Jesaja 8:6 - O Debleskro Lab 2024 (Sinte-Manouche)

⁶ An i yaka kal menshendar hi o tikno pani Siloah či moldo, hoy nashell lokes an Yerusalem. Oun kol douy raya, o Rezin oun o Peka, venn lenge yaake zorelo glan, te trissenn le i daryatar.

O Debleskro Drom 2021 (Sinte)

⁶ An i jaka kal menshendar hi o tikno pani Siloah tchi moldo, hoi nashell lokes an Jerusalem. Un kol dui raja, o Rezin un o Pekach, wenn lenge jaake sorelo glan, te trissenn le i darjatar.

Jesaja 8:6 Iomraidhean Croise

1. Rajengro liil 7:16

Oun yob kras douy sherya dran lolo saster oun čivas len pral pre ap i turme, hako shero his 2,5 (douy-te-paash) metarya baro.

Nehemia 3:15

Oun o Djido Panyeskro Voudar kras o Shalloum, koleskro dad o Kol-Hose his. O Shalloum his o pralstouno pral o them troul o foro Mispa. Yob kras ko Djido Panyeskro Voudar oun čivas i dacha pre, oun kol douy voudya dren, ninna i kashtengre oun i saster, hoy i voudya pandenna. Oun yob čivas i massouri pale pre pash ko tikno pani Shelah, hoy pash o baro rayeskri baar his, bis pash o barrengro drom, hoy djal tele dran o Davideskro foro.

Debleskri gili 46:4

ninna te vals o baro pani divyo oun rhoyedo, oun djals savi zoryah pre, te perenn i berge khetne.

Jesaja 1:20

Kamenn t'mer gar te shounell, oun pandenn t'mare djia glan mande, palle venn o rhareha moulo dino. Kova penau me, o baro Devel!”

Jesaja 28:2

O baro Devel bičrell yekes, koles boud zoor oun penepaske hi. Oun kova vell har i baro divyo phourdepen, kay brishineskre barra dren hi, oun hoy lauter paash dell. Yob vitsrell halauter tel peste an i čik, yaake har i baro brishin, hoy lauter tel pani tassell.

Jesaja 30:12

Doleske penell o Israeleskro Devel, kay kokres o čačo Devel hi: T'mer kamenn či kolestar te djinell, hoy penom. Oun rikrenn t'men ap kolende, kay rikrenn i vavaren tele, oun kamenn rhorhepah doureder te vell.

Jesaja 5:24

Doleske merenn le tele har o zenlepen, koleskre draba nasselo hi, oun koleskri blouma tele perell, oun har o khass, pral koleste i yag djal oun les pre rhačrell. Yon kaman gar te djal o drom o baro Deblestar, kay hi o ray pral o bolepen oun i phoub. Oun i labendar lengro lačo Deblestar kaman le či te djinell.

Jesaja 7:4

Oun pen ap leste: “De yak! Ač pokones! Ab zorelo oun ma traash glan kol douyende, o Rezin, ko Syrari, oun o Peka, koleskro dad o Remalya hi. Ninna te hi le rhoyedo, hi le či vavar har tele rhačedo kasht, kay gomme yagakro dourho pre djal.

Jesaja 7:6

Mer kamah pral te djal an o them Youda, oun i menshenge koy daar te krell, oun lengro them dren te lell. Oun o Tabealeskro čaves čivah pral lende, te vell lo lengro baro ray.

Jesaja 8:5

Oun o baro Devel rakras pale ap mande oun penas:

Jeremia 18:14

Te dell gib ap i berga Libanon, ačell o gib i raheder tsiro čiddo, oun ko brishineskro pani nashell gar yaake sik krik,

Jeremia 2:13

Mire menshe kran čomone, hoy douy kope čilačo hi: Man, ko djido pani moukan yon, oun hadan penge panyeskre rhebya vin, kay paash hi, oun nay rikrenn kek pani.

Jeremia 2:18

Hoy hi tout kolestar, te djah an o them Egiptia, oun kameh koy dran o pani Nil te piyell? Oun hoy hi tout kolestar, te djah tou an o them Assour oun kameh dran o pani Eufrat te piyell?

Louka 13:4

Hoy hi kol menshentsa, kay ko baro kheer an o gab Siloah ap lende peras oun yon meran? Hi kol menshe čilačeder har kol vavar an o foro Yerusalem, kay koy djivan?

Johanni 9:7

Oun yob penas ap leste: “Dja pash ko pani Siloam, oun thob tout koy!” Siloam kharella: O Devel bičras man. Koy djas yob oun thovas pes kote. Har yob pale vas, dikas lo nay.