Joel 1:2 - O Debleskro Lab 2024 (Sinte-Manouche)

² Shounenn, t'mer phoure, oun denn yak t'mer halauter, kay djivenn an kava them! Penenn mange, das savo koova yaake rah har t'mer djivenn? Das savo koova an t'mare phourengro tsiro?

O Debleskro Drom 2021 (Sinte)

² Shunenn, tumer phure, un denn jak tumer halauter, kai djiwenn an kau them! Penenn mange, das sawo koowa jaake rah har tumer djiwenn? Das sawo koowa an tumare phurengro tsiro?

Joel 1:2 Iomraidhean Croise

Hiob 12:12

Phoure menshen hi gosvepen. Kolla, kay boud bersha djivan, hayvenn boud.

Hiob 15:10

Mank mende hi ninna phoure morsha, morsha parne ballentsa, kay phoureder van har tiro dad.

Hiob 21:7

Hoske ačenn kol čilače djido venn phouro, oun lengri zoor vell bareder?

Hiob 8:8

Dik ap kova, hoy djinan i menshe an o phouro tsiro! De yak ap kova, hoy hatsan mare phoure vin!

Debleskri gili 49:1

I gili o rayeske pral i gipangre. Kay gili hi yekestar dran i familya Korah.

Jesaja 34:1

Avenn kay, t'mer menshe dran vavar themma, oun shounenn! Denn yak ap hako lab! I tseli phoub oun lauter, hoy ap late djivell, mou shounell, hoy penau.

Jesaja 7:17

Oun pral toute oun tire menshende oun i menshende an tiro them anell o baro Devel save divessa, har yon gar van, yaake rah har dran o them Israel douy themma van: o Israel oun o Youda. Kol divessa venna o baro rayeha pral o them Assour.”

Jeremia 30:7

Ava, havo djoungelo dives vella, i dives, hoy hi har kek vavar! Ko tsiro hi pherdi daar o Yakobeskre čavenge; yon nay djinenn, te venn le vin lino dran kova lauter.

Jeremia 5:21

Shounenn kay, t'mer menshe, kay t'men či an o shero hi, kay len yaka hi, oun dikenn či, kay len kanda hi oun shounenn či!

Daniel 12:1

Oun an ko tsiro stell o bolepaskro Mikael pre, kova, kay ap i rig tire menshendar hi. Ko tsiro hi yaake pharo, har das kek vavar glan kova, yaake rah har menshe koy hi. Oun an ko tsiro venn tire menshe vi-lino dran i bari bibarht, lauter kolla, kay an o Debleskro liil dren činlo hi.

Hosea 4:1

T'mer Israelitarya, shounenn, hoy o baro Devel t'menge penell! O baro Devel hounte čingrell t'mentsa, kay djivenn an o them Israel. T'mer rikrenn gar khetne, han gar kamles yek o vavareha oun prindjrenn o Debles gar.

Hosea 5:1

T'mer rashaya, shounenn kova! Oun denn garda, t'mer dran o kheer Israel! Ninna t'mer dran o baro rayeskro kheer, shounenn kal laba! T'mer hounte dans yak, te vell o čačepen kerdo. Oun t'mer anan i menshen yaake dour, te mangenn le rhorhene deblen an. Lenge van t'mer har pandle dorya, hoy yek vin čivas an o foro Mispa, oun har i netsa, koleha yek čirklen taprell ap i berga Tabor.

Joel 1:14

Denn i menshen khetne gole! Penenn, te rhan le či, te sikrenn le, kay lengri doosh len khaytell. Moukenn i phoureden oun i tsele menshen an kava them pash o baro Debleskro kheer te vell! Yob hi t'maro Devel. Denn ap leste gole!

Joel 2:2

Kova hi i kalo dives, i tamlo dives, pherde volke. Yaake sik har o kham pre djal pral i berge, venn boud boud lourde pral o them, kolla hi yaake zorelo oun yaake boud, har gomme gar koy his, oun vitar bouder gar vella an kek tsiro.

Amos 3:1

Shounenn, t'mer Israelitarya, hoy o baro Devel pral t'mende rakras, pral o tselo kheer Israel peskre tsele familyentsa, kolen yob vin anas dran o them Egiptia:

Amos 4:1

Shounenn kava lab, t'mer romya i pralstunendar pral o foro Samaria! T'mer han har i thoulle groumya ap i berge Bashan. T'mer krenn i čorvelenge čilačepen, rikrenn i tiknen tele, oun penenn ap t'mare romende: Anenn menge mool, te piyas mer!

Amos 5:1

Shounenn t'mer menshe an Israel, shounenn koy ropaskri gili, hoy givau pral t'mende:

Micha 1:2

Shounenn t'mer tsele themma! Denn yak, t'mer ap i tseli phoub! O baro Devel, maro ray an o bolepen, kamell t'mentsa te rakrell pral kova, hoy kran!

Micha 3:1

Oun o Mika penas: T'mer pralstoune an o kheer Yakob, t'mer raya an o kheer Israel! Shounenn, hoy t'menge penau! T'mer hounte vans kolla, kay djinenn, hoy o čačepen hi.

Micha 3:9

Yaake shounenn kova, t'mer pralstoune an o kheer Yakob, oun t'mer raya an o kheer Israel! T'mer, kay stakrenn t'mare pirentsa ap o čačepen trouyel, oun penenn foun kova, hoy čačo hi: Kova hi rhorhepen.

Mateo 13:9

Moukenn kova an t'maro shero trouyel te djal!

Mateo 24:21

Ko tsiro vella djoungleder har halauter, hoy ap i menshende vas, yaake rah, har i phoub tardo hi. Oun ko tsiro, hoy vell pal kova, vell vitar gar yaake čilačo.

Debleskro tsiro 2:7

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau te rhal ko roukestar, hoy o djipen della, kova, hoy tardo hi an o Debleskri shoukar baar.”