Jesaja 7:18 - O Debleskro Lab 2024 (Sinte-Manouche)

¹⁸ An ko tsiro phourdell o baro Devel an i tikni phourdepaskri: Oun lourde venna dran o them Egiptia har matsille, oun dran o them Assour har bine.

O Debleskro Drom 2021 (Sinte)

¹⁸ An ko tsiro phurdell o baro Dewel an i tikni phurdepaskri: Un lurde wenna dran o them Egiptia har matsille, un dran o them Assur har biene.

Jesaja 7:18 Iomraidhean Croise

Debleskri gili 105:31

Yob penas, te venn matsille, hoy čourye denn, oun boud matsille van an o tselo them.

Debleskri gili 118:12

Yon peran ap mande pre har i bine. An i zoor o baro Deblestar nay tradom len pale. Har i yag sik vin djal, hoy an i soubyengre bourra rhačell, yaake sik his le krik.

2. Mose 8:21

Kote moukas o Farao o Moses oun o Arones gole te dell oun penas ap lende: “Djan oun marenn kate an o them firhen t'maro Debleske!”

2. Mose 8:24

Kote penas o Farao: “Me moukau t'men te djal, te nay marenn firhen leske an o moulo tato them. Ma djan yaake dour krik! Oun mangenn t'maro Debles mange!”

Jesaja 13:5

Dran dour themma venn le koy, i palstouni rigyatar i phoubyatar. O baro Devel vell kolentsa, kay leskri rholi pral o tselo them anenna, te krenn le halauter paash.

Jesaja 31:1

Djungeles djal kolenge, kay djan tele pash i Egiptaryen, te mangenn le lendar, te venn yon lenge ap i rig; oun patsenn, kay kolengre graya oun boud kourepaskre vourdya oun kol zorele klissepangre len vin lenn dran i čilače vasta. Oun ap o Israeleskro Debleste, kay kokres o Devel hi, dikenn le gar. Ava, pal o baro Debleste poučenn le gar!

Jesaja 5:26

Oun yob bičrell i sikepen i menshenge an i them, hoy dour krik hi. Oun yob sholell, te venn le dran o palstouno i phoubyatar. Dik, kote venn le – yaake sik har djala!

Jesaja 7:17

Oun pral toute oun tire menshende oun i menshende an tiro them anell o baro Devel save divessa, har yon gar van, yaake rah har dran o them Israel douy themma van: o Israel oun o Youda. Kol divessa venna o baro rayeha pral o them Assour.”

Zakarie 10:8

Me kamau mire menshen gole te dell, ava, khetne gole te dell, te lap len vin kotar, kay le pandle hi. Yon te venn yaake boud har an o phouro tsiro.

5. Mose 1:44

Oun i Amorarya, kay kote djivan, van vin oun djan ap t'mende pre, oun tradan t'men an o them Seir, har bine yekes palla lenn. Oun dan t'men pash o foro Horma.

5. Mose 28:49

Menshen dran i dour them, foun i vavar rig i phoubyatar, anell lo pral t'mende. Sik har i baro čirklo venn le pral t'mende. Lengro rakepen hayvenn t'mer gar.

5. Mose 7:20

Kote pashel bičrell t'maro baro Devel bari bibarht oun daar ap lende bis te kolla, hoy pral ačenn oun pen glan t'mende khatrenn, ninna maredo van.

Josua 24:12

Me krom, te lan le bari traash t'mendar. Yaake tradom len glan t'mende vin, har tradom glan kova ninna kol douy rayen pral i Amoraryen glan t'mende vin. T'mare rhare oun boge kran kova gar.