Jesaja 59:10 - O Debleskro Lab 2024 (Sinte-Manouche)

¹⁰ Har korele taprah pal i vanta, har save, kay dikenn gar, kay le djan. Mashkral o dives perah har te vals rati. Mank i saste ham yaake har te vams moule.

O Debleskro Drom 2021 (Sinte)

¹⁰ Har korele taprah pal i wanta, har sawe, kai dikenn gar, kai le djan. Mashkral o diwes perah har te wals rati. Mank i saste ham jaake har te wams mule.

Jesaja 59:10 Iomraidhean Croise

Hiob 5:14

Pral o dives moukell lo len an o tamlepen te nashell, oun mashkral dives dikenn le pengro drom gar, har te vals rati.

Gosewe laba 4:19

O drom kolendar, kay o čilačepen krenn, hi har i kali rat; yon nay dikenn gar, pral hoy yon perenn.

Jesaja 28:13

Doleske hayvenn le gar, hoy o baro Devel lenge penell. Leskro lab hi lenge či vavar koova har sau koova, hoy i ternepen rakrell: ba-ba-ba, ma-ma-ma. Yaake te djan le koy oun perenn, oun phagenn pen i herya, taprenn pen an i dori, oun venn pandlo.

Jesaja 8:14

Pash leste nay khatrenn t'men. Kol vavarenge an Israel oun Youda hi lo har i bar, pral koleste yon perenn, ava, har i baro zorelo bar, pral koleste yon pen rhoyrenn. Oun i menshenge an Yerusalem hi lo har khatede pandle dorya, an kolende yon perenn oun pen taprenn.

Jesaja 8:15

Oun boud lendar doukrenn pen, perenn oun phagenn pen i herya, taprenn pen an i dori, oun venn pandlo.

Jeremia 13:16

Hadenn t'maro baro Debles, yaake rah har o dives hi, oun t'men t'mare pire gar an o tamlepen ap i berge doukrenna. Ninna te lourenn t'mer ap koy momeli, anell o baro Devel tamlepen oun kali rat pral t'mende.

Ropaskre gilja 3:6

An kali rati moukell lo man te djivell, har kolla, kay meran glan i rah tsiro.

Ropaskre gilja 4:14

Yon nashran pen an i dromma har korele, oun rat his ap lengre koola, te kamas kek len an te taprell.

Ezekiel 21:15

Mishto činell lo. te marell lo boud menshen. Oun djoudjo kerdo hi lo, yaake djoudjo har i blendari. Ma penenn: “Mer nay vah barhteles. Maro ray sal pral i tsele vavar rayende.”

Amos 8:9

O baro Devel, maro ray, penell: An ko dives djal o kham tele mashkral o dives. Oun mashkral o dives vell i rati pral o them.

Micha 3:6

Doleske vell pral t'mende kali rati. T'mer dikenn bouder kek dikepen. Kek lab o Deblestar vell t'men. O kham djal tele t'menge, oun o dives hi t'menge har i rati.

Johanni 12:35

Penas o Yezous ap lende: “Koy momeli hi gar bouder rah pash t'mende. Djan t'maro drom yaake rah, har koy momeli pash t'mende hi, te vell gar i rati pral t'mende! Koon an i rati djala, djinell gar, kay yob djala.

Johanni 12:40

O Devel kras, kay dikenn yon nay gar. Oun lengro dji kras yob pandlo. Kova kras yob, te dikenn yon nay či pengre yakentsa, oun te djal či dren an lengro dji. Te nay moukenn le gar pengro čilačo drom oun venn pash o Debleste, te krell lo len sasto.

5. Mose 28:29

Ap o dives, kay o kham pralstounes tardo hi, rikrenn t'mer t'mare vasta glan t'mende, te rodenn t'maro drom, har korele, kolenge hako tsiro har i rati hi. T'men vell kek barht an t'maro djipen. Vavar menshe djan zoryah ap t'mende pre oun čorenn t'men pale te pale vin. Oun kek vell ap t'mari rig.

1. Johanni 2:11

Koon peskro phraleske čilačepen krella, kova djivell har an i kali rat, oun djal i drom, kay dikell lo nay gar. Yob djinell gar, kay yob djala. An i rat hi lo, har te vals lo korelo.