Jesaja 7:2 - O Debleskro Lab 2024 (Sinte-Manouche)

² Oun har o baro rayeske pral Youda penlo vas, kay čivan i Syrarya pengre plarhtene khera pre an o Efrayimeskro them, kote trissas lo i trashatar. Oun ninna i tsele menshe an Youda trissan yaake har i rouka an i vesha trissenn, te phourdell i zorelo dourho.

O Debleskro Drom 2021 (Sinte)

² Un har o baro rajeske pral Juda penlo was, kai tchiwan i Syrarja pengre plachtene khera pre an o Efrajimeskro them, kote trissas lo i trashatar. Un ninna i tsele menshe an Juda trissan jaake har i ruka an i wesha trissenn, te phurdell i sorelo ducho.

Jesaja 7:2 Iomraidhean Croise

2. Samuel 7:16

Hako tsiro hi tout čave, kay pal toute venna, oun yek lendar hi baro ray glan mande. Oun tiro rayengri beshepaskri ačell hako tsiro.”

1. Rajengro liil 11:32

Kokres i menshen, kay venn o Yakobeskro čavestar, o Youda, oun lengro them moukau o Salomeske. Kova krau o Davideske, kay mange koy his, oun ko foreske Yerusalem, ko foro, hoy me rodom mange vin dran o tselo them Israel.

1. Rajengro liil 12:16

Har i tsele Israelitarya dikan, kay kamas o baro ray gar ap lende te shounell, dan le gole: “Hoy djal men o David an oun leskri familya! Hoy kran le menge? Mou dikenn le kokres pal lengro kheer! Nashas khere, mer dran Israel!” Kova penan le, oun hakeno djas pash peskro kheer.

1. Rajengro liil 13:2

Oun yaake har o baro Devel leske penas, das o Debleskro morsh gole: “Rhačepaskri! Rhačepaskri! Shoun, hoy o baro Devel penell! I čavo vell boldo an o Davideskri familya. Leskro lab hi Yosia. Kova marell ap toute kol rashayen, kay rhačrenn soungepaskro koova ap toute i moule deblenge. Oun menshengre kokale venn rhačedo ap toute.”

2. Familjakro liil 25:10

Kote penas o Amazya kol lourdenge, kay van dran o them Efrayim pash leste, te djan le pale khere. Har yon kova shounan, van le rhoyedo ap i menshende dran Youda. Oun yon djan penge pale khere i bari rholyah.

2. Familjakro liil 28:12

Ninna star morsha dran o them Efrayim, kay his pralstoune pral bare familye, kolla stakran kol lourdenge an o drom, kay dran o kourepen van. Kal star his: o Asarya, koleskro dad o Yohanan his, o Berekia, koleskro dad o Meshillemot his, o Yehiskia, koleskro dad o Shalloum his, oun o Amasa, koleskro dad o Hadlay his.

Debleskri gili 11:1

I gili o rayeske pral i gipangre. O David kras kay gili. Me čivau miro tselo patsepen ap o baro Debleste. Har nay penenn t'mer palle ap mande: “Naash har i čirklo an i berge!

Gosewe laba 28:1

O čilačo hi ap o naashepen, ninna te lell les kek palla. Kova, kay an o čačepen tardo hi, hi har i terno levo oun darell či.

Jesaja 11:13

Palle zilverenn i menshe an Efrayim bouder gar ap kolende an Youda. Oun kolla dran Youda krenn kolenge dran Efrayim bouder kek čilačepen.

Jesaja 22:22

Oun me dau les o klido o voudareske an o Davideskro kheer. Hoy krell yob pre, nay pandell kek tele. Hoy pandell yob tele, nay krell kek pre.

Jesaja 37:27

Oun kolla kay kote djivan, pengri zoor yon nashran, oun toutar trashan oun palle meran. Lenge djas har o zenlepen, hoy dran i trouk phoub vas, oun har o khass ap o kheer, hoy tele meras, oun gar baro vas.

Jesaja 37:35

Oun me rikrau mire vasta pral kava foro, oun me lau les vin dran i čilače vasta. Kova krau me mange kokres, oun o Davideske, kay miro boudepaskro his.

Jesaja 6:13

Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.

Jesaja 7:13

Kote pre penas o Yesaya: “Shounenn, t'mer, kay venna o Davideskre čavendar! Hi t'menge gar doha, te krenn menshen khino? Krenn kanna ninna miro Debles khino?

Jesaja 7:17

Oun pral toute oun tire menshende oun i menshende an tiro them anell o baro Devel save divessa, har yon gar van, yaake rah har dran o them Israel douy themma van: o Israel oun o Youda. Kol divessa venna o baro rayeha pral o them Assour.”

Jesaja 7:5

Hi čačo, i Syrarya oun i Efrayimarya khetne lengro baro rayeha, o Peka, lan penge čilačepen glan khatar toute oun penan:

Jesaja 8:12

Tou oun kolla, kay ap toute shounenn, ma krenn har kal menshe, kay patsenn, kay lauter phoukepaskro koova hi. Oun ma darenn kolestar, hoy yon darenn! Moukenn t'men koy daryatar gar te taprell!

Jesaja 9:9

“Kol barra dran rhačedi čik peran, – kova krell či. Mer čivah mare khera zorele barrentsa pale pre. I faygetikre rouka van tele dino. Kote čivah cedertikre rouka an i phoub.”

Jeremia 21:12

T'mer dran o Davideskri familya! Kova penell o baro Devel: Hako dives, te rakrenn o čačepen vin, denn yak, te lell hakeno peskro čačepen! Oun lenn kolen, kay van tele rikedo, dran kol čilačengre vasta vin! Te krenn kova gar, vell miri rholi pral t'mende, har i yag, kay nay krell kek vin. T'mer kran yaake boud čilačepen!

Hosea 12:1

O baro Devel penell: O rhorheno rakepen i menshendar an o them Efrayim hi troul mande. O kheer Israel rhorhell man vavar deblentsa. Ninna i menshe an o them Youda rikrenn pen gar ap mande, ko čačo Debleste, kay rikrell peskro lab.

Mateo 2:3

Har o baro ray Herodes kova shounas, trashas lo. Oun ninna boud menshe an o foro Yerusalem trashan leha khetne.