Jesaja 9:4 - O Debleskro Lab 2024 (Sinte-Manouche)

⁴ I lourdengre kirrha, kolentsa i lourde phares pre stakran oun lengre baya, kay rat ap lende hi, venn an i yag vitsedo oun rhačrenn pre.

O Debleskro Drom 2021 (Sinte)

⁴ I lurdengre kircha, kolentsa i lurde phares pre stakran un lengre baja, kai rat ap lende hi, wenn an i jag witsedo un chatchrenn pre.

Jesaja 9:4 Iomraidhean Croise

1. Mose 27:40

Tou djiveh kolestar, hoy tiro rharo anella touke, oun hounte boudress tiro phraleske. I dives vella, kay hadeh tout ap leste, oun moukeh les bouder gar ray pral toute te vell.

Debleskri gili 125:3

I čilače ačenn gar i raya pral o them kolendar, kay an o čačepen tardo hi. Te vals yaake, nay krans kolla ninna o čilačepen.

Debleskri gili 81:6

Kova penas o Devel o Yosefeskre menshenge, har djas lo an o kourepen khatar i Egiptarya. Shounau i rakepen, hoy me gar prindjrom:

Jesaja 10:16

Doleske bičrell o baro Devel, ko ray pral o bolepen oun i phoub, i nasslepen ap i pesse menshende an o them Assour, hoy rhal len pre. Oun i yag rhačrell lengro bravlepen pre.

Jesaja 10:5

Havi bibarht vell ap i menshende an o them Assour! Har homs rhoyedo ap o Israel, his i Assirya har i kasht an miro vast, koleha i Israelitaryen dom.

Jesaja 14:25

Me dau i Assiryen an miro them, ap mire berge stakrau len khetne, te nay rikrenn le bouder gar mire menshen tele, oun krenn lenge bouder gar i pharo djipen.

Jesaja 16:4

Mouk kolen, kay dran o them Moab tradedo van, pash toute te djivell. Khate len glan lende, kay len palla lenn.” Ko tsiro vell, kay kek bouder tele rikedo vell, kay o them bouder gar paash dino vell, oun kolla, kay o them khetne stakran, gar bouder hatslo venn.

Jesaja 47:6

Me homs rhoyedo pral mire menshende, oun čivom len pale mandar, har te vans le bouder gar mire, oun dom len an tiro vast. Oun tout his kek dji lenge. Ninna ap i phourende čival tou tiro pharo vast oun dal len phari boudi.

Jesaja 49:26

Kolla, kay rhan tout, kolla hounte rhan pengro mass oun hounte piyenn pengro rat, oun venn kolestar yaake mato, har te piyans le goudli mool. Palle hayvenn i tsele menshe, te hom me o baro Devel, kova, kay lell tout vin dran o merepen, oun tserdell tout vin dran i čilače vasta, me o zorelo Devel o Yakobestar.

Jesaja 51:13

Bistran t'mer o baro Debles, kova, kay t'men kras? Yob hi kova, kay o bolepen bourhles pral i phoub kras, oun i phoub pre čivas. Hoske darenn t'mer o tselo tsiro glan i rholi kolendar, kay rikrenn t'men tele oun kamenn t'men te marell? Lengri rholi nay taprell t'men gar!

Jesaja 52:2

Yerusalem, ste pre dran i čik! Trissle koy čik tele! Oun besh tout ap i rayeskri beshepaskri! Vitse kol shelle tele, hoy troul tiri meen pandlo hi, tou stildi čay Sion!

Jesaja 54:14

An o čačepen veh tou zoreles tardo. Tou hounte daress kekestar, te rikrell lo tiro djipen phares. Oun tou hounte daress kek bibarht. Kaya nay vell gar pash toute!

Jesaja 9:5

I ternepen vas menge boldo, i morsh čavo vas men dino. Kova vell i baro ray, oun kharell: lačo rakepaskro, zorelo Devel, dad-hako-tsireske, ray-kay-lell-o-kourepen-krik.

Jeremia 30:8

O baro Devel, ko ray pral o bolepen oun i phoub penell: An ko tsiro phagau ko kasht, hoy hi troul lengre menya, oun lau i shelle tele, hoy rikrenn len pandles. Yon hounte boudrenn bouder gar vavar menshenge,

Jeremia 48:17

T'mer halauter, kay djivenn troul o them Moab oun han leskre mala, avenn, oun denn i ropaskri gole oun penenn: Havi grerha! O Moabeskri zoor oun leskro raylepen hi phagedo!

3. Mose 26:13

Me, o baro Devel, hom t'maro Devel, oun anom t'men dran o them Egiptia vin, te ačenn gar bouder lengre pandle boudepangre. Kote hans har groumya, kay hounte boudrenn i kashteha troul lengri meen. Ko kashtes phagom me, te nay djan pale pre hadede sherya.

Nahum 1:13

Kanna phagau koy zoor, hoy i Assiryen pral t'mende hi, – koy zoor, hoy har ko kasht hi, hoy i groumyat troul peskri meen hi. Oun kol shelle, hoy pandenn t'men, činau paash.