Joel 2:16 - O Debleskro Lab 2024 (Sinte-Manouche)

¹⁶ Kharenn i menshen khetne, oun thovenn t'men yaake har glan činlo hi, te venn djoudjo glan o Debleste. Avenn halauter khetne, t'mer phoure, čave oun ternepen! O biyabeskro te djal dran peskri isema, oun leskri pirni dran kolakri.

O Debleskro Drom 2021 (Sinte)

¹⁶ Kharenn i menshen khetne, un thowenn tumen jaake har glan tchinlo hi, te wenn djudjo glan o Debleste. Awenn halauter khetne, tumer phure, tchawe un ternepen! O bijabeskro te djal dran peskri isema, un leskri pirni dran kolakri.

Joel 2:16 Iomraidhean Croise

2. Familjakro liil 20:13

Oun i tsele morsha dran o them Youda, ninna lengre čave oun djouvya pengre tikne čaventsa, halauter his tardo glan o baro Debleste.

2. Familjakro liil 29:5

Oun penas ap lende: “Morshale dran o kheer Levi, shounenn mire laba! Krenn t'men kanna djoudjo o baro Debleske, oun krenn leskro kheer pale djoudjo leske, kay o Devel t'mare phourendar hi! Oun vitsrenn ko tselo koova vin, hoy kras kava kheer pale-čiddo.

2. Familjakro liil 30:17

Boud kolendar, kay khetne van, kran pen gar djoudjo glan kal divessa. Yaake nay maran le penge gar i terno bakro. Doleske maran i Levitarya i bakren lenge. Yaake nay dikas o baro Devel lačes ap kol bakre.

2. Familjakro liil 35:6

Te venn yon pengre bakrentsa, marenn t'mer kol terne bakre o rhapaske Passa! Krenn t'men djoudjo o Debleske! Oun krenn o masseha yaake, har glan činlo hi, te nay krenn t'mare phrala halauter yaake, har o baro Devel o Moseske penas.”

Hiob 1:5

Oun har kol divessa trouyel his, kay le rhan oun piyan, palle bičras o Hiob pash lende, te venn le pash leste. Oun yob stas sik taysarlakro pre, oun maras hakeneske lendar i firho, oun rhačras les o Debleske, te vell lengri doosh krik lino. Yob penas peske: Nay djals, te lan mire morsh čave doosh ap pende, oun rakran djoungeles pral o Debleste an pengre djia. Oun yaake kras o Hiob pal hako baro rhapen, hoy leskre morsh čave kran.

Debleskri gili 19:5

Lengro rakepen djal an hako them, oun vell shounlo ap i tseli phoub. O Devel kras i kheer o khameske an o bolepen.

2. Mose 19:10

Oun o baro Devel penas ap o Mose: “Dja pash lende oun pen lenge, te krenn le pen djoudjo mange kava dives oun taysar, te thovenn le pengre koola.

2. Mose 19:15

Oun yob penas: “Rikrenn t'men djoudjo o triinto diveske! Oun kek morsh taprell an kava tsiro peskri romyat an!”

2. Mose 19:22

Ninna i rashaya, hoy venn glan mande, hounte krenn pen djoudjo mange, te merenn le gar!”

Joel 1:14

Denn i menshen khetne gole! Penenn, te rhan le či, te sikrenn le, kay lengri doosh len khaytell. Moukenn i phoureden oun i tsele menshen an kava them pash o baro Debleskro kheer te vell! Yob hi t'maro Devel. Denn ap leste gole!

Mateo 21:16

oun penan ap leste: “Shouneh tou, hoy kol čave kote penenna?” “Ava,” penas o Yezous ap lende, “me shounau len. Djinenn t'mer gar, hoy an o Debleskro lab činlo hi: Tou, o Devel, kral, te sharenn tout i čave oun i terne.”

Mateo 9:15

Penas o Yezous ap lende: “Yaake rah har o biyabeskro ap i biyab hi, hi peskre mala barhtelo. Ko tsiro vella, kay vell o biyabeskro lendar lino. Ap ko tsiro rhan le oun piyenn le či, te mangenn le o Debles an.

1. Korintarja 7:5

Kek t'mendar te rikrell pes kol vavarestar pale! T'mer nay rikrenn t'men i tikno tsiro pale, te kamenn t'mer douy kova, te mangenn o Debles an. Oun pal kova avenn pale khetne har rom oun romni! Te krenn t'mer kova gar, palle nay vell, te han bouder gar o ray pral t'mende oun perenn an o bengeskro vast.

Josua 7:13

Ste pre, oun kre, te venn i menshe pale erligo glan mande! Pen lenge: Krenn t'men djoudjo, te nay venn glan o Debleste taysarlake! Me, o baro Devel, hom o Israeleskro Devel oun penau t'menge: Mank t'mende, t'mer Israelitarya, hi čomone, hoy miro hi. Doleske nay venn t'mer bouder gar zorelo pral kolende, kay kourenn pen t'mentsa, yaake rah, har anan t'mer ko koova gar dran t'mende krik.

Josua 8:35

Oun his kek lab, hoy moukas o Yosua gar vin te kharell kol tsele labendar, hoy o Mose penas. Oun i tsele Israelitarya, ninna i djouvya oun čave oun vi-themarya mank lende shounan kova.

1. Samuel 16:5

“Ava”, penas lo. “Me hom kay, te anap o baro Debleske i firhes. Krenn kova, hoy glan činlo hi, te venn djoudjo o Debleske! Oun avenn mantsa, te rhas mer o firhes, hoy anom o Debleske.” Oun yob kras ap o Isay oun leskre čavende kova, hoy glan činlo hi, te venn le djoudjo o Debleske, oun penas: “Avenn mantsa, te rhas mer o firhes, hoy dau o Debleske.”