Jesaja 64:5 - O Debleskro Lab 2024 (Sinte-Manouche)

⁵ Kanna vam halauter glan toute har yek, kay pale-čiddo hi. Ninna o čačo koova, hoy kram, hi har i ratli baya ap mende. Mer halauter vam har moule patria. Mari doosh hidjrell men krik, har i dourho moule patria krik phourdell.

O Debleskro Drom 2021 (Sinte)

⁵ Kanna wam halauter glan tute har jek, kai pale-tchiddo hi. Ninna o tchatcho koowa, hoi kram, hi har i ratli baja ap mende. Mer halauter wam har mule patria. Mari doosh hidjrell men krik, har i ducho mule patria krik phurdell.

Jesaja 64:5 Iomraidhean Croise

Debleskri gili 103:17

O lačepen o baro Deblestar hi gar yaake. Kova ačella hako tsireske. An kek tsiro lell lo les krik kolendar, kay djivenn leha. Ninna lengre čavenge oun kolengre čavenge rikrell yob peskro lab,

Debleskri gili 112:1

Sharedo vell o baro Devel! Barhtelo hi kova, kay djivell o baro Debleha, oun rikrell pes o tselo djiyestar ap leskre laba.

Debleskri gili 25:10

I tsele dromma hi lačo oun čačo, kay o baro Devel kolen anell, kay rikrenn pen ap leskre laba oun krenn, hoy yob lenge penell.

Debleskri gili 37:4

Rode tiri barht pash o baro Debleste, palle dell yob tout lauter, hoy tiro dji kamella.

2. Mose 20:24

Hi mange doha, te krenn mange i rhačepaskri dran phoub! Koy pre anenn mange kol marede bakren oun groumyen, hoy rhačrenn tseles mange, ninna kolen, hoy mange marenn, te rhan t'mer lengro mass khetne glan mande. Kote, kay kamau, te mangenn man an, kote vau me pash t'mende oun dau t'men miri barht oun miri zoor.

2. Mose 25:22

Kote kamau pash toute te vell. Mashkral kol douy bolepangre, hoy ap o morhton hi, kay i deesh laba dren hi, kotar rakrau touha oun penau touke lauter, hoy i Israelitarya hounte krenn.

2. Mose 30:6

Čip o sonakaskro bob glan o voudar dran o kouč kotar than. Pal ko voudar hi o morhton, kay o Debleskre deesh laba dren hi, oun kay o pralstouno kotar pre hi, hoy sikrella, kay o Devel peskre menshenge lačo hi.

Jesaja 1:30

Oun t'mer kokres venn har i rouk, koleskre patria bouder gar zenelo hi, oun har i baar, an kolate kek pani bouder hi.

Jesaja 12:1

I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Jesaja 26:13

Baro Devel, maro ray, pral mende his gomme vavar i raya. Tout kokres sharah mer.

Jesaja 27:8

Na-a, yob das len lengri phagi, har yob len pestar krik bičras. Dran lengro them van le krik tradedo har i zorelo dourheha, hoy kotar phourdell, kay o kham pre djal.

Jesaja 63:10

Ninna te his lo lenge yaake lačes, kaman le gar ap leste te shounell, oun doukran les an leskro dji. Kote vas lo rhoyedo ap lende, oun kouras pes lentsa.

Jesaja 63:7

Me kamau te rakrap pral o Debleskro lačepen, ko baro koova, hoy o baro Devel halauter menge kras, oun ko tselo lačo koova, hoy moukas lo ap o kheer Israel te vell. Les hi lenge i baro dji oun hi lenge yaake lačes.

Daniel 9:5

Mer anam bari doosh ap mende, kram, hoy gar mishto hi, ačam gar touha oun moukam tiro drom. Mer djivam gar pal tire laba oun pal tiro čačepen.

Hosea 11:8

Har nay moukaus me toutar, Efrayim, har nay daus tout an o vast kolendar, kay marenn tout, Israel? Kraus me touha, har krom kol foryentsa Adma oun Seboyim? Na-a, kova phagals miro dji! Tou khayteh man yaake!

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.

Zakarie 3:3

O Yeshoua his koy tardo, an-rido an čikle koola.

Maleachi 3:6

Me, o baro Devel, ačau har hom. Oun t'mer, o Yakobeskre čave, ačan ninna har hans:

Hebrearja 4:16

Dran kova vas mer glan maro lačo Debleste. Koles hi i baro dji menge, te dell lo men peskri zoor ap ko tsiro, kay hounte las mer leskri zoor.