Jesaja 6:8 - O Debleskro Lab 2024 (Sinte-Manouche)

⁸ Oun me shounom, har o baro Devel, maro ray poučas: “Kones bičrap, oun koon rakrell mange?” Kote penom me: “Kate hom, biče man!”

O Debleskro Drom 2021 (Sinte)

⁸ Un me shunom, har o baro Dewel, maro rai putchas: “Kones bitchrap, un koon rakrell mange?” Kote penom me: “Kate hom, bitche man!”

Jesaja 6:8 Iomraidhean Croise

1. Mose 1:26

Oun o Devel penas: “Kanna krah menshen. Yon venn yaake har mer. Yon hi ray pral i mačende an o baro pani oun pral i čirklende an o bolepen, pral i divye firhende oun pral kolende, kay gar divye hi, ninna pral i tikne firhende, hoy djan pral i phoub.”

1. Mose 11:7

Avenn, djas tele pash lende oun das hakenes i vavar rakepen, yaake, kay yek i vavares bouder gar hayvella.”

1. Mose 22:1

Pal kava koova kamas o Devel te dikell, te shounell o Abraham ap leste o tselo djiyeha, oun penas ap leste: “Abraham!” Oun yob penas: “Kate hom.”

1. Mose 22:11

Koy das o baro Debleskro bolepaskro dran o bolepen gole: “Abraham, Abraham!” Penas yob: “Kate hom!”

1. Mose 3:22

Oun o baro Devel, maro ray, penas: “Dikenn, o mensho vas yaake har mer: Yob djinell, hoy hi lačo oun hoy hi čilačo. Kanna hi gar mishto, te rhal lo ninna ko roukestar, hoy della o djipen. Palle djivell yob hako tsireske.”

2. Samuel 1:7

Yob rissras pes trouyel, oun dikas man, oun das man gole. Koy penom: Kate hom!

1. Rajengro liil 22:20

Oun o baro Devel penas: Koon nay krell, te patsell o Ahab o rhorhepen, oun djal an o kourepen o foreha Ramot an o them Gilead, oun merell kote? Oun ko yek penas yaake, ko vavar penas yaake.

Jesaja 65:1

O baro Devel penell: Me homs koy, te rodenn le man. Oun yon poučan gar pal mande. Me homs koy, te hatsenn le man. Oun yon rodan man gar. Me penom: Kate hom! Kate hom! ap menshende, kay man gar an-gole dan.

Ezekiel 1:24

Har djan le, dan lengre čirklengre moussya yaake bari gole, har i zorele panya gole denn. Koy gole his har i gole o zorelo Deblestar, oun har koy gole kote, kay boud menshe khetne hi, oun har koy gole, hoy boud lourde denn, kay djan an o kourepen. Oun te ačan i bolepangre tardo, palle moukan le pengre čirklengre moussya tele te djal. Oun me shounom i bari gole, hoy vas dran o bolepen pral lende.

Ezekiel 10:5

Oun kol čirklengre moussya foun kol bolepangre kran yaake bari gole, har te rakrell o zorelo Devel. Oun me shounom lat ninna an koy bari glanstouni platsa.

Ezekiel 9:1

Oun me shounom, har das o baro Devel zoreles gole, oun penas: Mou venn le, kolla, kay denn o foro peskri phagi! Hakeno lendar te lell peskro kourepaskro kasht an o vast!

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 22:21

O ray Yezous penas ap mande: Dja dran o foro Yerusalem vin! Me bičrau tout an i vavar themma pash kolende, kay kek bibolde hi.

Bičepangre 26:19

Doleske krom kova, baro Agrippa, hoy ko rakepen dran o bolepen mange penas.

Bičepangre 9:4

Oun yob peras ap i phoub oun shounas i rakepen. Kova penas ap leste: “Saulo, Saulo, hoske leh tou man palla?”

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

1. Samuel 3:4

Kote das o baro Devel o Samueles gole. Oun kova penas: “Ake hom!”