Joel 1:4 - O Debleskro Lab 2024 (Sinte-Manouche)

⁴ Boud boud stepangre van pral o them oun beshan pen ap o djob. Hoy moukan kolla pral, rhan kolla, kay pal lende van. Hoy kolla pral moukan, rhan kolla, kay pal kolende van. Hoy palle pral ačas, rhan kolla, kay pal kolende van.

O Debleskro Drom 2021 (Sinte)

⁴ Bud bud stepangre wan pral o them un beshan pen ap o djob. Hoi mukan kolla pral, chan kolla, kai pal lende wan. Hoi kolla pral mukan, chan kolla, kai pal kolende wan. Hoi palle pral atchas, chan kolla, kai pal kolende wan.

Joel 1:4 Iomraidhean Croise

1. Rajengro liil 8:37

Nay vell i bari bok pral kava them, ninna i djoungelo nasslepen, i tsiro, kay dell kek brishin, i nasslepen ap o djob, boud stepangre oun kirme, kay rhan o tselo zenlepen, lourde, kay venn dran vavar themma oun čivenn pen troul i forya oun pandenn len dren – havi bibarht oun nasslepen ninna vella,

2. Familjakro liil 6:28

Nay vell i bari bok pral kava them, ninna i djoungelo nasslepen, i tsiro, kay dell kek brishin, i nasslepen ap o djob, boud stepangre oun kirme, kay rhan o tselo zenlepen, lourde, kay venn dran vavar themma oun čivenn pen troul i forya oun pandenn len dren – havi bibarht oun nasslepen ninna vella,

2. Familjakro liil 7:13

Shoun, te bičrau i tsiro, kay dell kek brishin, kay rhan i stepangre o tselo zenlepen ap o them pre, oder kay bičrau i djoungelo nasslepen ap mire menshende,

Debleskri gili 105:34

Yob penas, te venn stepangre, oun stepangre van, yaake boud, te nay penas kek, kitse yon hi.

Debleskri gili 78:46

Lengro djob rhan i stepangre pre. Kolla rhan lauter, hoy ap lengri phoub bares vas.

2. Mose 10:4

Te moukeh tou gar mire menshen te djal, palle kamau me taysar stepangre pral tiro them te bičrell.

2. Mose 10:5

Kolla čakrenn o them, oun hi yaake boud, te nay dikeh i phoub bouder gar. Oun kolla rhan kova pre, hoy pral ačas, har o barrengro brishin peras oun boud djob paash das. Ninna i patria ap i rouka rhan le pre.

Jesaja 33:4

Palle perah pral kova, hoy le čiddo moukan, har stepangre perenn pral o zenlepen, ava, har boud stepangre venna oun halauter pre rhana.

Jeremia 51:14

O baro Devel, ko ray pral o bolepen oun i phoub das pes sovel pash peste: Čačepah, me anau boud lourden an tiro foro – yaake boud har stepangre! Oun yon denn bari gole i barhtyatar, te lenn le tiro foro dren.

Jeremia 51:27

Hadenn o kourepaskri plarhta pre ap i phoub! Phourdenn an i phourdepaskri an i tsele themma! Denn i rayen pral i vavar themma gole, te djan le an o kourepen o foreha Babilon! Penenn i bare rayenge pral i themma Ararat, Minni oun Ashkenas, te bičrenn le lourden, te kourenn le pen i menshentsa an Babilon! Rodenn lourdengre pralstunen vin! Anenn yaake boud graya khetne har stepangre!

Joel 2:25

Oun me dau t'men kol bersha pale, hoy nashran, har i boud stepangre lauter rhan. Me homs, kay kolen lauteren mank t'mende bičrom.

Amos 4:9

Me bičrom i tato phourdepen oun i nasslepen ap t'maro djob, yaake te meras o djob tele. Ninna rhan i stepangre lauter, hoy bares vas an t'mari baar oun an t'maro drakengro them, ap t'mare faygetikre rouka oun djeteskre rouka. Ninna palle van t'mer gar pale pash mande, penell o baro Devel.

Amos 7:1

O baro Devel, maro ray, moukas man te dikell, har kras yek stepangre. Kova his an ko tsiro, har o khass o douyto kopo pre djas, pal kova, har moukas o baro ray o khass o ersto kopo te činell.

Maleachi 3:11

Oun me rikrau i stepangren dour krik t'mari phoubyatar, te rhan le gar kova pre, hoy kote baro vas. Oun t'mare drakengre rouka venn pherde drake. Ko penell o baro Devel, ko ray pral o bolepen oun i phoub.

5. Mose 28:38

T'mer vitsrenn boud djob ap t'mari phoub vin, oun anenn kokres i vast pherdo dren. I stepangre rhan halauter pre.

5. Mose 28:42

T'mare tsele rouka oun halauter hoy an t'maro them bares vas, rhan i stepangre.