Jesaja 7:8 - O Debleskro Lab 2024 (Sinte-Manouche)

^8-9 O foro Damaskus hi o shero o themestar Syria, oun o Rezin hi o baro ray kokres pral Damaskus. Oun o foro Samaria hi o shero o themestar Efrayim, oun o Peka hi o baro ray kokres pral Samaria. Oun an 65 (shob-deesh-te-panč) bersha dell bouder kek them Efrayim. Oun te patsenn t'mer kava gar, palle ačenn t'mer gar!”

O Debleskro Drom 2021 (Sinte)

^8-9 O foro Damaskus hi o shero o themestar Syria, un o Rezin hi o baro rai kokres pral Damaskus. Un o foro Samaria hi o shero o themestar Efrajim, un o Pekach hi o baro rai kokres pral Samaria. Un an 65 (shob-deesh-te-pantch) bersha dell buder kek them Efrajim. Un te patsenn tumer kawa gar, palle atchenn tumer gar!”

Jesaja 7:8 Iomraidhean Croise

1. Mose 14:15

An i rati bičras yob peskre morshen ap douy rigya. Oun yob oun leskre morsha djan ap lende pre oun dan len, oun lan len palla bis pash ko foro Hoba, hoy ap i servi rig o forestar Damaskus čiddo hi.

2. Samuel 8:6

Oun yob čivas moskre dren an lengro them. Oun o Davides vas penepaske pral i Syrarya, oun yon hounte dan les roup oun sonakay. Yaake his o baro Devel o Davideske ap i rig, kay lo ninna djas.

Esra 4:2

Koy djan le pash o Zorobabel oun pash i familyengre pralstunende oun penan: “Mer kamah t'mentsa o Debleske i kheer te krell. Mer mangah ninna t'maro Debles an, oun maram leske firhen, yaake rah har o baro ray pral o them Assour, o Asarhaddon, men halauter kate an kava them moukas te anell.”

Jesaja 8:4

Glan te nay dell o ternepen gole tata oun mama, moukell o baro ray pral Assour o tselo bravlepen dran Damaskus oun o tselo kouč koova dran Samaria krik hidjrell.”

Jesaja 9:11

I Syrarya venna foun glan oun i Filistarya foun pal, te rhan le o Israel pre har i divyo firho, hoy peskro mouy dour pre krell. Oun pral kova lauter moukell o Debleskri bari rholi gar tele, oun leskro vast ačell pre hadedo, te dell lo len i phagi.

Jesaja 9:9

“Kol barra dran rhačedi čik peran, – kova krell či. Mer čivah mare khera zorele barrentsa pale pre. I faygetikre rouka van tele dino. Kote čivah cedertikre rouka an i phoub.”

Jeremia 49:23

Laba pral o foro Damaskus. I menshe an i forya Hamat oun Arpad shounan čilačo koova. Yon lan bari daar oun djinenn gar, hoy te krenn. I traash vell pral lende har o baro pani, hoy gar tardo ačell.

Ezekiel 27:18

Tout his boud boud koova bikepaske. Yaake ginas ninna o foro Damaskus toutar, oun das tout koleske mool dran o foro Helbon oun parno bakrengro bal dran o them Zahar,

Hosea 13:1

His i tsiro, koy trissan i menshe, te rakras o Efrayim. Yaake an-diklo his lo an o them Israel. Palle vas i tsiro, koy djas lo o Debleskro dromestar tele, oun moukas pes o debleha Baal dren. Kova his leskro merepen.