Jesaja 59:2 - O Debleskro Lab 2024 (Sinte-Manouche)

² Na-a, t'mari doosh, hoy ap t'mende lan, hi tardo mank t'mende oun t'maro Debleste. Dran ko čilačepen, hoy kran, khatrell lo peskre yaka t'mendar, oun doleske shounell yob gar.

O Debleskro Drom 2021 (Sinte)

² Na-a, tumari doosh, hoi ap tumende lan, hi tardo mank tumende un tumaro Debleste. Dran ko tchilatchepen, hoi kran, khatrell lo peskre jaka tumendar, un doleske shunell job gar.

Jesaja 59:2 Iomraidhean Croise

Gosewe laba 15:29

O baro Devel hi dour krik kolendar, kay čilačo hi. Yob shounell kova, hoy kolla lestar mangenna, kay an o čačepen tardo hi.

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Jesaja 50:1

Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

Jesaja 57:17

Lengri doosh his, te lan le gar doha. Pral kova vom rhoyedo, oun koleske dom me len, khatrom man glan lende oun rhoyrom man. Oun yon djan doureder ap pengro drom oun van gar pale pash mande.

Jesaja 58:4

Ap ko dives, kay rhan mange či, čingrenn t'men oun kourenn t'men, oun denn i čilačo vasteha dren. An kava tsiro, kay rhan mange či oun krenn savo čilačo koova, nay venn t'mer gar shounlo an o bolepen.

Jeremia 5:25

T'mari doosh, hoy ap t'mende anan, oun ko čilačepen, hoy krenna, rikras ko lačepen t'mendar pale, yaake te van phare tsirya ap t'mende.

Ropaskre gilja 1:8

Yerusalem anas doosh ap peste, doleske hi kava foro har i rhačedi djouvel. Halauter, kay hadan lat an o bolepen, praasenn lat kanna. Yon dikenn, har nango yoy hi. Yoy rovella oun khatrell peskro mouy.

Ezekiel 39:29

Me čorau miro dourho vin ap o kheer Israel, oun moukau len bouder gar. Kava penell o baro Devel, maro ray.

Micha 3:4

Doleske shounell o baro Devel gar ap t'mende ap ko dives, kay denn t'mer gole ap leste. Yob sikrell t'mende o doumo ko tselo čilačepaske, hoy kran.

Josua 7:11

O Israel anas bari doosh ap peste! Yon rikran pen gar ap mire laba, hoy lenge penom, te hounte rikrenn le. Oun yon lan kolestar, hoy mange his oun čoran les oun čivan les čorrhanes pash pengro koova pashel.

1. Samuel 4:3

Oun har i lourde pale ap pengri platsa van, poučan i phoureder dran Israel: “Hoske kras o baro Devel, te dan men i Filistarya kava dives? Mer te las o morhton dran Shilo pash mende, kay o Debleskre deesh laba dren hi. Palle hi o baro Devel mashkral mende, oun lell men vin dran i vasta kolendar, kay kourenn pen mentsa.”