Joel 1:14 - O Debleskro Lab 2024 (Sinte-Manouche)

¹⁴ Denn i menshen khetne gole! Penenn, te rhan le či, te sikrenn le, kay lengri doosh len khaytell. Moukenn i phoureden oun i tsele menshen an kava them pash o baro Debleskro kheer te vell! Yob hi t'maro Devel. Denn ap leste gole!

O Debleskro Drom 2021 (Sinte)

¹⁴ Denn i menshen khetne gole! Penenn, te chan le tchi, te sikrenn le, kai lengri doosh len khaitell. Mukenn i phureden un i tsele menshen an kau them pash o baro Debleskro kheer te well! Job hi tumaro Dewel. Denn ap leste gole!

Joel 1:14 Iomraidhean Croise

2. Rajengro liil 10:20

Oun o Yehou penas: “Denn vin gole, te vell i baro dives, kay venn firhe maredo o debleske Baal, te vell yob sharedo!” Oun kava lab vas vin gole dino.

2. Familjakro liil 20:13

Oun i tsele morsha dran o them Youda, ninna lengre čave oun djouvya pengre tikne čaventsa, halauter his tardo glan o baro Debleste.

Nehemia 8:18

Hako dives draveras o Esra dran o liil glan, kay o Debleskro drom siklo vell, o tselo tsiro, kay yon kol bare divessa rikran. Oun kol bare divessa djan efta divessa. Oun ap o orhtato dives van le lauter yaake khetne, har činlo his an i čačepaskre laba.

Ester 4:16

“Dja koy oun de i tsele bibolden an o foro Susa khetne gole! Rhan oun piyenn triin divessa či, gar ap o dives, vitar gar an i rati. Krenn kova mange, te dikell o Devel lačes ap mande! Oun me oun kol djouvya, kay mange boudrenn, mer kamah kova ninna yaake te krell. Oun pal kova kamau pash o baro rayeste dren te djal, ninna te hi khatar o činlo lab. Oun te denn le man moulo, palle denn le man moulo.”

Jeremia 14:2

O them Youda hi bibarhtelo koy čiddo. I menshe an i forya merenna i bokatar. Lenge hi ropaske oun yon beshenn pen ap i phoub. Oun an Yerusalem denn le i vasta pral o shero khetne.

Jeremia 36:9

An o pančto bersh an o enyato čon, har his o Yoyakim, koleskro dad o Yosia his, o baro ray pral Youda, vas vin gole dino, te rhan i menshe či, te dikell o baro Devel lačes ap lende. Kova vas kolenge penlo, kay an Yerusalem djivan oun an i vavar gaba oun forya an Youda oun kay van an Yerusalem khetne.

Joel 1:2

Shounenn, t'mer phoure, oun denn yak t'mer halauter, kay djivenn an kava them! Penenn mange, das savo koova yaake rah har t'mer djivenn? Das savo koova an t'mare phourengro tsiro?

3. Mose 23:36

Efta divessa anenn firhen o baro Debleske, te venn le leske maredo oun rhačedo. Ap o orhtato dives avenn pale khetne glan o baro Debleste, oun marenn oun rhačrenn firhen leske. An kal bare divessa venn t'mer khetne o baro Debleske, oun hounte krenn kek boudi.

Jona 3:5

Oun kol tsele menshe an o foro Ninive patsan o Debleske, oun moukan vin te kharell, kay kek te rhal čomone bouder. Oun halauter, bare oun tikne, rivan gone pral pende, te sikrenn le, te khaytell len lengro čilačo djipen.

Jona 3:8

Oun halauter hounte čivenn gone pral pende: i menshe oun i firhe. Oun hakeno hounte kharell ap o Debleste peskri tseli zoryah. Oun hakeno hounte moukell peskro čilačo drom oun ko čilačo koova, hoy lo kras.

Zefanja 2:1

T'mer menshe, kay kamenn pen gar te ladjell! Dikenn dren, hoy kran! Oun avenn pale pash o baro Debleste,