Joel 1:7 - O Debleskro Lab 2024 (Sinte-Manouche)

⁷ Či hi bouder ap mare drakengre rouka, kek patria hi bouder ap mare faygetikre rouka. Ninna lengro kasht hi nango oun parno, lauter hoy ap lende his, rhan le tele.

O Debleskro Drom 2021 (Sinte)

⁷ Tchi hi buder ap mare drakengre ruka, kek patria hi buder ap mare faigetikre ruka. Ninna lengro kasht hi nango un parno, lauter hoi ap lende his, chan le tele.

Joel 1:7 Iomraidhean Croise

Debleskri gili 105:33

Lengre drakengre rouka oun faygetikre rouka das lo tele, oun phagas i tsele rouka an lengro them.

2. Mose 10:14

Oun yaake van i stepangre pral o tselo them Egiptia. Yon his yaake boud, har gomme gar koy his oun gar bouder venna,

2. Mose 10:15

oun čakran i phoub, yaake te vas o tselo them kales. Oun yon rhan o tselo zenlepen oun lauter, hoy ap i rouka baro vas, hoy pral ačas, har o barrengro brishin ap o them peras. Kek zenlepen ačas pral ap i rouka oun ap i harhetikri phoub an o tselo them Egiptia.

Jesaja 24:7

I drakengro rouk merell, oun nevi mool dell gar. Kolenge, kay i barhtelo dji his, hi kanna ropaske.

Jesaja 32:12

Te dikenn t'mer, hoy vas dran i lači phoub oun dran i shoukar drakengre rouka, denn t'mare vasta khetne pral o shero oun rovenn!

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

Jeremia 8:13

Te kamau pash mire menshende lačepen te hatsell, hom har i harho, kay kamell drake oun fayge dren te lell, oun kay hatsell kek drake oun kek fayge ap i rouka. Ninna kol patria peran tele, penell o baro Devel. Doleske dom kal menshen pre. Vavar menshe lenn penge lengro them.

Hosea 2:12

Glan lakre pirnengre yaka rivau lat nanges vin. Oun kek nay lell lat dran miro vast vin.

Joel 1:12

I drakengre rouka hi trouk. i faygetikre rouken hi bouder kek patria. Ninna ap i phabyengre rouka oun palmtikre rouka, har ap i tsele divye rouka hi bouder kek patria. Oun dran o barhtelo tsiro vas i menshenge i bibarhtelo tsiro.

Amos 4:9

Me bičrom i tato phourdepen oun i nasslepen ap t'maro djob, yaake te meras o djob tele. Ninna rhan i stepangre lauter, hoy bares vas an t'mari baar oun an t'maro drakengro them, ap t'mare faygetikre rouka oun djeteskre rouka. Ninna palle van t'mer gar pale pash mande, penell o baro Devel.

Habakuk 3:17

O faygetikro rouk hi gomme gar zenelo, oun ap i drakengre rouka hi kek drake. O djeteskro rouk hidjrell kek djeteskre drake. oun ap i harhetikri phoub vell kek djob baro. Kek bakre hi vin, oun kek groumya hi tarde an i stanya.

Maleachi 3:11

Oun me rikrau i stepangren dour krik t'mari phoubyatar, te rhan le gar kova pre, hoy kote baro vas. Oun t'mare drakengre rouka venn pherde drake. Ko penell o baro Devel, ko ray pral o bolepen oun i phoub.