Jesaja 8:13 - O Debleskro Lab 2024 (Sinte-Manouche)

¹³ O baro Debles, ko rayes pral o bolepen oun i phoub moukenn kokres t'maro Devel te vell! Oun kolestar darenn oun trashenn!

O Debleskro Drom 2021 (Sinte)

¹³ O baro Debles, ko rajes pral o bolepen un i phub mukenn kokres tumaro Dewel te well! Un kolestar darenn un trashenn!

Jesaja 8:13 Iomraidhean Croise

1. Mose 31:53

Ko Devel, kay hi o Abrahameskro Devel oun o Nahoreskro Devel, kova mou dell koles i phagi, kay rikrell pes gar ap kova.” Yaake das pes o Yakob sovel ap ko Debleste, kay leskro dad Isaak daras lestar.

Debleskri gili 76:7

Har dal tou len trad, tou, o Yakobeskro Devel, peran i graya oun kolla, kay ap lende beshdo hi, an o sopen.

2. Mose 20:20

Koy penas o Mose: “Ma darenn! O Devel vas, te dikell lo, te krenn t'mer, hoy yob t'menge penas. Yob kamell te shounenn ap leste oun krenn kek čilačo koova.”

Jesaja 29:23

Te dikenn leskre čave ko koova, hoy mire vastentsa mashkral lende krau, palle hadenn le miro lab; yon sharenn man, o Yakobeskro Debles, kay hom kokres o čačo Devel. Oun yon mangenn man an, o Israeleskro Debles.

Jesaja 5:16

O baro Devel, ko ray pral o bolepen oun i phoub sikrell peskri zoor, oun krell, hoy čačo hi. O čačo Devel sikrell, te hi lo kokres o Devel, kay rakrell o čačepen vin.

Ezekiel 38:16

Oun tou djah ap mire menshen Israel pre, oun tire lourde čakrenn o them har i folka. An o palstouno tsiro vell kova yaake, te moukau tout pral miro them te vell, te nay dikenn i menshe an vavar themma, koon me hom. Te dikenn le hoy krau touha, Gog, hayvenn le, te hom me o Devel.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

3. Mose 22:32

Ma anenn ladj ap miro lab! T'mer, Israelitarya, hounte djinenn, te hom me kokres t'maro Devel! Me, o baro Devel, rodom t'men vin, te venn mire menshe,

Maleachi 2:5

Lentsa krom vin, te dap len djipen oun lačepen, oun yon hadan man. An kol divessa shounan le ap mande, oun len his traash mandar.

4. Mose 27:14

Kova vell doleske, kay shounan gar ap miro lab an o moulo tato them Tsin, har i Israelitarya rhoyedo his oun pal pani gole dan, oun t'mer moukan man gar te sikrap, te hom čačepah o baro oun zorelo Devel, kay nay dell len pani.” Kova his pash o foro Kadesh an o moulo tato them Tsin. Ko pani vas kharedo čingepaskro pani.

Mateo 10:28

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

Louka 12:5

Me kamau t'men te sikrell, konestar hounte čačepah trashenn: Trashenn o Deblestar, kay les i zoor hi, te vitsrell lo yekes pal o merepen an o bengeskri yag! Ava, kova penau t'menge: Kolestar trashenn!

Remarja 4:20

Yob rikras pes ap kova, hoy o Devel leske penas, oun yob patsas gar i paash djiyestar. Yaake vas leskro patsepen gomme zorleder. Oun yob sharas o Debles.

5. Mose 14:23

An ko deshto kotar tiro djobestar, tiri molyatar oun tiro djetestar glan tiro baro Debleste ap koy platsa, hoy yob peske vin rodella, te vell lo kote an-mangedo. An leske ninna kol groumya, bakre oun bouzya, kay hi o phoureder lengre dayendar. Rha kote ko rhapen oun ko mass kal firhendar. Yaake bistreh gar, te djivess tiro baro Debleha tiro tselo djipen.

Debleskro tsiro 15:4

Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.

1. Samuel 11:7

Oun yob las douy groumya oun činas len an kotya, oun bičras kol bičepangre kol kotyentsa mass an o tselo them Israel trouyel oun moukas te penell: “Koon djal gar vin an o kourepen o Sauleha oun o Samueleha, kolengre groumyenge djal yaake har kalenge!” Koy peras o baro Debleskri daar ap i tsele menshenge, oun i tsele morsha djan vin har te vans le yek morsh.