Jesaja 51:4 - O Debleskro Lab 2024 (Sinte-Manouche)

⁴ Shounenn ap mande, mire menshe, denn yak ap kova, hoy penau! Me sikrau o drom, hoy te djan. Oun mire čačepaskre laba hi har i momeli, hoy sikrell i menshenge an i tsele themma. hoy čačo hi.

O Debleskro Drom 2021 (Sinte)

⁴ Shunenn ap mande, mire menshe, denn jak ap kowa, hoi penau! Me sikrau o drom, hoi te djan. Un mire tchatchepaskre laba hi har i momeli, hoi sikrell i menshenge an i tsele themma. hoi tchatcho hi.

Jesaja 51:4 Iomraidhean Croise

Debleskri gili 106:5

Te nay dikap i barht, hoy tou kolen dal, hoy touke vi-rodal, te nay vap barhteles khetne tire menshentsa, te nay sharas men, te ham tire.

Debleskri gili 147:20

Kova kras lo kek vavar menshenge. Leskre čačepaskre laba prindjrenn yon gar. Sharedo vell o baro Devel!

Debleskri gili 33:12

Barhtele hi kol menshe, kolengro Devel o baro Devel hi, kol menshe, kay yob peske vi-rodas, te venn le leskre menshe.

Debleskri gili 50:7

“Mire menshe, shounenn! Me kamau rakrell. Israel, shoun, har me, tiro Devel penau touke, kay kova, hoy kral, gar mishto hi.

Debleskri gili 78:1

Givede laba o Asafestar. Mire menshale, shounenn, hoy t'menge penau! Shounenn mishto ap mire laba!

2. Mose 19:6

oun han vi-rodedo, te venn bare raya oun rashaya, kay hi mange koy. Kal laba peness tou ap i tsele Israelitarya.”

2. Mose 33:13

Te dikeh lačes ap mande, mouk man tiro drom te djinell. Me kamau tout feteder te hayvell, te krap, hoy mishto hi glan tire yaka. Biste kova gar: Kol menshe hi tire menshe.”

Gosewe laba 6:23

Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

Jesaja 1:27

T'mer menshe an Sion, te djivenn pale pal o čačepen, oun djan pale ap o Debleskro drom, playsrom t'menge, te venn vin lino dran o pandepen.

Jesaja 2:3

oun penenn: “Avenn, te djas pre ap i berga o baro Deblestar, pash o kheer o Yakobeskro Deblestar, te sikrell lo men peskre dromma, te djinas, hoy lo mendar kamell.” O baro Debleskre laba djan vin dran Sion. Dran o foro Yerusalem rakrell lo i menshentsa.

Jesaja 26:2

Krenn o foreskre bare voudya pre, te djan kolla dren, kay an o čačepen tardo hi, oun rikrenn ap pengro Debleste.

Jesaja 26:8

Baro Devel, mer dikah ap toute, te peness tou o čačepen vin. Lauter an mende rodell tout, oun kamell, te vell tiro lab sharedo.

Jesaja 42:21

O baro Devel hi o čačepaskro. Doleske his leske shoukar, te sikrell lo, har baro oun raylo leskre čačepaskre laba hi.

Jesaja 42:6

Me, o baro Devel, dom tout gole, te aness o čačepen pash i menshende. Me taprom tout pash tiro vast. Oun me dau yak ap toute. Tou vess o rakepaskro, kay krell i menshentsa vin, te vap lengro Devel; oun vess i menshenge an i tsele themma i momeli, hoy sikrell len o drom pash mande.

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Jesaja 55:3

Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

Jesaja 63:8

Yob penas: Čačepah, mire menshe hi le, menshe kek rhorhepah. Doleske vas lo, te lell lo len vin

Micha 4:2

Boud menshe dran vavar themma venn kay, oun penenn: “Avenn, djas pral ap i berga o baro Deblestar, pash ko kheer kolestar, kay o Yakobeskro Devel hi. Kote sikrell yob mende, har te djas ap leskro drom, te djivas mer yaake har yob kamell.” I berga Sion hi koy platsa, kay sikrell yob i menshende, hoy lo lendar kamell. Oun dran Yerusalem djan save menshe vin, kay penenn i vavarenge o baro Debleskro lab.

Louka 2:32

Yob hi har i momeli, te sikrell lo kolen tiro drom, kay prindjrenn tout gar. Koleske sharenn yon i menshen an Israel.”

1. Korintarja 9:21

Te hom me pash i menshende, kay rikrenn pen gar ap o Moseskre laba, palle djivau me har yon, te anap len pash o Yezous Kristeste, ninna te rikrau me man ap o Debleskro čačepen. Oun kova hi o Yezous Kristeskro lab.

5. Mose 18:18

I Debleskro rakepaskro har tou yek hal, kay vell lendar, koles bičrau me lenge. Oun me kamau leske mire laba an leskro mouy te čivell. Oun yob rakrell ap lende halauter, hoy me leske penau.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.