Jesaja 7:6 - O Debleskro Lab 2024 (Sinte-Manouche)

⁶ Mer kamah pral te djal an o them Youda, oun i menshenge koy daar te krell, oun lengro them dren te lell. Oun o Tabealeskro čaves čivah pral lende, te vell lo lengro baro ray.

O Debleskro Drom 2021 (Sinte)

⁶ ‘Mer kamah pral te djal an o them Juda, un i menshenge koi daar te krell, un lengro them dren te lell. Un o Tabealeskro tchawes tchiwah pral lende, te well lo lengro baro rai.’

Jesaja 7:6 Iomraidhean Croise

1. Rajengro liil 12:16

Har i tsele Israelitarya dikan, kay kamas o baro ray gar ap lende te shounell, dan le gole: “Hoy djal men o David an oun leskri familya! Hoy kran le menge? Mou dikenn le kokres pal lengro kheer! Nashas khere, mer dran Israel!” Kova penan le, oun hakeno djas pash peskro kheer.

2. Rajengro liil 11:2

Kova shounas i čay o baro rayestar Yoram. Lakro lab hi Yosheba. Oun lakro phraal his o Ahasya. Koya čoras peskro phraleskro čaves, o Yoash, mashkral dran o rayeskre čavende, kay venn marede. Oun anas les oun koy djouvel, kay das ap leste garda, an i čibyengri isema oun khatras les glan i Atalya. Oun yaake nay vas lo gar maredo.

2. Familjakro liil 13:8

Oun kanna patsenn t'mer, te han zorleder har ko them, pral koleste o baro Devel o Davideskre čaven čivas, te venn le bare raya. Boud han, ko dikau, oun pash t'mende hi t'mare sonakangre terne groumya, hoy o Yerobeam t'menge das, te venn le t'mare debla.

2. Familjakro liil 21:7

Ninna te djivas o Yoram sau čilačo djipen, kamas o baro Devel o Davideskri familya gar te marell, koleske hoy yob o Davideha vin kras. Yob penas leske, te vell yek kolendar, kay pal leste venna, baro ray hako tsireske.

2. Familjakro liil 28:5

Doleske das les leskro baro Devel an o vast o baro rayestar pral o them Syria. Kol Syrarya dan i lourden dran Youda khetne, oun lan boud lendar pandles, oun anan len an pengro foro Damaskus. Ninna i lourde dran Israel kouran pen i lourdentsa dran Youda, oun van i zorleder oun maran boud lendar.

Debleskri gili 21:11

Kek lengre čavendar ačenn djido, gar yek lendar ačell ap kay phoub.

Debleskri gili 83:3

Dik! Kolla, kay rhoyrenn pen ap toute, hi divyo. Kolla, kay kamenn touke čilačepen, hadenn pengro shero pral toute.

Gosewe laba 19:21

Boud koova hi, hoy i morsh peske glan lell an peskro dji; kokres kova vella, hoy o baro Debles glan hi yekeha.

Jesaja 7:1

Oun i kourepen vas an ko tsiro, har o baro ray pral o them Youda o Ahas his, koleskro dad o Yotam his, oun koleskro dad o Usiya his. O baro ray pral Syria, o Rezin, oun o baro ray pral Israel, o Peka, koleskro dad o Remalya his, van pash o foro Yerusalem, te kourenn le pen o foreha. Yon nay lan les gar dren.

Jesaja 7:5

Hi čačo, i Syrarya oun i Efrayimarya khetne lengro baro rayeha, o Peka, lan penge čilačepen glan khatar toute oun penan:

Jesaja 7:7

Kava penell o baro Devel, maro ray: Kova vell gar yaake oun djal lenge gar!

Jesaja 8:6

An i yaka kal menshendar hi o tikno pani Siloah či moldo, hoy nashell lokes an Yerusalem. Oun kol douy raya, o Rezin oun o Peka, venn lenge yaake zorelo glan, te trissenn le i daryatar.