Joel 1:12 - O Debleskro Lab 2024 (Sinte-Manouche)

¹² I drakengre rouka hi trouk. i faygetikre rouken hi bouder kek patria. Ninna ap i phabyengre rouka oun palmtikre rouka, har ap i tsele divye rouka hi bouder kek patria. Oun dran o barhtelo tsiro vas i menshenge i bibarhtelo tsiro.

O Debleskro Drom 2021 (Sinte)

¹² I drakengre ruka hi truk. i faigetikre ruken hi buder kek patria. Ninna ap i phabjengre ruka un palmtikre ruka, har ap i tsele diwje ruka hi buder kek patria. Un dran o bachtelo tsiro was i menshenge i bibachtelo tsiro.

Joel 1:12 Iomraidhean Croise

Debleskri gili 4:7

Boud penenna, koon moukell men lačepen dikell? Tou, baro Devel, mouk tiro lačepen har i momeli pral mende pre te djal!

Debleskri gili 92:12

Me dikau tele ap kolende, kay mange čilačepen kaman, oun shounau i gole kol čilačendar, kay hadan pen ap mande.

Kamlepaskri gili 2:3

Har i phabyengro rouk mank i divye rouka an o veesh, yaake hi miro pirno mank i terne morshende. Barhteles hom beshdo an leskro shatto, oun leskre phabya hi goudlo mange.

Kamlepaskri gili 4:13

Har i baar hal tou pherde rouka goudle phabyentsa, oun roukengre, hoy mishto soungenna, oun o rhapen lačes krenna: Henna oun Narda, Safrano, goudlo soungepaskro khass oun cinnamome, encens, myrrhe oun aloe, halauter lače kashta oun patria.

Jesaja 16:10

O gipen oun o sapen vell bouder gar shounlo tel i rouka an i baar. An o drakengro them dell bouder kek gole i barhtyatar. Kek mool vell kerdo. Kek gipen vell shounlo.

Jesaja 24:11

Ap i dromma denn le gole pal mool, kolatar kek bouder koy hi. Kek sapen vell shounlo, kek khelepen dell bouder.

Jesaja 24:7

I drakengro rouk merell, oun nevi mool dell gar. Kolenge, kay i barhtelo dji his, hi kanna ropaske.

Jesaja 9:3

Tou kral, te hi le bouder gar pandle boudepangre, oun phagal ko kasht, koleha yon ap i boudi tradedo van, yaake har ap ko dives, kay lal i menshen vin dran i vasta kol Midianendar.

Jeremia 48:3

I bari gole vell shounlo dran Horonayim, kote peras halauter khetne, oun phagas halauter.

Jeremia 48:33

Kote, kay i rouka oun bourra tardo hi an o them Moab, givenn oun khelenn le bouder gar pral ko lačo koova, hoy kote bares vas. Kek mool vell kerdo. Kek drake venn bouder khetne stakedo, te nashell i mool vin. O molyengro ray givell bouder gar peskri gili.

Joel 1:10

O harhetikri phoub hi pherde barra, oun či vell bouder baro koy pre. O djob hi paash, i molengre drake oun i djetengre drake meran tele.

Joel 1:16

Mare yakentsa dikam, har maro rhapen krik lino vas, oun gipen oun khelepen dran maro Debleskro kheer.

Jona 4:7

O vavar dives, har o kham pre djal, moukas o Devel i kirmo te vell. Kova das ko bour čourye, kay meras lo tele.

Haggai 2:19

An t'mare djobengre khera ačell doha djob. I drakengre rouka hidjrenn pale drake, i faygetikre rouka hidjrenn fayge, i granatikre phabyengre rouka hidjrenn phabya, oun i djeteskre rouka hidjrenn djeteskre drake. Kava divesseha čivau miri barht oun miri zoor ap t'maro them.

Maleachi 3:11

Oun me rikrau i stepangren dour krik t'mari phoubyatar, te rhan le gar kova pre, hoy kote baro vas. Oun t'mare drakengre rouka venn pherde drake. Ko penell o baro Devel, ko ray pral o bolepen oun i phoub.

4. Mose 13:23

Oun yon van pash o pani Eshkol, oun činan kote i kasht molengre drake tele, oun hidjran kova douyentsa ap i hidjepaskro kasht, yaake pharo hi lo. Koy pashel anan le ninna granatikre phabya oun fayge.