Jesaja 7:23 - O Debleskro Lab 2024 (Sinte-Manouche)

²³ Oun an ko tsiro vell yaake: Kote, kay kanna i seri drakengre rouka tardo hi, hoy khetne yek zero roupene beme moldo hi, kote hi palle soubyengre bourra oun soubyengro zenlepen tardo.

O Debleskro Drom 2021 (Sinte)

²³ Un an ko tsiro well jaake: Kote, kai kanna i seri drakengre ruka tardo hi, hoi khetne jek sero rupene beme moldo hi, kote hi palle subjengre burra un subjengro senlepen tardo.

Jesaja 7:23 Iomraidhean Croise

1. Mose 3:18

Soubyengre bourra venn baro ap tiri harhetikri phoub oun tou rhah ko zenlepen, hoy vell koy pre baro.

Jesaja 32:10

An yek bersh trissenn t'mer i daryatar, t'mer, kay kanna patsenn, te djal lauter mishto t'menge. Kek molyakre drake nay anenn dren. Oun či vavar vas baro, te nay lenn les khetne oun anenn les dren.

Jesaja 5:10

Ap deesh hektarya drakengro them venn drake bares, hoy denn gar boudeder har orhta litarya mool. Oun sheel kilogramme djob, hoy vi-vitsedo van an i phoub, anenn gar boudeder har deesh kilogramme djob.

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

Jesaja 7:24

Kote djan le o bogeha oun i faylentsa, te denn le firhen karye. O tselo them hi pherdo soubyengre bourra oun soubyengro zenlepen.

Jeremia 4:26

Me dikom pal ko lačo them. Kova vas i moulo them. Oun i tsele forya his paash čiddo glan o baro Debleste oun leskri zoreli rholi.

Ezekiel 12:20

An kol forya djivell bouder kek. Oun o harhetikro them vell i moulo them. Palle dikenn oun hayvenn t'mer, te hom me o baro Devel.

Hosea 2:12

Glan lakre pirnengre yaka rivau lat nanges vin. Oun kek nay lell lat dran miro vast vin.

Hosea 9:6

Dran t'maro them, hoy paash kerdo hi, hounte djan t'menge krik. O them Egiptia lell t'men pash peste pre, oun an o foro Memfis venn t'mer paskedo. Kote, kay kanna t'maro kouč roup hi, vell soubyengro zenlepen baro, oun soubyengre bourra venn baro an t'mare khera.

Mateo 21:33

Oun o Yezous penas lenge laba, kay i khatedo čačepen dren hi: “Shounenn, hoy me t'menge kanna penau. His i ray. Koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas o ray ko kotar them ap i harhende, te boudrenn le kote leske. Oun yob djas peske an i vavar them.

Hebrearja 6:8

Yob dikell gar lačes ap koleste, te hi lo har koy vavar phoub, hoy anell soubyengre bourra, oun vavar djoungele bourra vin. Koy phoub hi či moldo, oun pal i tsiro vell li rhačedo.