Jesaja 64:1 - O Debleskro Lab 2024 (Sinte-Manouche)

¹ Ab har i yag, hoy rhačrell trouk kasht, oun moukell o pani an i piri te kerell! Sike koon tou hal mank kolende, kay kamenn tout gar, te trissenn i menshe dran vavar themma glan toute,

O Debleskro Drom 2021 (Sinte)

¹ Ab har i jag, hoi chatchrell truk kasht, un mukell o pani an i piri te kerell! Sike koon tu hal mank kolende, kai kamenn tut gar, te trissenn i menshe dran wawar themma glan tute,

Jesaja 64:1 Iomraidhean Croise

Debleskri gili 46:6

O Devel hi mashkral leste, doleske perell o foro gar khetne. O Devel vell ap leskri rig sik taysarlakro.

Debleskri gili 68:8

Maro Devel, har djal tou glan tire menshende, oun anal len ap o drom mashkral o moulo tato them,

Debleskri gili 79:10

Hoske nay penenn i vavar menshe: Kay hi t'maro Devel? Mouk men te dikell, har tou len khetne stakreh koleske, kay maran le tire boudepangre!

2. Mose 19:11

Yaake te venn le djoudjes mange koy tardo o triinto dives. Ap o triinto dives vau me, o baro Devel, glan i tsele menshende tele ap i berga Sinay.

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

Jesaja 41:15

Yaake har dell i harho o djob vin peskro činepaskro vourdineha, yaake krau toutar i nevo činepaskro vourdin, koles sasterne danda hi har čourya, te dess i berge khetne, te venn le čik, oun i tikne berge har phouss, hoy i dourho krik phourdell.

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jesaja 63:19

Oun mer vam har save, pral kolende tou an kek tsiro o ray hals, oun pral kolende tiro lab gar vin gole dino vas.

Amos 9:13

Shounenn, penell o baro Devel, o tsiro vella, kay vell o djob yaake sik bares, te venn i činepangre khetne kolentsa, kay i phoub trouyel vitsrenn. Oun yaake boud drake hi koy, te hi gomme gar i mool kerdo i tsele drakendar, har ko tsiro vell, kay nevo djob vin vitsedo vell. Dell yaake boud drake, te nashell o mool i bare oun tikne berge tele.

Amos 9:5

O baro Devel, ko ray pral o bolepen oun i phoub hi kova, kay taprell i phoub, te trissell li, oun hadell pes oun djal pale tele har o lengsto pani Nil an Egiptia. Oun i menshe rovenn pral kolende, kay meran.

Zakarie 14:4

Yob hi tardo ap o djeteskri berga, hoy glan o foro Yerusalem čiddo hi, kote kay o kham pre djala. Oun koy berga phagell mashkral an douy kotya, foun kotar kay o kham pre djal bis kote, kay o kham tele djal. Yek kotar djal ap i servi rig, o vavar kotar ap i čači rig. Oun mank kol douy berge hi i bourhli tala.

Markus 1:10

Oun har o Yezous pes dran o pani hadas, dikas lo, kay djas o bolepen pre, oun o Debleskro Dourho vas har i parno čirklo ap leste tele.

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.