Jesaja 59:1 - O Debleskro Lab 2024 (Sinte-Manouche)

¹ Dik, o baro Debleskri moussi hi lengsto doha, te nay lell lo t'men dran o čilačepen vin! Oun leskre kanda hi gar pandlo, te nay shounell lo gar.

O Debleskro Drom 2021 (Sinte)

¹ Dik, o baro Debleskri mussi hi lengsto doha, te nai lell lo tumen dran o tchilatchepen win! Un leskre kanda hi gar pandlo, te nai shunell lo gar.

Jesaja 59:1 Iomraidhean Croise

1. Mose 18:14

Dell či, hoy o baro Devel gar hayvella. Vavar bersh an kava tsiro, vau me pale pash toute. Koy hi lat i čavo.”

Debleskri gili 94:9

Kova, kay kras o kand, nay shounell kova gar? Kova, kay kras o yak, nay dikell kova gar?

Jesaja 50:1

Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Jesaja 58:9

Palle deh tou gole, oun o baro Devel rakrell ap toute pale! Hako kopo, kay deh gole ab ap miri rig, penell yob: Kate hom. Tou rikress kekes tele pash toute, oun aness či ap yekeste pre, hoy gar čačo hi, oun rakress gar djoungeles pral leste.

Jesaja 6:10

Rake lentsa, ninna te pandenn le pengre djia, oun krenn pengre kanda kashteno, oun pengre yaka pandlo. Te dikans le pengre yakentsa, oun shounans pengre kandentsa, oun hayvans pengre djiyentsa, moukans le pengro čilačo drom oun vans pash mande, oun me kroms len sasto.

Jesaja 63:1

Koon hi kova, kay vell dran o them Edom dran o foro Bozra, rido an lole koola? Koon hi kova, kay hi yaake rayles rido, oun kay nashell rayles an peskri bari zoor. Kova hom me, o baro Devel, kay rakrell an o čačepen: Man hi i zoor, te lap t'men dran o merepen vin.

Jesaja 65:24

Oun kava vell yaake: Yon dan gomme gar gole, koy dom man glan, oun yon rakrenn gomme, koy shounau me.

Jeremia 14:9

Hoske kreh tou, har te djinals gar, hoy te kress, har te vals i kourepaskro kek zoryah? Čačepah, baro Devel, tou hal pash mende. Mer ham tire menshe. Ma mouk men!

Jeremia 32:17

Baro Devel, miro ray, tou kral o bolepen oun i phoub dran tiri bari zoor oun tiro zorelo vasteha. Oun či hi koy, hoy nay kreh gar.

Ezekiel 8:18

Doleske djau lentsa i rholyah trouyel. Yon khaytenn man bouder gar. Oun man vell kek lačepen lenge. Ninna te denn le palle glan mire kanda pre gole, shounau me gar ap lende.

Micha 2:7

Hi o Yakobeskro kheer praasedo? Patseh, o baro Devel hi sik rhoyedo? Sau koova anell lo gar pral mende! Ava, mire laba hi lačes ap kolende, kay djan o čačo drom!

4. Mose 11:23

O baro Devel penas ap o Moseste: “Hi miro vast gar zorelo doha, te krap, hoy penom? Tou dikess kanna: Vell kova yaake, har me touke penom? Vell kova yaake gar?”

Mateo 13:15

O Devel penas: Kalla menshe kamenn gar te hayvell, hoy shounenn le. Yon kamenn gar te shounenn, hoy me penau. Vitar gar kamenn le te dikell, hoy čačo hi. Te kamans le kova te dikell, shounans le. Oun te shounans le, hayvans le, oun vans pash mande. Oun me nay kroms len sasto.

Hebrearja 7:25

Doleske nay krell lo, te djal kek kolendar nashedo, koon yob pash o Debleste anas. Yob djivell hako tsireske, oun mangell o Debles lenge.

1. Samuel 4:3

Oun har i lourde pale ap pengri platsa van, poučan i phoureder dran Israel: “Hoske kras o baro Devel, te dan men i Filistarya kava dives? Mer te las o morhton dran Shilo pash mende, kay o Debleskre deesh laba dren hi. Palle hi o baro Devel mashkral mende, oun lell men vin dran i vasta kolendar, kay kourenn pen mentsa.”

1. Samuel 8:18

Palle te vell ko dives, kay denn t'mer gole pral t'maro baro rayeste, koles t'menge vin rodan, palle shounell t'men o baro Devel gar an kol divessa.”