Jesaja 9:9 - O Debleskro Lab 2024 (Sinte-Manouche)

⁹ “Kol barra dran rhačedi čik peran, – kova krell či. Mer čivah mare khera zorele barrentsa pale pre. I faygetikre rouka van tele dino. Kote čivah cedertikre rouka an i phoub.”

O Debleskro Drom 2021 (Sinte)

⁹ “Kol barra dran chatchedi tchik peran, – kowa krell tchi. Mer tchiwah mare khera sorele barrentsa pale pre. I faigetikre ruka wan tele dino. Kote tchiwah zedertikre ruka an i phub.”

Jesaja 9:9 Iomraidhean Croise

1. Rajengro liil 22:25

“Čačepah” penas o Mika, “tou dikeh les ap ko dives, kay khatreh tout an i palstouni isema!”

Gosewe laba 16:18

Koon pes bares krell, vell phagedo. Oun i pre-phourdo mensho perell.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 28:1

Djungeles djal touke, tou foro Samaria! Tou hal čiddo ap i berga, hoy hi tardo pral o bravelo them. Oun hal har i rayeskri stadi. I menshe dran o them Efrayim, kay i molyatar mate hi, sharenn pen touha. Tiro shoukapen hi har i bloume, hoy merell tele.

Jesaja 28:3

Peskre heryentsa stakrell lo ko pre-phourdo foro khetne, kay i mate dran Efrayim djivenn.

Jesaja 46:12

Shounenn ap mande, t'mer, kay barrengre djia an t'mende hi, t'mer, kay patsenn, te vell t'men kek čačepen.

Jesaja 48:4

Me djinau, te hi t'men barrengre djia, oun t'mare menya hi zorelo har dran saster, oun t'mare sherya har dran lolo saster.

Jesaja 7:2

Oun har o baro rayeske pral Youda penlo vas, kay čivan i Syrarya pengre plarhtene khera pre an o Efrayimeskro them, kote trissas lo i trashatar. Oun ninna i tsele menshe an Youda trissan yaake har i rouka an i vesha trissenn, te phourdell i zorelo dourho.

Jesaja 9:8

Oun i tsele menshe an Efrayim oun an Samaria hayvan kova. Oun yon ačan pre-phourde oun sharan pen oun penan:

Jeremia 32:24

I Babilonarya hi troul o foro tardo, oun čivan phoub pre, te krenn le i drom, te nay djan le an o foro dren. Kava drom djal bis pash o foreste. Sik hounte perell o foro an lengre vasta. Oun i menshendar koy dren merenn boud i bokatar oun ap o djoungelo nasslepen. Oun vavar venn maredo o rhareha. Yaake har tou kova penal, yaake vas ninna; tou nay dikeh kokres, har hi.

Ezekiel 30:19

Yaake dau o them Egiptia peskri phagi, te dikenn oun hayvenn le, te hom me o baro Devel.

Ezekiel 33:33

Djiness, kova hoy penal glan-vi, vell čačepah yaake! An ko tsiro, kay vell kova, dikenn oun hayvenn le, te his i Debleskro rakepaskro mashkral lende.

Ezekiel 7:27

O baro ray rovell, oun i pralstoune darenn pengro djipaske. Hakeno an o them trissell i daryatar. Me krau lentsa pal kova har yon kran. Oun yaake har kran yon o čačepen vin pral i vavarende, yaake krau me o čačepen vin pral lende. Palle dikenn oun hayvenn le, te hom me o baro Devel.

Ezekiel 7:9

Me dikau bouder gar lačes ap t'mende. Man khaytenn t'mer gar. Ko djoungelo koova, hoy kran, vell ap t'mare sherya pale. Oun t'mer lenn t'mari phagi. Oun t'mer dikenn oun hayvenn palle, te hom me o baro Devel, kova kay t'men dell.

Hosea 8:14

I Israelitarya bistran koles, kay kras len. Yon krenn penge bare shoukar khera. Oun i menshe an o them Youda krenn penge zorele forya. Me, o baro Devel, vitsrau i yag an lengre forya, hoy lengre khera pre rhačrell.

Maleachi 1:4

Te penenn ninna leskre čave, kol Edomarya: Ninna te van mare forya paash dino, mer čivah len neves pre, palle penau me, o baro Devel, ko ray pral o bolepen oun i phoub: Ninna te čivenn le kol forya pale pre, me dau halauter pale paash. Oun vavar menshe penenn pral lende čilačo them oun kalla hi menshe, pral kolende o baro Devel pes rhoyrella an hako tsiro.

Maleachi 3:13

T'mer rakrenn djoungelo koova pral mande, penell o baro Devel. T'mer poučenn: Hoy penam pral toute?

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.