Joel 1:8 - O Debleskro Lab 2024 (Sinte-Manouche)

⁸ Rob har i terni čay, kay nashras lakro pirno, oun rivell pes an i gono.

O Debleskro Drom 2021 (Sinte)

⁸ Rob har i terni tchai, kai nashras lakro pirno, un riwell pes an i gono.

Joel 1:8 Iomraidhean Croise

Gosewe laba 2:17

oun moukas peskro romes, koleha li khetne djas har li terno his, oun bistras, hoy li peskro romeste sovel das glan lakro Debleste.

Jesaja 22:12

Oun ap ko dives das o baro Devel, ko ray pral o bolepen oun i phoub gole: “Rovenn oun denn gole, činenn t'menge i balla tele, oun rivenn t'men an ripya dran gone, te sikrenn, kay khaytell t'men t'mari doosh!”

Jesaja 32:11

Trissenn, t'mer djouvya, kay t'menge kek shero krenn, trissenn i daryatar, t'mer, kay dikenn kokres ap t'mende! Rivenn t'mare ripya vin, oun čivenn i gono troul t'mende!

Jeremia 3:4

Oun kanna peneh ap mande: Kamlo dad, tou hal miro maal yaake rah har djivau.

Ropaskre gilja 1:4

I dromma pash i berga Sion hi mouklo. Kek vell an o foro an kol bare divessa. I tsele foreskre voudya hi pre, i rashayenge hi ropaske, i terne ča rovenna. Har pharo hi kova lauter o foreske!

Amos 8:10

T'mare bare divessa, kay hans barhtelo, venn kanna divessa, kay denn gole i bibarhtyatar. Oun t'mare gilya venna ropangre gilya. T'mer rivenn t'men an gone, oun činenn t'mare tsele balla ap o shero tele. Oun han yaake har i dad oun i day, kay pral pengro čaveste rovenn, kay meras, oun len hi kek vavar čave. Oun lauter, hoy djal an ko dives, krell i menshenge bari daar.

Maleachi 2:15

Kek krals sau koova, te vals i tikno kotar foun miro dourho an leste. Yob kamals čave te lell, kay o Debleske koy hi. Doleske denn yak an t'mare djia, te rhorhell oun moukell kek t'mendar peskri romyat!

Jakobo 5:1

Kanna penau ap t'mende, kay bravelo han: Rovenn oun denn gole pral koy bibarht, hoy pral t'mende vella!