Jesaja 7:19 - O Debleskro Lab 2024 (Sinte-Manouche)

¹⁹ Oun yon lauter beshenn pen ap hake platse – an i telstouni tala oun mank i bare barra, an i bourra oun ap o zenlepen.

O Debleskro Drom 2021 (Sinte)

¹⁹ Un jon lauter beshenn pen ap hake platse – an i telstuni tala un mank i bare barra, an i burra un ap o senlepen.

Jesaja 7:19 Iomraidhean Croise

2. Familjakro liil 33:11

Doleske moukas o baro Devel i pralstunen pengre lourdentsa dran o them Assour pral lende te vell; kolla tapran o Manasse i sasteha oun pandan les shellentsa dran lolo saster, oun anan les an o them Babilonia.

Jesaja 2:19

Ap ko dives, kay o baro Devel pre stell, te anell lo i traash pral i phoub, khatrenn pen i menshe an i grotte, mank i bare barra oun an i phoub, i daryatar o baro Debleskri rholyatar oun glan leskro raylo barepen.

Jesaja 2:21

Oun yon khatrenn pen mank i bare barra oun an i barrengre grotte i daryatar o baro Deblestar oun leskro raylo barepen, te stell lo pre, te anell lo i traash pral i phoub.

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

Jesaja 55:13

Kote, kay soubyengre bourra oun soubyengro zenlepen bares van, djan kanna bare zenele rouka pre. Doleske vell o baro Debleskro lab sharedo. Oun kova hi ninna i sikepen, te bistrell kek, te his o baro Devel kova, kay sau koova kras.

Jesaja 7:24

Kote djan le o bogeha oun i faylentsa, te denn le firhen karye. O tselo them hi pherdo soubyengre bourra oun soubyengro zenlepen.

Jesaja 7:25

Ninna koy phoub, hoy kanna i harhetikri phoub hi, vell yaake pherde soubyengre bourra oun soubyengro zenlepen, te darenn i menshe, te djan le koy. Oun yon tradenn i groumya koy, oun i bakre stakrenn lauter khetne.

Jeremia 16:16

Me kamau boud mačepangren vin bičrell. Kolla hounte mačrenn len. Pal kova bičrau boud yegaryen vin, te taprenn yon len, kay yon ninna hi: ap haki bari oun tikni berga, oun mank kol bare barra, kay khatran le pen.

Micha 7:17

Yon hounte čivenn pen ap i phoub pengre mouyentsa an i čik har i sapa oun i kirme. Oun trisslepah venn le vin dran pengre zorele khera, oun venn glan toute, maro baro Debleste, bari daryah.

Zakarie 10:8

Me kamau mire menshen gole te dell, ava, khetne gole te dell, te lap len vin kotar, kay le pandle hi. Yon te venn yaake boud har an o phouro tsiro.

Mateo 7:16

Ap kova, hoy yon krenna, dikenn t'mer, har yon hi. Ap i soubyengro rouk venna kek drake baro. Vitar gar venna fayge baro ap soubyengre bourra.