Joel 2:15 - O Debleskro Lab 2024 (Sinte-Manouche)

¹⁵ Phourdenn i phourdepaskri ap i berga Sion! Denn i menshen khetne gole! Penenn lenge, te rhan le či, oun sikrenn yaake, te khaytell lenge lengri doosh.

O Debleskro Drom 2021 (Sinte)

¹⁵ Phurdenn i phurdepaskri ap i berga Zion! Denn i menshen khetne gole! Penenn lenge, te chan le tchi, un sikrenn jaake, te khaitell lenge lengri doosh.

Joel 2:15 Iomraidhean Croise

1. Rajengro liil 21:12

Yon kharan i tsiro vin, kay rhan le či, oun moukan o Nabotes glanstounes te beshell.

1. Rajengro liil 21:9

Oun an i lila his tardo: “Kharenn i tsiro vin, kay rhan t'mer či! Oun anenn i tsele menshen an o foro khetne, oun moukenn o Nabotes glanstounes te beshell!

2. Rajengro liil 10:20

Oun o Yehou penas: “Denn vin gole, te vell i baro dives, kay venn firhe maredo o debleske Baal, te vell yob sharedo!” Oun kava lab vas vin gole dino.

Jesaja 1:13

Ma anenn bouder kek rhapen rhačepaske! Kova hi čičeske. Ma rhačrenn mange bouder kek soungepaskro koova! Man hi o nak doha. T'mer venn mange khetne ap o nevo čon, ap o Debleskro dives oun ap vavar bare divessa. Kova hi mange gar mishto, yaake rah har moukenn t'mer gar t'maro djoungelo koova.

Jeremia 36:9

An o pančto bersh an o enyato čon, har his o Yoyakim, koleskro dad o Yosia his, o baro ray pral Youda, vas vin gole dino, te rhan i menshe či, te dikell o baro Devel lačes ap lende. Kova vas kolenge penlo, kay an Yerusalem djivan oun an i vavar gaba oun forya an Youda oun kay van an Yerusalem khetne.

Joel 1:14

Denn i menshen khetne gole! Penenn, te rhan le či, te sikrenn le, kay lengri doosh len khaytell. Moukenn i phoureden oun i tsele menshen an kava them pash o baro Debleskro kheer te vell! Yob hi t'maro Devel. Denn ap leste gole!

Joel 2:1

Phourdenn an i phourdepangre! Denn bares gole ap miri berga, koy berga Sion! Trashenn, t'mer lauter, kay djivenn an o them Youda! O dives o baro Deblestar vella sik!

4. Mose 10:3

Oun te phourdenn le kol douyentsa, hounte venn i tsele Israelitarya pash toute khetne glan o Debleskro kheer.