Jesaja 6:4 - O Debleskro Lab 2024 (Sinte-Manouche)

⁴ Koy gole lendar moukas i telstoune barra o kherestar te trissell. Oun o kheer his pherdo yagakro dourho.

O Debleskro Drom 2021 (Sinte)

⁴ Koi gole lendar mukas i telstune barra o kherestar te trissell. Un o kheer his pherdo jagakro ducho.

Jesaja 6:4 Iomraidhean Croise

Debleskri gili 18:8

Koy trissas i phoub, pral oun tele djan i berge o Debleskri bari rholyatar.

2. Mose 40:34

Koy vas i folka ap o Debleskro plarhteno kheer. Oun o kheer vas pherdo raylepen o baro Deblestar.

Ezekiel 1:24

Har djan le, dan lengre čirklengre moussya yaake bari gole, har i zorele panya gole denn. Koy gole his har i gole o zorelo Deblestar, oun har koy gole kote, kay boud menshe khetne hi, oun har koy gole, hoy boud lourde denn, kay djan an o kourepen. Oun te ačan i bolepangre tardo, palle moukan le pengre čirklengre moussya tele te djal. Oun me shounom i bari gole, hoy vas dran o bolepen pral lende.

Ezekiel 10:5

Oun kol čirklengre moussya foun kol bolepangre kran yaake bari gole, har te rakrell o zorelo Devel. Oun me shounom lat ninna an koy bari glanstouni platsa.

Ezekiel 41:16

his dren i kashteha čakedo foun i phoub bis pre pash i tikne vorhya. Oun troul i vorhya djan triin shoukar sane kashta trouyel.

Ezekiel 44:4

Oun o morsh anas man pash o voudar, hoy ap i nordetikri rig hi, oun djas kote mantsa dren ap koy tikni glanstouni platsa glan o baro Debleskro kheer. Koy dikom, kava kheer his pherdo o baro Debleskro raylepen. Oun me moukom man ap i phoub te perell glan leste.

Amos 9:1

Me dikom o Debles, maro rayes, tardo pash i rhačepaskri an peskro kheer. Oun yob penas: De ap o pralstouno kotar kol barrendar, kay hidjrenn miro kheer! De yaake zoreles, te trissenn ninna i telstoune barra, oun o tselo kheer an kotya perella, oun mouk len te perell ap i sherya kal menshendar. Oun hoy lendar pral ačell, kamau te marell o rhareha. Kek nay nashell peske. Kek ačell djido.

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

Debleskro tsiro 15:8

Oun o Debleskro kheer his pherdo tampa, hoy vas dran o Debleskro raylepen oun zoor. Oun kek nay djas kote an o Debleskro kheer dren, bis te anan kol efta bolepangre efta kope i bari phagi pral i phoub.