Jesaja 6:5 - O Debleskro Lab 2024 (Sinte-Manouche)

⁵ Oun me penom: “Kanna hounte merap! Me hom i morsh, dran koleskro mouy savo rakepen djas, te nay vau me gar glan o Debleste. Oun me djivau mank menshende, dran kolengre mouya ninna savo rakepen djal. Oun mire yakentsa dikom o baro rayes, les, o baro Debles, kay hi o ray pral o bolepen oun i phoub.”

O Debleskro Drom 2021 (Sinte)

⁵ Un me penom: “Kanna hunte merap! Me hom i mursh, dran koleskro mui sawo rakepen djas, te nai wau me gar glan o Debleste. Un me djiwau mank menshende, dran kolengre muja ninna sawo rakepen djal. Un mire jakentsa dikom o baro rajes, les, o baro Debles, kai hi o rai pral o bolepen un i phub.”

Jesaja 6:5 Iomraidhean Croise

1. Mose 32:31

Oun o Yakob das koy platsa ko lab Penouel. Yob penas: “Me dikom o Debles an i yaka. Oun me merom gar.”

Debleskri gili 24:10

Koon hi kava baro ray, kones o tselo raylepen hi? Kova hi o baro Devel, ko ray pral o bolepen oun i phoub. Yob hi o baro ray, kones o tselo raylepen hi.

2. Mose 24:10

Oun yon dikan o Israeleskro Debles. Oun tel leskre herya his čomone, hoy vi-dikas har kol kouč barra, hoy kharenna Safire. Oun kova his yaake djoudjo oun blaueto har o bolepen.

2. Mose 3:6

Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

2. Mose 33:20

Mire yaka oun miro mouy dikess tou gar. Kek mensho, kay dikas man, ačell djido.

2. Mose 4:10

Oun o Mose penas ap o baro Debleste: “Miro Ray, me hayvau gar mishto te rakrell, ninna kanna kay rakreh mantsa, hi mange phares te rakrap.”

2. Mose 6:12

O Mose penas ap o baro Debleste: “Dik, i Israelitarya shounan gar ap mande. Har shounell palle o Farao ap mande? Ninna hayvau gar mishto te rakrell.”

2. Mose 6:30

Oun o Mose penas ap o baro Debleste: “Tou djineh, me hayvau gar mishto te rakrell. Har shounell o Farao ap mande?”

Jesaja 24:16

Dran themma, kay dour mendar krik hi, shounah o gipen: “Sharedo vell o Devel, kay o čačepaskro hi.” Me penom mange: Mange hi ropaske! Mange hi ropaske! Har djoungelo djal mange? Phoukepangre phoukrenn, ava, phoukepangre phoukrenn, oun moukenn gar tele pengro phoukepah.

Jesaja 29:13

O baro Devel, maro ray, penas: Kal menshe sharenn man labentsa. Lengre čipya hadenn man. Lengre djia hi dour krik mandar. Te mangenn le man an, rakrenn le palla, hoy lenge glan penlo vas.

Jesaja 33:17

Tire yaka dikenn o baro rayes an peskro tselo shoukapen. Tou dikeh i bourhlo them.

Jesaja 59:3

I vavarengro rat kras t'mare vasta ratlo, oun koy doosh, hoy ap t'mende lan, kras t'mare goushte čiklo. T'maro mouy rakrell rhorhepen, oun t'mari čip čilačepen.

Jesaja 64:6

Oun koy hi kek, kay tiro lab an-gole dell, kek, kay vell pash toute, te rikrell lo pes ap toute. Čačepah, tou kameh bouder či mendar te djinell, oun moukeh men tapedo an maro čilačepen.

Jeremia 1:6

Oun me penom: Baro Devel, miro ray, me hom gar mishto doha te penap tiro lab. Me hom gar phouro doha.

Jeremia 51:57

O baro Devel penell: Me krau len mato, kol pralstunen an Babilon, kol goseve morshen, themeskre rayen, pralstoune lourden, oun kol vavar lourden an Babilon, te perenn le an i sopen, kolestar yon bouder gar pre stenn. Kova penell o baro ray, koleskro lab hi: baro Devel, ko ray pral o bolepen oun i phoub.

Ezekiel 12:2

Tou, mensho, djiveh mank save menshende, kay moukenn pen či te penell. Kolen hi yaka, te dikenn le, oun kamenn či te dikell. Oun len hi kanda, te shounenn le, oun kamenn gar te shounell. Yon moukenn pen či te penell.

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Daniel 9:20

Oun har me yaake miro baro Debleha rakrom, oun man tele mangom, oun leske miri doosh oun i doosh mire menshendar Israel penom, oun me glan leste troul o Debleskri berga rovom,

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

4. Mose 17:12

Oun o Aron kras yaake, har o Mose leske penas, oun nashas mashkral i tsele menshende oun dikas, kay boud menshe moulo his. Koy rhačras yob soungepaskro koova, te dikell o Devel bouder gar ap i menshengri doosh.

Čačepangre 13:22

Oun o Manoa penas ap peskri romni: “Kanna hounte meras! Mer dikam o Debles!”

Čačepangre 6:22

Har o Gideon dikas, te his kova o baro Debleskro bolepaskro, penas lo: “Ray, baro Devel, kanna hounte merap. Čačepah dikom o baro Debleskro bolepaskres an i yaka.”