Jesaja 8:16 - O Debleskro Lab 2024 (Sinte-Manouche)

¹⁶ T'mer, kay shounenn ap mande, pandenn kava liil, kay činlo hi, hoy o Devel mande sikras, oun denn yak ap kol laba!

O Debleskro Drom 2021 (Sinte)

¹⁶ Tumer, kai shunenn ap mande, pandenn kau liil, kai tchinlo hi, hoi o Dewel mande sikras, un denn jak ap kol laba!

Jesaja 8:16 Iomraidhean Croise

2. Rajengro liil 11:12

Palle moukas o Yoyada o baro rayeskro čaves vin te vell, te nay dikell les hakeno, oun čivas leske koy rayeskri stadi ap o shero, oun das les ko liil, kay činlo hi, hoy te krell lo. Oun čoras djet pral leskro shero, te vell lo baro ray. Koy dan le halauter an i vasta oun dan gole: O baro ray te djivella!

Debleskri gili 25:14

O baro Devel hi o maal kolenge, kay djivenn leha, oun lende sikrell lo, te hi lo lengro Devel oun yon peskre menshe.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Jesaja 54:13

O baro Devel sikrell peskro drom tire tsele čavende, oun lenge djal mishto.

Jesaja 8:20

Rikrenn t'men ap o Debleskro drom, oun ap kova, hoy yob t'mende sikrell! Te penenn i menshe t'menge vavar koova, palle vell lenge kek momeli ap lengro drom.

Daniel 12:4

Oun tou Daniel, rike kava lab khatemen. Oun pande i dori troul kava liil oun čip tiro sikepen pre, te nay krell les kek pre, bis ko tsiro vella, kay i phoub bouder gar rah koy hi. Palle rodenn boud koy dren oun hayvenn boud oun boudeder.

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

Mateo 13:11

Penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. I vavar menshe hayvenn kova gar.

Markus 10:10

Oun khere poučan leskre mala lestar pale pral kova.

Markus 4:34

Hako kopo, kay yob lenge o Debleskro lab penas, rakras lo save labentsa, kay i khatedo čačepen dren hi. Yob te his pengre malentsa kokres, palle penas lo lenge, hoy kol laba kamenn te sikrell.

1. Korintarja 2:14

I mensho, koles o Debleskro Dourho gar hi, hayvell gar, hoy o Debleskro Dourho penella. O Debleskro koova hi leske dinlepen. Ko mensho nay dikell gar, har o Devel kova dikella.

5. Mose 4:45

Har le dran o them Egiptia vin djan, penas lo lenge kol tsele laba, hoy lende sikran, har te djivenn le, oun hoy o Devel lendar kamella, oun leskre tsele čačepaskre laba.

Hebrearja 3:5

O Mose boudras mishto o Debleskre menshenge. Kova, hoy yob kras oun penas, sikras lende, hoy o Devel kamas te krell an ko tsiro, hoy vella. Ninna te boudras o Mose mishto, his lo i Debleskro boudepaskro.

Debleskro tsiro 10:4

Har me kamom kol laba, hoy shounom, pre te činell, penas yek dran o bolepen ap mande: “Ma čin ko bolepaskro rakepen pre, te djinell les kek!”

Debleskro tsiro 19:10

Oun me vitsrom man glan leste tele, te sharap les. Oun yob penas ap mande: “Ma kre kova! Share o Debles! Me hom o Debleskro boudepaskro har tou oun tire phrala, kay sikrenn i vavar menshende o Yezouseskro drom. Kolen das o Yezous o Debleskro Dourho. Kova sikrell len, te hi le leskre menshe.”

Debleskro tsiro 2:17

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau ko maro dran o bolepen te rhal, hoy kharella Manna. Ninna dau les i parno bar. Ap koleste hi o nevo lab činlo, koles kek prindjrell, har kova, kay les lella.”

Debleskro tsiro 5:1

Oun me dikom i liil an o čačo vast kolestar, kay ap o rayeskro beshepaskro beshdo hi. Ap ko liil his dren oun vin čomone činlo. Oun ko liil his khetne pandlo efta doryentsa.

Debleskro tsiro 5:5

Oun yek kol čačepangre phourendar penas ap mande: “Ma rob! Dik, yek las i zoor o Deblestar pral o čilačepen oun o merepen, oun hi moldo, te krell lo ko liil pre, te dikell lo dren. Yob hi kova, kay kharenn le levo, kay vell dran o them Youda. Yob hi o Davideskro čavo.”