Jesaja 8:18 - O Debleskro Lab 2024 (Sinte-Manouche)

¹⁸ Me oun kol čaven, kay o baro Devel man das, ham har i sikepen, hoy sikrell, hoy kamell o baro Devel te krell an Israel, yob, ko ray pral o bolepen oun i phoub, kay hi khere ap i berga Sion.

O Debleskro Drom 2021 (Sinte)

¹⁸ Me un kol tchawen, kai o baro Dewel man das, ham har i sikepen, hoi sikrell, hoi kamell o baro Dewel te krell an Israel, job, ko rai pral o bolepen un i phub, kai hi khere ap i berga Zion.

Jesaja 8:18 Iomraidhean Croise

1. Mose 33:5

Oun o Esau dikas pre oun dikas i djouvyen i čaventsa oun poučas lestar: “Koon hi kolla, kay pash toute hi?” Penas o Yakob: “Miro Ray, kalla hi mire čave. O Devel his mange yaake lačo, kay das lo man kal čave.”

1. Familjakro liil 23:25

Kolestar penas o David: O baro Devel, kay o Israeleskro Devel hi, das peskre menshen i them, kay le khere hi. Oun yob kamell hako tsiro an o foro Yerusalem te djivell.

Debleskri gili 22:30

Ninna i bravele ap kay phoub, kolen hako tsiro boudeder hi har doha rhapaske, hounte vitsrenn pen tele glan leste. Ninna hakeno, kay meras oun pale čik vas, hounte perell ap i čanga glan leste.

Debleskri gili 71:7

Ninna te patsenn boud, kay praasal tou man, hal tou mange har i zorelo kheer, kay nay khatrau man.

Debleskri gili 9:11

Doleske rikrenn kolla ap toute, kay tiro lab prindjrenna. Koon tout, o baro Debles, rodella, koles moukeh tou gar kokres.

Debleskri gili 9:12

Givenn o baro Debleske, kay ap i berga Sion khere hi! Penenn i menshenge an vavar themma, hoy yob lauter kras!

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 14:32

Hoy hounte penas kolenge, kay i Filistarendar bičedo van? Penenn lenge: O baro Devel čivas o foro Sion zoreles pre. Oun kate nay khatrenn pen peskre čorvele menshe kek daryah.

Jesaja 20:3

Palle penas o baro Devel: Yaake har miro boudepaskro, o Yesaya, triin bersha nanges oun pirkenes trouyel nashas, te sikrell lo, hoy pral i themma Egiptia oun Etiopia vella,

Jesaja 24:23

Oun o čon vell lolo i ladjatar, oun o kham ladjell pes oun khatrell pes. O baro Devel, ko ray pral o bolepen oun i phoub, vell o baro ray ap i berga Sion an o foro Yerusalem. Oun i phoureder dikenn leskro raylepen.

Jesaja 53:10

O baro Devel kamas kova yaake, te vas lo phagedo. Yob moukas ap leste douka te vell. Pal kova, kay das lo peskro djipen i doshake i menshendar, dikell lo čaven, kay lestar venna, oun djivell i lengsto djipen. Oun kova, hoy o baro Devel peske glan las, vell lestar kerdo.

Jesaja 7:16

Glan te vas ko tsiro, kay djinell lo kova, vell ko them mouklo čiddo, glan koleskre douy bare rayende tout savi bari daar hi.

Jesaja 7:3

Oun o baro Devel penas ap o Yesaya: Dja vin, dja pash o Ahas, tou oun tiro čavo Shear-Yashoub. Tou hatseh les kote, kay o panyeskro drom gar doureder djal, pash ko pralstouno pani, ap ko drom pash koy platsa, kay kolla boudrenn, kay plarhte krenna.

Jesaja 8:3

Oun me djom pash miri romyate dren. Yoy his i Debleskri rakepaskretsa. Oun yoy vas vavarčandes oun anas i morsh čaves ap i phoub. Oun o baro Devel penas ap mande: “De les o lab Sik-randedo oun sik-čoredo!

Jeremia 44:29

Oun kava hi ko sikepen, penell o baro Devel: Me kamau t'men kate t'mari phagi te dell, te djinenn t'mer halauter, kay miro rakepen čačo vella, te vell koy bibarht pral t'mende.

Ezekiel 12:6

Glan lengre yaka le halauter ap tiri phik! Oun har tamlo vas, dja vin! Oun čip i diklo troul tire yaka, yaake te dikess gar o them, hoy moukeh. Kamau, te vess i sikepen i Israelenge, hoy sikrell lende, har dau len trad.

Ezekiel 14:8

Me dikau čilačes ap leste. Oun ap leste dikenn i menshe, hoy saveha djal, kay savo koova krell, oun yon rakrenn lestar i rah tsiro. Me krau les pale-čiddo hako tsireske, te nay djivell lo bouder gar mank mire menshende. Yaake dikenn oun hayvenn t'mer, te hom me o baro Devel.

Ezekiel 4:3

Oun le touke i bobeskro saster, oun čip les pre mank toute oun o foro, har te vals lo i massouri! Oun palle dik ap o foro, oun kre yaake, har te pandals les dren. Kova hi i sikepen i Israelenge, hoy sikrell lende, hoy pral lende vella.

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

Zakarie 8:3

Me vau pale ap i berga Sion oun djivau mashkral an o foro Yerusalem. Palle kharell pes Yerusalem foro, kay rikrenn pen i menshe ap o baro Debleste. Oun i berga Sion, kay djivau me, o baro Devel, ko ray pral o bolepen oun i phoub, kay berga kharell Debleskri berga.”

Louka 2:18

Oun lauter kran bare yaka, har yon shounan, hoy i bakrengre lenge penan.

Louka 2:34

Oun o Simeon rakras o Debleskri barht pral lende vin oun penas ap i Mariate: “Pral kava čaveste rhoyrenn pen boud menshe an o them Israel. Ap leste sikrell pes, koon djal ap o Debleskro drom, oun koon perell o Debleskro dromestar tele.

5. Mose 28:46

Hako tsiro, kay vell kay bibarht pral t'mende, vell diklo, te hi o baro Debleskro praasepen ap t'mende čiddo.

Hebrearja 10:33

Boud t'mendar van glan lauterende praasedo oun dino. I vavar t'mendar van ap i rig kolendar, kay praasedo oun dino van.

Hebrearja 12:22

Kova lauter dikan t'mer gar. Na-a. T'maro tsillo, kay venn khetne o Debleha, hi ap i berga Sion an o bolepen. Kote hi o foro o djido Deblestar tardo, o nevo foro Yerusalem. Kote hi boud boud zerya bolepangre, kay sharenn o Debles.