hakeno shounell kova! Oun palle venn le oun denn men moulo. Hoy kameh tou palle te krell, te ačell tiro lab baro?”